أنا لوحدي
رغم إن حُولِي كتير
أنا لوحدي
رغم السؤال إذا كنت بخير
أنا لوحدي
رغم الخطا رغم المشاوير
أنا لوحدي
رغم الغنى إحساسي فقير
أنا لوحدي
أنا لوحدي ولحدش حاسس
وكل خبطة بتلكك
بمكنتش باصص
أنا الأعمى برغم النور
أنا اللي داير في الدواير دور
أنا الشعاع مجبر يخترق منشور
مش قصته اتفتت
مادام هيظهر منه 7 تلوان
يا مين يقولي امتى الحقيقة تبان
يا مين يجاوب عليا
أموت سجين ولا أحسن أعيش سجان؟!
أنا لوحدي
مجبور بشيلت هموم الغير
أنا لوحدي
مجبور بكوني شربة أو إكسير
أنا لوحدي
وعشان سيادة الموكب لازماً يكمل سير
مكتوب عليا أعيش في غربتي كأسير
وأنا لوحدي
كل الأخلة اتجمعوا لصورة
ونسيوا كوني مش موجود
حاولت ألمح لهم ردوا بكل برود
لابد حد يفضل بره للحدود بيزود
وعشان أكيد حد يلقط المشهد
فواجب عليك إنت تمسك الكاميرا
وتعيش كدا لوحدك