الشعور
بالغربة، اممممممم كنت بحسب دايما إن قلبي جامد، كنت بحسب إني مش هزعل على الفراق،
قبل ما أسافر ب 10 تيام بالظبط، بدأت غصب عني أسرح كتير، رغم إني استنيت السفر
كتير وحلمت بيه أكتر بس اتمنيت إن يحصل حاجة توقف السفرية، لدرجة إن اتمنيت إن
الجيش يقولي مش هتسافر لإحتمالية استدعائك وأنا رايح اجيب تصريح السفر، هسيب شغلي
الحكومي لأن معنديش استعداد ان أضيع عمري في شيء مجهول ومفهوش ضمانه بسبب نوع
العقد بتاعي مع المشيخه، وفي نفس الوقت وأنا بعمل الورق بدور على طريقه عشان أفضل
في الوظيفة الحكومية رغم إني عارف مفيش أمل،شعور متناقض زاد قبح بشعور إني طماع بس
يمكن دا الخوف من المجهول، البيت سعيد إن رايح على جوز أختي، قلت لنفسي مش متخيل
إيه الحاجة اللي تخلي إنسان يسيب أهله عشان المادة، أقول لنفسي في حجات كتير هتقف
لو مستفرتش الجواز/المستوي الإجتماعي المحترم/ والعيشة الكويسة/سعادة البيت أضحك
وأقول وجوازي من أربعة، أنا طول بسمع إن السفر مر، وكنت بضحك على هبل اللي بيقول
كدا، كنت مفكر إن اللي يرفض النعمة، عشان الأسرة والكلام ده مجرد شخص أهبل.
بدأت
أكلم نفسي وأعرف إني أنا اللي كنت أهبل، الأسرة طلعت متتعوضش بمال قرون، هسيب
الصاحب اللي بحس معاه إني أهبل أو بالأصح على طبيعتي مع إنه كان بيواجهني بهبلي بس
دلقوتي تقبل الأمر الواقع، وجودك وسط ناس بيحبوك حتى لو كل يوم بتتخانق معاهم أمر ميحسش
بيه إلا المفارق ومش قصدي الفراق برحله، الفراق انك رايح مكان متعرفش المدة اللي
هتقعد فيه متعرفش إنك هترجع لهم على نعش ولا هترجع تلاقي حد منهم على نعش، بدأت
وأنا ماشي في الشارع أخد نفس عميق، من أي مكان بمشي فيه، رحت للأماكن اللي كنت
باكل فيها ديمًا، لدرجة إحساسي إني مأفور وعايش في الدور، سألت الناس إيه طعم
السفر، حد يقولي انت عايز تكتئب وخلاث، مش عارف، بس صدقني هتعرف لما تكون ناوي على
سفر، تعرفوا انا حسيت بإيه حسيت إني زي الطور الهايج اللي اتكتف ورايح السلخانة،
ومش عارف إيه المكان اللي رايحه، هو حاسس بانتهاء مصيره، لكن مفيش أي دلاله على
كدا غير ناس كتير حواليه، يبدأ يشك لم يكتفوه بالحبل عشان ويوقعوه على الأرض،
ويتأكد لما السكينة تكون بتمر على رقبته، ساعتها بس يتأكد إنه رايح بدون رجعه.
هناك 15 تعليقًا:
الغربة فعلاً صعبة وعندك حق فى كل كلمة قولتها, المشكلة أن الموت مش بميعاد, والغربة أدام الفلوس بتدفع أغلي من الفلوس وهو الأنس بأهلك والأكل وسطهم وتعيش معهم فرحتهم وحزنهم وتعبهم ولكن فى الغربة متعرفش عنهم أي حاجة غير مجرد صوت من تليفون ميدلش علي أي حاجة, وشوشهم مختفية عنك متعرفش فرحانين زعلانين, للأسف الغربة بتسرق منك كل حاجة حلوة أدام المال
تحياتي
لا أدرى .. هذه الغربه .. وتلك هى الحياه ..لا نعرف الشئ إلا إذا قبضنا عليه بأيدينا وتلمسناه بأصابعنا عن قرب.
قال رسول الله صلى الله عليه وسلم
السفر قطعة من العذاب ، يمنع أحدكم طعامه وشرابه ونومه ، فإذا قضى نهمته فليعجل إلى أهله .
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 1804
خلاصة حكم المحدث: [صحيح]
أسأل الله أن يهون عليك غربتك ويقضى لك حاجتك منه وأن يردك إلى أهلك سالما من غير سوء
اللهم أمين
حاسة بكل كلامك أصلى جربته قبل كده
بس ربنا رحمته كبيرة وماطولش عليا فى غربتى ورجعت عايشة مش ميتة زى ما كنت متخيلة لحظة رجوعى
تروح وترجع بالسلامة
تيجى بالسلامه
انا كمان مقبله على سفر ومش عارفه هايكون احساسى ايه ربنا يستر
توصل بالسلامة ومتنساش ترجع .. بالسلامة
..
الجواز/المستوي الإجتماعي المحترم/ والعيشة الكويسة/سعادة البيت .. محدش بياكلها بالساهل
..
سألت الناس إيه طعم السفر، ..اذكر الله هيذكرك مش هتحس بوحدة
..
ربنا يوفقك
تحياتى
)):
)):
والله حتى معتش دموع تنزل
انا زيك بس سافرت وملحقتش ونزلت مصر تانى عشان فيه شغل دلوقتى بقى عاوزه ارجع تانى ..
بس الوحش ان حياتى هنا وهناك
اهلى هنا وهناك
وطبعا مش عارف تختار لو ف مصر يبقى الى بره وحشينك... لو بره يبقى الى ف مصر وحشينك
بس الكلام الى بقوله ل نفسى
لازم ادفع تمن اختيارى
ومحدش بياخد كل الى هو عاوزه
واخيرا
الصبــــــر ياااااارب
الغربه صعبه اوي
بس بكره تتعود لدرجه انك خلاص هتمل اي احاسيس جواك بالوجع منها
الله يعينك
لك وحشة يا ريسنا..
كنت هنا..
ثقافة الهزيمة .. طيور الظلام
و نشرت جريدة اليوم السابع فى 26 يونيو 2011 .. وثيقة تثبت تورط عمرو موسى خلال توليه منصب وزير الخارجية، في الموافقة على إتمام صفقة تصدير الغاز إلى إسرائيل، وتشجيع وزارة البترول المصرية على سرعة إتمام الإجراءات الخاصة بها،
الوثيقة عبارة عن خطاب موجه من عمرو موسى في نوفمبر 1993 إلى وزير البترول المصري آنذاك المهندس حمدي البنبي، يتضمن تأكيد موسى موافقته على تصدير الغاز إلى إسرائيل، كما يوضح الخطاب الدور الذي لعبه عمرو موسى في قضية تصدير الغاز إلى إسرائيل في إطار المشروعات الإقليمية في مجالات الغاز والبترول في المنطقة ضمن أجتماعات التعاون الأقتصادي الإقليمي التي عقدت في العاصمة الدنماركية كوبنهاجن في بدايات نوفمبر 1993.
ونشرت صورة ضوئية من الخطاب تثبت ما سبق، ويحمل في نهايته توقيعه .... لمزيد من التفاصيل أذهب إلى مجموعة مقالات ثقافة الهزيمة (بقلم غريب المنسى) بالرابط التالى www.ouregypt.us
و المقال يتحدث عن بطولات أحمد شفيق الوهمية و جلاد التعذيب الدولى عمر سليمان.
شوف
أنا بقالي كتير بره مصر
والحمد لله أقدر بعد السنين دي كلها أقيِّم الأمور وأقولك إن: لكل اختيار ثمن
السفر هو اختيار .. وتباعته لها ثمن
والبقاء كمان اختيار .. وتبعاته لها ثمن
المهم ان الاختيار يكون يساوي الثمن اللي هتدفعه .. في الحالتين هتدفع هتدفع
مع انى بحلم اكمل درساتى فى المانيا فى جامعه شتوتغارت لدراسه التصميم الهندسى على اصوله لكى انفع بيه بلدى فانى اعترف ان الغربه ليست بالشئ السهل ولكن هذه هى الضريبه التى تدفع لمن يريد الغربه
وممكن تكون فى بلدك وفى بيتك ومع اهلك ولمكن عايش فى غربه
شركة نقل عفش بابوعريش
شركة نقل عفش احد المسارحة
شركة نقل عفش بالجوف
شركة نقل عفش بالرس
شركة نقل عفش بالطوال
شركة نقل عفش بالعيدابي
شركة نقل عفش براس تنورة
شركة نقل عفش بصبيا
شركة نقل عفش بقيق
شركة نقل عفش بلجرشي
شركة نقل عفش بيش
شركة نقل عفش بيشة
شركة نقل عفش الخرج
شركة نقل عفش الخبر
شركة نقل عفش بالاحساء
شركة نقل عفش بابها
شركة نقل عفش بجدة
شركة نقل عفش بمكة
شركة نقل عفش بجازان
إرسال تعليق