خبرات غيري

ابحث سبع سنوات قبل أن تصدق خبراً      - ( مدونة أنا - الريس ) -      الدنيا معلم حقيقي لكن أجرها باهظاً       - ( مدونة أنا - الريس ) -      زهرة في البيت تجلب لك الربيع       - ( مدونة أنا - الريس ) -      قطرات الماء القليلة قد تصنع جدولاً       - ( مدونة أنا - الريس ) -      أن تكون علي حق لا يستوجب أن يكون صوتك مرتفعاً       - ( مدونة أنا - الريس ) -      هي نفس الحياة سواء قضيناها في البكاء أو الضحك       - ( مدونة أنا - الريس ) -      الصقر الخبير يخفي مخالبه       - ( مدونة أنا - الريس ) -       حياء المرأة أشد جاذبية من جمالها       - ( مدونة أنا - الريس ) -       لا تغرك المظاهر فليس كل ما يلمع ذهب       - ( مدونة أنا - الريس ) -      بعد الحدث .. الكل يصبحون حكماء       - ( مدونة أنا - الريس ) -      إذا نام الحزن فلا توقظه       - ( مدونة أنا - الريس ) -      العامل المهمل يلقي باللائمة علي الأدوات - إذا شاورت العاقل ، صار عقله لك       - ( مدونة أنا - الريس ) -      إذا جعلت الليل ليلاً والنهار نهاراً ستكون سعيداً       - ( مدونة أنا - الريس ) -      إذا نظف كل منا أمام بيته صار الشارع نظيفاً       - ( مدونة أنا - الريس ) -      دماغ الكسلان معمل الشيطان       - ( مدونة أنا - الريس ) -      التكرار أبو المهارات       - ( مدونة أنا - الريس ) -       لا تحتك بالمشاكل حتي لا تحتك بك المشاكل       - ( مدونة أنا - الريس ) -       من يستقيظ متأخراً يركض طول النهار - إنكار الخطأ يعني إرتكابه مرتين       - ( مدونة أنا - الريس ) -       الغائبون متهمون دائماً       - ( مدونة أنا - الريس ) -       كثرة الكلام تحجب المعني       - ( مدونة أنا - الريس ) -       الناس لا يقذفون الحجارة إلي علي الشجر المثمر       - ( مدونة أنا - الريس ) -       من يحاول تبرير الخطأ قد يتعرض للإتهام       - ( مدونة أنا - الريس ) -       لا تحدثني عن جهودك ، بل حدثني عن نتائجك       - ( مدونة أنا - الريس ) -       من لم ينسي ضعفه كان أقوي الناس       - ( مدونة أنا - الريس ) -      التخمة أشد فتكاً من الجوع       - ( مدونة أنا - الريس ) -       من يناقش الأحمق عليه أن يتحمل جوابه       - ( مدونة أنا - الريس ) -       من لا أعداء له لا أصدقاء له       - ( مدونة أنا - الريس ) -      إذا خفت فلا تقل ، وإن قلت فلا تخف       - ( مدونة أنا - الريس ) -      الكلاب تنبح والقافلة تسير       - ( مدونة أنا - الريس ) -      الحرث في الماء لا يفيد       - ( مدونة أنا - الريس ) -      كل إناء ينضح بما فيه       - ( مدونة أنا - الريس ) -      اتق غضب الحليم إذا غضب       - ( مدونة أنا - الريس ) -      رب نعل شر من حفاء       - ( مدونة أنا - الريس ) -      ليس الخبر كالمعاينة       - ( مدونة أنا - الريس ) -      الوقاية خير من العلاج       - ( مدونة أنا - الريس ) -      إذا ذهب الحياء حل البلاء       - ( مدونة أنا - الريس ) -      لا أحد يصنع من المعدن الرخيص ذهباً       - ( مدونة أنا - الريس ) -      من تكثر نعاجه ، تكثر الذئاب حوله       - ( مدونة أنا - الريس ) -      من لا خير فيه لأهله ، لا خير فيه لأحد       - ( مدونة أنا - الريس ) -      الخط الحسن يزيد الحق وضوحاً       - ( مدونة أنا - الريس ) -      أول الحزم المشورة       - ( مدونة أنا - الريس ) -      آخر الدواء الكي       - ( مدونة أنا - الريس ) -      اللبيب تكفيه الإشارة       - ( مدونة أنا - الريس ) -      الصحة كالبيضة إن لم تحافظ عليها كسرت       - ( مدونة أنا - الريس ) -      لا تبصق في البئر فقد تشرب منه يوماً       - ( مدونة أنا - الريس ) -      لا تمدح أمر حتي تجربه ، ولا تذمه من غير تجريب       - ( مدونة أنا - الريس ) -      كن أسداً تأكل من فضلاتك الثعالب ، لا ثعلبا تأكل من فضلاتك الأسود       - ( مدونة أنا - الريس ) -      من يستعجل قطف العنب قبل نضوجه ، يأكله حامضاً       - ( مدونة أنا - الريس ) -      الشر قليله كثير       - ( مدونة أنا - الريس ) -      كيف أعاهدك وهذا أثر فأسك ؟       - ( مدونة أنا - الريس ) -      من تعلم لغة قوم أمن مكرهم       - ( مدونة أنا - الريس ) -       إطرق والحديد ساخن       - ( مدونة أنا - الريس ) -      السر إذا جاوز إثنين شاع       - ( مدونة أنا - الريس ) -      صاحب الحاجة أعمي       - ( مدونة أنا - الريس ) -      دوام الحال من المحال       - ( مدونة أنا - الريس ) -      لا تفتح باباً يصعب عليك إغلاقه       - ( مدونة أنا - الريس ) -      كثرة اللوم والعتاب تورث البغضاء       - ( مدونة أنا - الريس ) -      من إستهان بالوقت نبذه الزمن       - ( مدونة أنا - الريس ) -      إذا أردت أن تزرع لسنة فازرع قمحا ، وإذا أردت أن تزرع لعشر سنوات فارزع شجرة ، وإذا أردت أن تزرع لمائة سنة فإرزع إنساناً       - ( مدونة أنا - الريس ) -      للذهب ثمن لكن الحكمة ليس لها ثمن       - ( مدونة أنا - الريس ) -      كل شجرة ، كانت يوماً ما حبة       - ( مدونة أنا - الريس ) -      يهب الله كل طائر رزقه ، لكن لا يلقيه له في العش       - ( مدونة أنا - الريس ) -      لا تتخذ تمساحاً صديقاً ، وإن سالت دموعه       - ( مدونة أنا - الريس ) -      في اللغة الصينية كلمة كارثة من حرفين : الأول يمثل الخطر والثاني يمثل الفرصة       - ( مدونة أنا - الريس ) -      لن تستطيع أن تمنع طيور الهم أن تحلق فوق رأسك ، ولكنك تستطيع أن تمنعها من أن تعشش في رأسك       - ( مدونة أنا - الريس ) -      إذا كنت لا تستطيع الإبتسام فلا تفتح دكاناً       - ( مدونة أنا - الريس ) -      تخلص من همومك بوضعها في جيبك المثقوب       - ( مدونة أنا - الريس ) -      البيوت السعيدة لا صوت لها       - ( مدونة أنا - الريس ) -      لولا العمل لإنقرض الناس       - ( مدونة أنا - الريس ) -      إنظر إلي الإنسان كما هو ، لا كما كان       - ( مدونة أنا - الريس ) -      قراءة بلا تأمل ، كالأكل بلا هضم ، ابحث سبع سنوات قبل أن تصدق خبراً      - ( مدونة أنا - الريس ) -      الدنيا معلم حقيقي لكن أجرها باهظاً       - ( مدونة أنا - الريس ) -      زهرة في البيت تجلب لك الربيع       - ( مدونة أنا - الريس ) -      قطرات الماء القليلة قد تصنع جدولاً       - ( مدونة أنا - الريس ) -      أن تكون علي حق لا يستوجب أن يكون صوتك مرتفعاً       - ( مدونة أنا - الريس ) -      هي نفس الحياة سواء قضيناها في البكاء أو الضحك       - ( مدونة أنا - الريس ) -      الصقر الخبير يخفي مخالبه       - ( مدونة أنا - الريس ) -       حياء المرأة أشد جاذبية من جمالها       - ( مدونة أنا - الريس ) -       لا تغرك المظاهر فليس كل ما يلمع ذهب       - ( مدونة أنا - الريس ) -      بعد الحدث .. الكل يصبحون حكماء       - ( مدونة أنا - الريس ) -      إذا نام الحزن فلا توقظه       - ( مدونة أنا - الريس ) -      العامل المهمل يلقي باللائمة علي الأدوات - إذا شاورت العاقل ، صار عقله لك       - ( مدونة أنا - الريس ) -      إذا جعلت الليل ليلاً والنهار نهاراً ستكون سعيداً       - ( مدونة أنا - الريس ) -      إذا نظف كل منا أمام بيته صار الشارع نظيفاً       - ( مدونة أنا - الريس ) -      دماغ الكسلان معمل الشيطان       - ( مدونة أنا - الريس ) -      التكرار أبو المهارات       - ( مدونة أنا - الريس ) -       لا تحتك بالمشاكل حتي لا تحتك بك المشاكل       - ( مدونة أنا - الريس ) -       من يستقيظ متأخراً يركض طول النهار - إنكار الخطأ يعني إرتكابه مرتين       - ( مدونة أنا - الريس ) -       الغائبون متهمون دائماً       - ( مدونة أنا - الريس ) -       كثرة الكلام تحجب المعني       - ( مدونة أنا - الريس ) -       الناس لا يقذفون الحجارة إلي علي الشجر المثمر       - ( مدونة أنا - الريس ) -       من يحاول تبرير الخطأ قد يتعرض للإتهام       - ( مدونة أنا - الريس ) -       لا تحدثني عن جهودك ، بل حدثني عن نتائجك       - ( مدونة أنا - الريس ) -       من لم ينسي ضعفه كان أقوي الناس       - ( مدونة أنا - الريس ) -      التخمة أشد فتكاً من الجوع       - ( مدونة أنا - الريس ) -       من يناقش الأحمق عليه أن يتحمل جوابه       - ( مدونة أنا - الريس ) -       من لا أعداء له لا أصدقاء له       - ( مدونة أنا - الريس ) -      إذا خفت فلا تقل ، وإن قلت فلا تخف       - ( مدونة أنا - الريس ) -      الكلاب تنبح والقافلة تسير       - ( مدونة أنا - الريس ) -      الحرث في الماء لا يفيد       - ( مدونة أنا - الريس ) -      كل إناء ينضح بما فيه       - ( مدونة أنا - الريس ) -      اتق غضب الحليم إذا غضب       - ( مدونة أنا - الريس ) -      رب نعل شر من حفاء       - ( مدونة أنا - الريس ) -      ليس الخبر كالمعاينة       - ( مدونة أنا - الريس ) -      الوقاية خير من العلاج       - ( مدونة أنا - الريس ) -      إذا ذهب الحياء حل البلاء       - ( مدونة أنا - الريس ) -      لا أحد يصنع من المعدن الرخيص ذهباً       - ( مدونة أنا - الريس ) -      من تكثر نعاجه ، تكثر الذئاب حوله       - ( مدونة أنا - الريس ) -      من لا خير فيه لأهله ، لا خير فيه لأحد       - ( مدونة أنا - الريس ) -      الخط الحسن يزيد الحق وضوحاً       - ( مدونة أنا - الريس ) -      أول الحزم المشورة       - ( مدونة أنا - الريس ) -      آخر الدواء الكي       - ( مدونة أنا - الريس ) -      اللبيب تكفيه الإشارة       - ( مدونة أنا - الريس ) -      الصحة كالبيضة إن لم تحافظ عليها كسرت       - ( مدونة أنا - الريس ) -      لا تبصق في البئر فقد تشرب منه يوماً       - ( مدونة أنا - الريس ) -      لا تمدح أمر حتي تجربه ، ولا تذمه من غير تجريب       - ( مدونة أنا - الريس ) -      كن أسداً تأكل من فضلاتك الثعالب ، لا ثعلبا تأكل من فضلاتك الأسود       - ( مدونة أنا - الريس ) -      من يستعجل قطف العنب قبل نضوجه ، يأكله حامضاً       - ( مدونة أنا - الريس ) -      الشر قليله كثير       - ( مدونة أنا - الريس ) -      كيف أعاهدك وهذا أثر فأسك ؟       - ( مدونة أنا - الريس ) -      من تعلم لغة قوم أمن مكرهم       - ( مدونة أنا - الريس ) -       إطرق والحديد ساخن       - ( مدونة أنا - الريس ) -      السر إذا جاوز إثنين شاع       - ( مدونة أنا - الريس ) -      صاحب الحاجة أعمي       - ( مدونة أنا - الريس ) -      دوام الحال من المحال       - ( مدونة أنا - الريس ) -      لا تفتح باباً يصعب عليك إغلاقه       - ( مدونة أنا - الريس ) -      كثرة اللوم والعتاب تورث البغضاء       - ( مدونة أنا - الريس ) -      من إستهان بالوقت نبذه الزمن       - ( مدونة أنا - الريس ) -      إذا أردت أن تزرع لسنة فازرع قمحا ، وإذا أردت أن تزرع لعشر سنوات فارزع شجرة ، وإذا أردت أن تزرع لمائة سنة فإرزع إنساناً       - ( مدونة أنا - الريس ) -      للذهب ثمن لكن الحكمة ليس لها ثمن       - ( مدونة أنا - الريس ) -      كل شجرة ، كانت يوماً ما حبة       - ( مدونة أنا - الريس ) -      يهب الله كل طائر رزقه ، لكن لا يلقيه له في العش       - ( مدونة أنا - الريس ) -      لا تتخذ تمساحاً صديقاً ، وإن سالت دموعه       - ( مدونة أنا - الريس ) -      في اللغة الصينية كلمة كارثة من حرفين : الأول يمثل الخطر والثاني يمثل الفرصة       - ( مدونة أنا - الريس ) -      لن تستطيع أن تمنع طيور الهم أن تحلق فوق رأسك ، ولكنك تستطيع أن تمنعها من أن تعشش في رأسك       - ( مدونة أنا - الريس ) -      إذا كنت لا تستطيع الإبتسام فلا تفتح دكاناً       - ( مدونة أنا - الريس ) -      تخلص من همومك بوضعها في جيبك المثقوب       - ( مدونة أنا - الريس ) -      البيوت السعيدة لا صوت لها       - ( مدونة أنا - الريس ) -      لولا العمل لإنقرض الناس       - ( مدونة أنا - الريس ) -      إنظر إلي الإنسان كما هو ، لا كما كان       - ( مدونة أنا - الريس ) -      قراءة بلا تأمل ، كالأكل بلا هضم .

الأحد، 6 يونيو 2010

خلاص خلاص هشرب اللبن

زمان وانا صغير كان ديما في حكاية قبل النوم ، وديما كان الحكايات بتتكرر بدل المره ميه ، و كنت بحب أسمعها للمرة الميلون بشغف المتلقي أول مره للحكاية ، ربما يكون للأم أجندة من ورا الحكاية لشرب لبن أو سماع كلام أو حتي الوقوف في صفها في وقت ما أو زرع وازع ديني أخلاقي أو ترويعه من الأغراب الذين يقابلهم لأول مره أياً كانت أجندة الأم فمش موضوعنا، ولما كنت بسترجع ذكريات –المعيلة- الطفولة يعني مع صديقي الصدوق أحمد طه حكا لي حكاية اتحكت له وبدوري لازم احكيها لكم ونبتدي الحكاية بالصلاة علي النبي – قولوا عليه الصلاة والسلام – كمان زيد النبي صلاة – عليه الصلاة والسلام كان يا مكان في وقت قريب مش من زمان ولد اسمه حسين مش بيسمع الكلام ماما قالت له اشرب اللبن يا حسين عشان تكبر وتبقي قوي – رد وقالها لأ مش شاربه ، ماما قالت له هنادي للعصاية ، عاند حسين وقال نادي لها ، قالت ماما للعصاية : يا عصاية يا عصاية ممكن تضربي حسين عشان مش راضي يشرب اللبن ، ردت العصاية وقالت : لأ مش هضربه ، قامت ماما راحت للنار وقالت لها : يانااار يانااار ممكن تحرقي العصاية عشان مش راضية تضرب حسين عشان مش راضي يشرب اللبن ردت النار وقالت : لأ مش هحرق العصاية راحت ماما للمية وقالت ليها : يا مية يا مية ممكن تطفي النار عشان مش راضية تحرق العصاية عشان مش راضية تضرب حسين عشان مش راضي يشرب اللبن . ردت المية وقالت : لأ مش هطفيها راحت ماما للبقرة وقالت لها : يا بقرة يا بقرة ممكن تشربي المية عشان مش راضية تطفي النار عشان مش راضية تحرق العصاية عشان مش راضية تضرب حسين عشان مش عايز يشرب اللبن ردت البقرة وقالت : لأ مش هشربها ، راحت ماما للجزار وقالته : يا جزار يا جزار ممكن تدبح البقرة عشان مش راضية تشرب المية عشان مش راضية تطفي النار عشان مش راضية تحرق العصاية عشان مش راضية تضرب حسين عشان مش راضي يشرب اللبن ، رد الجزار وقال : لأ مش هدبح البقرة ، فراحت ماما للحبل وقالت له يا حبل يا حبل ممكن تشنق الجزار عشان مش راضي يدبح البقرة عشان مش راضية تشرب المية عشان مش راضية تطفي النار عشان مش راضيه تحرق العصاية عشان مش راضية تضرب حسين عشان من راضي يشرب اللبن .

رد الحبل وقال : بس كده حاضر ، فرد الجزار بسرعة : خلاص خلاص هدبح البقرة ، وردت البقرة وقالت خلاص خلاص هشرب المية ، وردت المية وقالت خلاص خلاص هطفي النار وردت النار خلاص خلاص هحرق العصاية ، وردت العصاية وقالت خلاص خلاص هضرب حسين ورد حسين وقال خلاص خلاص هشرب اللبن ... وشرب حسين اللبن . خلصت الحدوته .. حلوة ولا ملتوته

هناك 33 تعليقًا:

مدونه ما كفايه بقى يقول...

سلامو عليكو

ماما كانت بتحكيلى الحدوته وانا صغيره
بس الولد كان اسمه احمد
مره بقى كانت اخدانى مشوار لصحبتها ابنها كان اسمه احمد
سألته بكل براءه بقيت تشرب اللبن يا احمد؟
ههههههههههههه
فى مواقف الواحد عمره ما ينساها

فكرتنى بالذى مضى

تقبل مرورى
تحياتى لك اخى

♥ ♥ Amira Samy ♥ ♥ يقول...

هههههههههه

قصة جميلة جداً

تسلم ايديك

Gihad N. Sohsah يقول...

حلوة الحدوتة

تراجعو في النهاية كلهم

فاتيما يقول...

حلوة طبعا يا بسام

بس انا كنت بحكى ليسوفة حكاية مشابهة
تتلخص ف الآتى

الفار بيخاف م القطة
و القطة بتخاف م الكلب
و الكلب بيخاف م الدئب
و الذئب بيخاف م الأسد
و الاسد بيخاف م الصياد
و الصياد بيخاف من ربنا

يعنى كل المخلوقات دى ف النهاية
بتخاف من رب العالمين لأنه فوق الكل

كنا بنلعب اللعبة دى احياناو احنا ماشيين ف الشارع ...نبتدى من اصغر مخلوق و نوصل لحد سبحانه و تعالى

ساعات كنا نجيبها من حباية الرمل للصدفة للكابوريا لقنديل البحر لسمك القرش للحوت للصياد برضو و ف النهاية كله بيخاف من ربنا

حاجة زى قصة الفار و الجبل


الطف ما ف الحكايات ان غالبا بطل القصة بيبقى على اسامينا

و كنا برضو بننهى الموقف بنفس جملتك

خلاص خلاص هشرب اللبن
خلاص خلاص هعمل الواجب
خلاص خلاص هسمع الكلام

كدا

تحياتى ليك يا مستر بريذدنت

آه لو تسمح
ممكن أحط لينك البوست عندى
فى بوستات صديقة؟؟

- اتفضلى طبعا يا فاتيما
- متشكرة جدا يا بسام



تحياتى ليك
يا مستر بريذدنت

غير معرف يقول...

ههههههههههههههه

عيال ماتجيش الا بالضرب :))

قصه جميله بجد :)

تحياتي

هوبتي يقول...

انا ماما الله يرحمها ما كنتش بتحكيلي حدوته والحمد لله عمرها ما قالت لي اشربي الحليب لان هي ما كنتش بتحبه هههههههههههههههههههههههههههههههههههههههههههههههههههههههههههههه

Tears يقول...

ايه يا سيادة الرئيس النظام البوليسى اللى بتروج له ده؟

طبعا انا ح انتخبك لكن بلاش تفصح عن نواياك فى قهر الشعب كده

القصة صحيح مسلية لكن مغزاها انه كله بالقهر و الخوف يمشى....يعنى مثلا كان اولى والدة حسين تناقشه و تقنعه بفوائد اللبن و لو طلع مش بيحب طعمه زى حالتى و انا صغيرة يبقى تعرض عليه لبن بالشيكولاته او الفراولة مش تهدده و تلم عليه البلد كده و فى الاخر تجبره

sen يقول...

أول شي عذرا على الغيبة بس والله كنت أقرأ المواضيع بس ما كان لي خلق اسوي تسجيل دخول عشان أرد !!


المهم .. عندنا قصة بالكويتي تشبها !! هههههههههه بس اتونس هالقصص .

أمي مره علمتني أألف قصة حق الطفل وقالت لي أول شيء لازم تحطين حدث واحد تتمحور عليه القصة (( شرب اللبن )) تكرار الكلمات يساعد على استدعاء الإنتباه (( يا بقره يا بقره )) والطول لا زم ماتكون قصيره ولا طويله ممله..

وشكرا على المواضيع المميزه يا مدرسنا .. بقيت الريس في الفصل .. وبعديها تبقى ريس القسم وبعد الفصل والقسم ريس المدرسة وبعد الفصل والقسم والمدرسة المحافظة وبعد الفصل والقسم والمدرسه والمحافظة الجمهورية وبعد الفصل والقسم والمدرسه والمحافظة والجمهورية الوطن العربي وبعد الفصل والقسم والمدرسه والمحافظة والجمهورية والوطن العربي الوطن الإسلامي وبعد الفصل والقسم والمدرسه والمحافظة والجمهورية والوطنين العربي والإسلامي العالم وبعد ده كلو نقيييلك ونقولك استريح !! هههههههه

Unknown يقول...

و بيسألوا العيال بيجيلهم تخلف من إيه...عليا النعمة أنا لو كان حد حكالي الحدودتة دي وانا صغير لكنت طردته بره الأوضة... :)
أصلا عمر ما حد حكالي حواديت وانا صغير عشان مكنتش بعرف أنام و بحس بقلق لو حد موجود معايا ف نفس الأوضة...
دمت بكل ود يا سيادة الريس...

بلال عادل رجب. يقول...

اهم حاجه فى الموضوع ان انت توهتنى مابين اللبن وحسين والبقرة والجزار

أم الخلود يقول...

حدوته حلوووووووووووة .. ورد اللبن وقال راح أروى حسين ..

وفي النهاية الكل نام سعيد وكتكوته فرغت الحدوته

sal يقول...

يااااااه
ايه دا يا ريسنا
هو سيادتك عندك كام سنة
انا اللى اعرفه ان الحدوثة دى
من عهد الاستبداد المملوكى
واحنا دلوقتى بالصلاة عالنبى
فى عهد سيادتك ...واللى عارفه انك راجل ديمقراطى ولست اكراهى

تحياتى وتقديرى

Haytham Alsayes يقول...

ههههههههههههههههههه

طيب ما كان من الاول ياحسين لازم تدوخ ماما الدوخة السودة دي

ههههههههه

فكرتيني بايام زماااااااان

تحياتي ياريس

SARAH يقول...

احلى حاجه في الطفوله هي الحكايات هذي ههههههه تخاريف ابداعيه ;)


سيدي الريس لك ودي
ولي عوده
SARAH

مرايتى يقول...

لا بجد حلوه

حلو قوى الريس بتاعنا
مهنينا وكمان بيحكى لنا حدوته قبل النوم

حاجات جوايا يقول...

لا حلوة والله مش ملتوتة خالص ولا عمرى سمعتها قبل كده
والجميل فيها كمان انها بتوظف كل شخصياتها فى الحاجة اللى بيعملوها
يعنى العصاية للضرب
النار للحرق
الجزار للدبح كده يعنى
تنفع لسن 4 سنين
وده المطلوب اثباته احكيها لابنى بقى ان شاء الله هههههههه
جزاك الله خيرا اخى الفاضل
شرفت بزيارتك
دمت بخير

beautiful mind يقول...

ههههههههههه
فكرتني بالذي مضي
يااااااااااه عمر طويل مسمعتش حداويت
اخبارك ايه يامان
والمذاكره عامله ايه
يلا شد حيلك
تحياتي

e_emy يقول...

حلووووووووة (:

انا كمان سمعتها قبل كده

بس معملتش حاجه
ولسه برضه مش بشرب اللبن D:

سواحة يقول...

اذا الحل هو الحبل ؟:-))))))

bentelghrob يقول...

هههههههههههههههههههههه
خلاص خلاص هعلق اهو من غير نار ولا ميه ولاضرب
ياااااااه رجعتنى لايام جميله
انا جايه ارد لك الزياره وبجد اتبسطت اوى فى مدونتك ويارب التواصل يدوم بينا عجبنى اوى وصفك يافخامه الرئيس
(عندى امل عندي أمل ، بعضهم هيقول ده درب من الهبل ، والبعض هيقول والله إنت زي العسل .. أنا لا عايز اسمي علي الجنية ولا صورتي فوق كل راس باشا أو بيه . أنا عايزك يا مصر تتقدمي
اروح بقا اشرب اللبن لانضرب يااخويا لامفر
نورت مدونتى ويارب تيجى تانى
تصبح على خير
تحياتى

خواطر شابة يقول...

لا حلوة وهو مين يقدر يقول عليها ملتوتة
ايضا انت اخذت اجر بأنك خليت كل واحد يقرأ يصلي مرتين على النبي وهذا فضل كبير

Anas Emad يقول...

لو انا مكان حسين او مكان او مكان الصاوي

كان زماني بقول

خلاص خلاص هشرب اللبن

من ملل القصة

كل ده ؟؟؟؟ ملل ..

بس مش معني يعني الحبل اللي ما وافقشي و راح يشنق الجزار

ليه التسلسل القصصي ممل شوية

ليه الموافقة بالظلم جات متاخرة شوية

و كل دول طيبين يوافقوا علطول

؟!

خمسة فضفضة يقول...

:))

حلوه بس طويله اوي دا زمان الواد نام من مامته قبل ما يشرب اللبن هههههههه

فاتيما يقول...

انتا مختفى فين يا بسام ؟؟
لا بتعلق عند حد
و لا بترد على اخواتك هنا
مش بعادة تغطس كام يوم كدا ؟!

انا قولت اطمن بس

تحياتى ليك

موناليزا يقول...

شوفت الفار السندق اللى اكل البندق فوق سطح( اللى مش عارفة ايه كده:))
اهى الحكاية فكرتنى بالاغنية دى

shimaa elkholy يقول...

ههههههههههههههههههه

ايه الحدوته دي

يا ياعم حدوته ماما كانت ارحم

الثلاث معزات

ولا حواديت تيته بقى الله يرحمها

رنا عبد المنعم يقول...

يا نهاااااااار أبيض ... نفس القصه بالملي كانت بتحكيهالي جارتي كانت قدي ... وما زهقناش من التكرار ... كل يوم تتحكي ... وكل ما كنت أقابل حد أحكيها :)
ذكريات حلوه ... بوست رائع يا سياده الريس :))

غير معرف يقول...

الله يكرمك يا أخي
على هذه اللحظات الجميلة التي عشناها في قراءة التدوينة
مع تحياتي

البنفسج الحزين يقول...

أحيل إليك" التاج السلطانى" وأسئلته هي:
1-اذكر اسم من طلب منك حل هذا الواجب.
2-اذكر القوانين المتعـلقة بهذا الواجب.
3-تحدث عن ستة أسرار قد لا يكتشفها من يقابلك للمرة الأولى.
4-حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
5-اترك تعليقًا في مدونة من حّولت الواجب عليهم؛ ليعلموا عن هذا الواجب
جاوب وربنا معاك ...

Tarkieb يقول...

هي الحدوتة كمان دي عندكم ؟ طب عندكم بتاعة كان في واحدة ست عندها 12 بنت؟ طب راس الفسيخة والرغفين؟ انا بس عايز اقارن ...اوعي تكون من السيدة بقى؟

أنا - الريس يقول...

بعد السلام .. بعتذر عن
عدم الرد في البوست اللي فات وياريت تسامحوني ..
ثاني حاجة صديقي الصدوق أحمد قالي عدلي وقالي مش اسمه حسين .. دا القصة اسمها زغلول بتاع الفول .. وبدل اللبن كان فول .. عشان الواقعية في القصة .
بس خلاص
---------
مدونه ما كفايه بقى وعليكم السلام والرحمة والإكرام
..
احمد حسين زعلول المهم اللبن اتشرب ولا لاء .. وانت لازما تحرجوا الراجل .. ههه بس موقفك يدل علي مدي روعة الطفولة ..
وتحياتي لك إختي في الله .

سلسبيل .. وتسلمي علي مرورك .. تحياتي .

صانعة الأحلام الله يجبر بخاطرك وخاطر اللي حكاها لي مع اني لخبطت فيها .. بس مش مهم أهم حاجة الشعب يستمتع .. تحياتي

فاتيما سألت عليكي العافية أولا .. وربنا يخليكوا لبعض انتي والاستاذ الدكتور البشمهندس الظابط امين الشرطة ولا بلاش اللتنين الاخر يوسف بيك .. وكويس اني قصتك فيها موعظة وهدف ..
اما عن وضع لينك المدونة فصدقيني دا شرف ليا بجد وبدون نفاق .. وخير البر عاجله .. تحياتي يا منوراني .

فتاة من الصعيد .. انا كنت باجي بالشبشب والخرطوم اللحمر بتاع تسليك البلاعة تحياتي لكي .

هوبتي .. أنا كنت بشرب اللبن من الجاموسة علي طول .. لان كان عندنا ايام زمان حبة مواشي .. ههه .

Tears دا شرف ليا تعليقك حتي بدون انتخاب .. بس النظام مش ارهابي .. بالعكس انا قلت كل أم لها اجندا فدي حسب الأم .. مش تبعي .. وامسحيها فيا ان مخبتش علي الشعب نويايا .. حلو الكلمة دي ..

Sen وحتي بدون تعليق يكفني أنك بتقري ..دا يجعلني سعيد .. ههه والله الوالدة علمتك ما لم اتعلمه في حياتي .. رغم بساطته .. ولا شكر علي واجب .. هوا لريس حاجة بدون شعبة .

ELMOSTAFZ ههه انا حسبتك هتقول أزقله من الشباك .. ونوما هنيئا ولازم تعود نفسك علي النوم .. عشان هانت فترة وتبقي من الشعب الأصلي لمصر . تحياتي

قلب " بلال " فارس ما هو دا الغرض انه الخبطك .. وودنك منين يا فارس . تحياتي

ام الخلود .. ههه .. وتوته توته ولسه عندنا مليون حدوته .تحياتي

sal ههه قول العصر هيكون عصر الشعب .. طبعا لا تفهمني صح . تحياتي

Haytham Alsayes .. الواد حسين دا اصلا قليل الأدب .. واكثر ما اسعدني ان افكرك .. ريحة زمان .. تحياتي

SARAH ههه تشرفي في أي وقت . تحياتي

مرايتى .. اي خدمة عشان لما امسك واطلب تفتكروني بخير ..تحياتي

حاجات جوايا .. ولا انا كمان اصل انا بعيد عنك حكيت القصة غلط .. وربنا يخلكي انت وابنك ويسعدكوا ..وتشوفيه زي ما انتي عايزاه .. والشرف ليا .. تحياتي .

beautiful mind كويس يا هنزه اني فكرتك .. وانا الحمد لله خلصت مذاكرة من السنة اللي فاتت .. تحياتي

أنا - الريس يقول...

e_emy هوا مكنش عندك عصاية أو حتي شبشب .. زينا .. يعني .. تحياتي .

Wanda دي إصه يعني كده وكده بس الحبل لازم يستخدم في بعض الأحيان برضوا . تحياتي .

bentelghrob يارب .. وكويس انك اتبسطي .. ويسعدني الزيارة وجاري عمل زيارة بالفطير المشلتت والعسل .. وربنا يكرمك يا مجاملتك .. وانت من أهل الخير وتحياتي .

خواطر شابة والله مكنتش اقصد بس كتر خيرك عشان اجدد النية .. وربنا يتقبل .. أمين .. لأن ملك الحسنات بقاله قاعد مرتاح فترة طويلة . تحياتي 1

Anas Emad والله يا انوس الناس أزواق .. يا معلمي .. وانا لو مكان الوالدة كنت ضربتك بالشبشب أو العصاية علي طول . تحياتي

خمسة فضفضة .. و دا المطلوب اثباته .. تحياتي .

فاتيما .. مرة تانية سألت عليكي العافية والصحة . وروابي .. وجهينة ..
تحياتي لك .

موناليزا فوق سطح الفندق طب شفتي القطة النو ( ومش عارف برضه ايه كدا ).. وتحياتي .

ندى الياسمين .. انا كنت لسه هحكي ال3 معيز مستقبلا .. وتحياتي .. ههه .

رنا عبد المنعم .. ربنا يكرمك .. وافضل ما في الماضي الذكري . تحياتي

Sonnet ارجو انك متكونيش زهقتي مننا .. تحياتي .

البنفسج الحزين .. جاري حل الواجب .
تحياتي .

Tarkieb ايوه كانت عندا الأول بس مكنتش عندنا التانية .. لا انا دقهلاوي . تحياتي

بنوتة يقول...

السلام عليكم
دى اول زيارة ليا للمدونة ودا اول موضوع لفت نظرى
وفكرنى باغنية اسمها الفار السندق
الحمد لله ان ماما مكنتش بتحكيلى عن اللبن كانت بتحكيلى عن التعلب المكار
موضوعك جميل
تقبل مرورى