26 - مش عارف أضحك من قلبي .
27 – قمة الآلام تكمن هنا ، نعم هنا تحت دثار القفص الصدري .
28 - كي أكون نبيلاً عليَّ أن أتركك لصاحب النصيب .
29 - أصعب ما في أولي ابتدائي لما عيل قلمه الرصاص يتاصف يفضل يعيط وانت يا قلب أمك قاعد جنبه محتاس ، يا حبيبي أسكت خدي قلمي طيب ، حد معاه برايه يا جدعان ، وتفضل تدادي لحد جرس الحصه ما يرن .. تصرخ بأعلي صوتك ـ، أحمدك يارب .
30 - دماغي من كتر التفكير بتون .
31 - عايز أنام ومش عايز أنام .
32 - اللهم إني خرجت بصوتي من أجل إحقاق الحق فأن اصبته فالحمد لك ، وإن أخطأت فعشمي في عفوك .
33 - أحمر من صباعك مشوفتش .
34 - أحلي خبر سمعتة من قيمة يجي بالهبل : المصريون يدلون بأصواتهم . تريرا را
35- شاي نبتون وميه مفنتنه وبدون نغاوي ، مش ناقص غين النوجه الحسن .
36- أه أه واتخانقنا إن احنا هنقول بكره نعم ولا لا .
37- وعدنا من المدرسة بعد شوية شغل حلوين فيه وطبعا كالعادة هبرنا الهبرة وحبسنا بالشاي وخمسنا بالقصب .
38- صبحكوا قشطة ، أنا رايح هناك حدش عايز حاجة من اللي هنا
39 - الواحد حاسس إنه بقي هايف من ساعة ما يروح البيت يقعد علي " الفيس " لأ بقي أنا هقوم من علي الفيس وأقعد شوية علي " التوتير " .
40 - نفسي بقي أخطب واتجوز وأخلف وولادي يخلفوا عشان اقعد احفادي ولاد الكلاب حوليا وأقولهم حكاية - الفلاح المصري الفصيح - وأختم القصة وأقول كان فيه حاجة أيام زمان اسمها حزب وطني أستغفر الله العظيم .
41 - مش عارف جسمي بيقشعر كل ما أسمع كلمة ارفع راسك فوق إنت مصري .
42 - الحزب اللي هتشترك فيه كالخياره يا يطلع ببذر إسود يا يطلع بدون بذر إسود .
43 - أجمل ما في البطيخ إن طعم المانجه زي العسل ..
44 - أن تفقد عزيز شيء مؤلم ، أن تفقد حبيب شيء قاتل ، أما أن تفقد حلم حياتك فلا أقول إلا كان الله في عونك .
45 - في قمة يأسي يصيبي السرحان لدرجة الجنون .
46- مش عارف الناس قعدوا يتكلموا علي بلوفر شفيق ونسيوا يتكلموا علي بلوفر شفيق .
47- لكي تكون خبيثاً عليك أن تيأس اللي حوليك وإن مفيش أمل ، وأمل أصلا معاك .
48- حالي بعد اكل العدس : عامل دماغ ودايخ ومدروخ وعايز اناااااام خخخخخخخخخخ .
49 - لو لم تكن دماغي جزمة ، لوددت أن تكون دماغي جزمة ، عشان اللي يضايقني أقوم ضاربني بدماغي علي دماغه .
50 - من ضمن أحلامي إني اكون بجنحات وأطير فوق في السماوات ، ومحدش يجري ورايا ويقول ، العبيط أهووااااااا العبيط أهواااااا .
هناك 7 تعليقات:
لو لم تكن دماغي جزمة ، لوددت أن تكون دماغي جزمة ، عشان اللي يضايقني أقوم ضاربني بدماغي علي دماغه
ياريت لكن للاسف ربنا ميزنا دون باقى المخلوقات وادانا عقل واحساس
ربنا يستر يا ريس
أحمر من صباعك مشوفتش
ده اكيد فى الاستفتاء....كل تصويت و انت بخير :)
ههههههههه
جميلة جداً ريسنا
بننتظر المزيد ولا تغيب علينا
هههههههه ، أيه الجمال ده يا بسام ، بجد كلامك كله حكم ، وهذار ولعب وجد وحب :)
ربنا يخليك علشان تضحكنا وتبكينا !!!
بصراحة أنا مش عارف أختار أيه من كلامك وأكتبه تانى على أساس أنه أكتر حاجة عجبتنى ، لأنه بصراحة كل حاجة هنا عجبتنى
تقبل مرورى .
كن متفائلا تعش متفائلا :)
العبيط أهو.. العبيط أهو..
كل العظماء مثلك مجانين.. فلا تبتئس إن ناداك رعاياك بالعبيط :)
كنت هنا..
حتى وانت فووووووووق
العبيط اهو العبيط اهو هههههههه
الله يسعدك ويحقق لك كل امانيك
إرسال تعليق