ذهبت لأختي وأنا محمل بمعظم البضاعة فقد بعت ما يقرب من 9 قطع فقط ، وعندما رأتني أختي أخذت مني الكيس وغابت لفترة عند " سليفها " – زوجات أخوات جوزها– وعادت وفي الكيس 3 قطع فقط ، وقد كان سبب رجوعها بال3 حتت وجود عيوب بهم فسألتها إزاي اتصرفت في البضاعة كلها ؟ قالت أنا "طلعت لهم الهدوم وقلت لهم الهدوم دي تخلص ، مش كفاية الواد معاه كلية واشتغل مندوب ، اتصرفوا حالا وخلصوها " فساهمت كل منهم بقدر المستطاع وطلبوا – أطقم – تانية بألوان تانية ، ثم جائت إلي محملة بالأموال مما باعته للمعارف في نصف ساعة ، فسألتها إن كنت دبستهم في الشرا ، ردت وقالت لو مكنوش بيحترموك مكنوش خدوا حته واحدة ، فحمدت الله أنه رزقني بمثل تلك الأخت الجدعة ، عدت للعمل في اليوم التالي وسلمت من بالعمل ما معي من أموال بيع بضاعة الإمس ، وأستلمت البضاعة الجديدة مع تذكيري بضرورة الإبتسام للعميل دائما خصوصا وإن إبتسامتي كانت مش شروط قبولي في المهنة الموعودة ، عدت أدراجي لقريتي لكي ابيع فيها ما جئت به ، ذهبت إلي المدرسة الإبتدائي التي درست فيها ولكن لم أبع فيها قطعة واحدة ، فرحت للمدرسة الملاصقة فرأتني " مرات عمي " فأخذتي للمدرسين وقالت لهم دا بسام ابني ، اشتروا منه والحاجة اللي معاه كويسه وحلواااا ، فبعت قطعتين لأحدي المعلمات الذي ظهر علي وجهها علامات " التدبيس " ، ثم مررت علي الوحدة المحلية ، وجدت ايضا بعض معارفي ، ومنهم " أم أبانوب " زميلي في الإبتدائي تذكرت المحادثة التي دارت بيني وبينه وأنا عندي 8 سنين تقريبا قلته له " ليه يا أبانوب متأسلمش " فرد وقالي " لو سمحت مش عايز اتكلم في الموضوع دا " إبتسمت للذكري و العقل الطفولي أيامها و للوالدة وأرسلت معها سلامي وتحياتي له فاخبرتني أنه تخرج من كلية التربية ، فأخبرتها أنني برضوا خريج تربية نوعية حاسب آلي ، فشتمت إحدي الموظفات المحليات " الحكومة " اللي مفيش عند أهلها دم التي جعلت من مدرس حاسب مندوب مبيعات .
رجعت لإختي أعطيتها الأطقم المطلوبة من – سليفها – أخدت المعلوم وفي اليوم التالي رحت الشغل ، أعطيتهم المال والمتبقي من البضاعة وأستلمت بضاعة جديدة ، واذا بالصدمة فقد طلب مني صاحب العمل النزول إلي إحدي القري التي يبدو من إسمها أنها لازلت قرية مصرية أصيلة ... يتبع بالجزء الأخير .
هناك 24 تعليقًا:
طيب ياعمنا
ادعى لاختك
وياريت كل الاخوات زيك كده
ولا اقلك اصل النسوان بيسلكوا فى الحاجات دى احلى من الرجاله
شكرا على الموضوع الجميل والدعاء لاختك مهم
والله أختك دي جدعه ربنا يكرمها....
بس ايه بقا يا تري حكايه
القريه المصريه الأصيله
مستنيين نعرف في البوست الجاي....
البيع فن يعتمد على معرفة ما تبيعه وحاجة المستهلك له
كنت اعرف خواجة عمل فى مصر
فسئل زميل لى عن عنوان كذا
فوجدت الخواجة يقول له العنوان بكل دقة
فقلت متعجب كيف قمت بهذا
فقال
لقد طوفت مصر شرقها وغربها على عجلة
ابيع فيها الزبادى
فلقد كنت مندوب لاحدى شركات الالبان
اسوق منتجاتها اعمل دراسة سوق
انزل الى الدكاكين فى الحوارى اكلمهم
لذا مندوب المبيعات ليس شتيمة او سبة
انما وجه شريف للحصول على الرزق من خلال المجهود
استثمار العلم الذى تعلمناه فيما نعمله الان مطلوب
باءمكان من تعلم الحاسب الالى
ان يعمل قايمة بالعملاء وعناوينهم
وارقام تلفوناتهم
اختك ممكن توزع كارت باسمك على من اشترى حتى يطلبوك حينما تكون الحاجة
ربنا يهب الخير للجميع
ومنتظر الجزء الاخير
مهنة متعبة لكن مجزية
سجي ان تتحلى بالصبر و التفاؤل , هي متعبة في اولها فقط
ياااااااااااا صبرك
الموضوع دة عايز صبر و طول بال جبااااااار
معليش يا ريس
اهو كله خبرة تنفع سيادتك
لو جار عليك الزمن
طريقة سردك جميلة ومشوقة
وفى انتظار البقية
تحياتى
كله خبرة زي ماقال سال
في انتظار البقية
تحياتي
ده اكل عيش ربنا يعينك يارب
ويجعل فى وجهك القبول
ربنا ستر فى اليومين الى فاتو
ربنا يوفققك فى عملك
دعواتى لأختك فى تستحق
يقول المتل الصيني
إذا كنت لا تستطيع الابتسام فلا تفتح دكانا
كما لا تنسى انت هو الريس ^_^ استمر
سلام
ماشاء الله قلب اختك عليك ربي يخليكم لبعض
وفى انتظار بقية القصة يا ريس
ربنا يوفقك ويكرمك
استمر وكافح ومتيأس
الشغلانه متعبه لكن كويسه
ربنا يرضيك ويعطيك
وتحية لاختك الحنونه
ربنا معاك :) ..
بس اختك دي باين عليها جدعه هي وسلايفها :)
تحياتي
سيادة الرئيس
ليه طلب صغير
رفقا بالشعب اكتب بخط كبير شوية
المفروض بقى تتعلم من أسلوب أختك ومرات عمك فن التدبيس والإقناع
ربنا معاك ياريس ويوفقك للخير يارب
مش قادرة اعبر عن كم الحزن اللى اصابنى
مش ح قول غير ربنا ياخد الحزب الوطنى و يعذب فرد فرد فيه عشان الموت الطبيعي مش كفاية عليهم
لو الشباب فضل ساكت يبقى لا يلوم غير نفسه خاصة ان لو جابوا اولاد فى الظروف دى ح يلموهم همه كمان
لكى الله يا مصر شعان احنا مالناش حد و رجالتنا اللى كنت بشوفهم فى الافلام الفدايين مش عارفه هاجروا و لا اكلينيكي و لا فين
في انتظار الجزء الاخير
أخت ميه ميه الصراحه
ربنا يوفقك فى عملك ويكرم اختك يارب
تحياتى
تعليق صغنون
انا عينى وجعتنى من صغر الخط ياسيادة الريس
تحياتى
من الواضح ان الجزء التالت هيكون اخر مره نزلت فيها شغل :)
انت مجربتش تنزل مدن ليه ؟ عامة الشغل بيكون احسن فيها كمان المصالح الحكومية بيكون عدد الموظفين فيها اكتر
الموضوع عايز وقت وخبرة طويلة مش مره او اتنين
فى انتظار الجزء الثالث
بانتظار الجزء الأخير
الله يعينك مو سهل شغلك..
موفق يارب..
السلام عليكم
اية دة ياعنى معنى كدة ان انا كمان هاشتغل مندوبة مبيعات
وانا اللى حطة امل انى عاوزة اشتغل مصممة فوتوشوب
ياللهول
علية العوض ومنة العوض
امال الاخوات عملوها ليه
مش علشان الاخت تقف مع اخوها
ربنا يحنن قلب الاخوات على بعض
ياسلالالالام يا ريس لو تعمل فينا معروف كده وترحمنا من الخط الصغير ده لحسن اختك عينها تعبت قوى من القرايه مش كفايه فى الشغل بنمقق عنينا فى الارقام والحسابات كمان عنيننا تطلع عندك هنا فى القرايه كمان
مع احترامى لشخصك
ياللا ربنا معاك ويحافظ عليك
ويعينك على شيلتك
إرسال تعليق