النهاردة كنا رايحين ندبح لواحد صاحب
أبويا المهم رحنا المزرعة رفعنا العجل المذكور ربطه العمال العربية اتحركت وعلى
باب المزرعة واحنا ركبين في الكبينة بتاع عربية أخويا الجديدة الشيفروليه
هوووووووب لقينا العجل طاير من فوقنا على سقف الكبينة فطبقها ثم على الإزاز فشرخه
ثم على مقدمة العربية فأصابها بكدمة.
صدمنا الحادث لأن العربية لم تكمل
الشهر وهذا ثالث حادث تبتلى به، المهم رجعنا ربطناه حلو وحطناه على العربية من
تاني العربية وإحنا كلنا مقفولين إزاي هنقول لأخويا الخبر، رحنا المكان اللي هندبح
فيه دبحنا، سلخنا، شفينا، وقبل نهاية تشفية العظم (عملية فصل العضم عن اللحم إسمها
تشفية) السطور وقع جنب رجل أبويا، وكان أن يفقده كااام صوباع من صوباعه، طلب مني
أحد أصحاب الأضحية تكسير العضم.
بدأت بالتكسير ثم اذا بالساطور يرتد
من على الماسورة (اسم عضمة الفخد) على يدي
ليحدث جرح بإصبعين، ثم يقطع ابن عمى جلد ظهر كفه، ثم تكسر كبرى سكاكين أبي التي
يسخدمها في التقطيع.
بدأت أقلق من اليوم الغريب ده، كله
حوادث وبُحت للموجودين بمكنوناتي الدخلية، فابتسم الوالد وقال: (لو كان العجل نط
قدام العربية واحنا مشين على الطريق في أحسن الأحوال كنا اتقلبنا بالعربية إن لم
نكن متنا، ولاحظ ان الإزاز ممكن يتغير والسقف هيترد على البارد بدون سمكرة وكمان
العجل لم طار ملطش الكبوت) أومأت رأسي إيمانًا بتلك النظرية التفائلية للأمور وجدت
أن فعلا كنا سنموت لو نط العجل قدام العربية وبالمثل الساطور لم ينزل على رجل أبي
بل نزل بجوراها وأنا الساطور الذي كنت أستخدم ارتد ولو كان نزل مباشرة على يدى
لكنت أبحث الآن على كام صوباع استبن (بدل يعني) وبالمثل سكينة أبي لو كانت نزلت
على اليد كانت ستقطعها لا محالة اثناء تقطيع اللحم بها، وأما إصابة ابن العمومة
فإنها لست بالكبيرة وإن كانت غائرة.
استخلصت من اليوم أن نظرة الإنسان
ربما تجعل من المصيبة شكر للرحمة، ومن الكفر إيمان، تذكرت أنني صليت الفجر ولم أكن
أصليه في وقته منذ فترة طويلة فذكرت حديث رسول الله ((مَن صَلَّى الصُّبحَ فَهُوَ فِي ذِمَّةِ اللَّهِ)) كما أننى آمنت أننا لو نظرنا لمصائبنا بطريقة مختلفة،
سنجد أنها رحمة وليست نقمة.
اه نسيت أقولكم أخويا عرف إزاي: ابن
عمتى راح قاله: محمود العجل نط عالعربية بتاعتك؟ فضحك أخي لأنه ظن أنها دعابة
إباحية، وضحك ابن عمتي عندما أدرك أني أخي لم يستوعب بعد، فأقسم له أيمان تلاته إن
العجل نط على فوق على كابينة العربية :) عشان نية أخويا بس.
هناك 9 تعليقات:
الحمد لله قدر ولطف يا ريس
:)
مش عارف ليه ما خدتش ابن عمتك معاك في الدبح ؟!
خالص تحياتي
ههههههههههههههههههههههه
انا بضحك على طريقتك فى الكتابة
فيها قدر عالى من الكوميديا
اما المضمون فهو عميق جدا ويجعلنى اتذكر قصة " لعله خير "
مش عارفة بقى انت عارفها لو لأ
لو مش عارفها دعبس عليها على النت هتلاقيها منتشرة اوى
هي قصة بتوضحلنا ان مش لازم المصايب بتاعتنا تكون شر حتى لو كان ظاهرها فيه شر
لاننا بعد كدة هنكتشف ان الشر ده مكنش الا مقدمة لخير جايلنا
حلو البوست يا باسم
والف سلامة على المصابين
سلام
اختك خيخة
الحمد لله
قضاء أخف من قضاء
الحمد لله انها جت على قد كده
اسلوبك رائع في الكتابة وبة قدر من الكوميديا اللطيفة ننتظر المزيد منك
مسخره LOL
شركة كشف تسربات المياه بالجبيل
كشف تسربات المياه بالجبيل
شركة عزل اسطح بالجبيل
شركة عزل خزانات المياه بالجبيل
شركه عزل مائى بالجبيل
شركة عزل حرارى بالجبيل
شركة ترميم منازل بالجبيل
مغسلة سجاد بالطائف
افضل شركات تنظيف الكنب بالبخار
افضل شركات تنظيف المفروشات بالبخار
شركة كشف تسربات المياه بالنماص
اسعار شركات تركيب طارد حمام بخميس مشيط
شركة نقل عفش بالرياض
شركة نقل عفش بجازان
شركة نقل عفش بالطائف
شركة نقل عفش بالحمدانية
شركة نقل عفش بينبع
شركة نقل عفش بنجران
إرسال تعليق