أنا :
أنا عايز أقول كلمة
في شعبنا المعارض
في شعبنا المناهض
في شعبنا المجاهد
علي اللقمة والرغيف
فز قوم ياض
- - - - - - -
أنا عايز أقول كلمة
في الناس الخم نوم
بلازمه ودون لازوم
في كل مكان تحوم
علي اللقمة والرغيف
ما تفز يلا ياض
- - - - - - -
أنا عايز أقول كلمة
في شعبنا الوطني
اللي انتخب وطني
بوجبة كنتاكي
واتبطر علي وطني
واللقمة والرغيف
- - - - - - -
خلاص خليك مكانك
وشيل سكوت لسانك
وإن جار عليك زمانك
مليش دعواااا بيك
- - - - - - -
الظابط :
إيه هيا الكلمة بقي يا حيوان ؟
- - - - - - -
أنا :
بوووووووووووووووووظ ، بالسم الهاري
هناك 18 تعليقًا:
أنا عايز أقول كلمة
في الناس الخم نوم
بلازمه ودون لازوم
في كل مكان تحوم
علي اللقمة والرغيف
ما تفز يلا ياض
دى عجبتنى اوى
علي فكره ياريس
كان في موبايلات وفلوس مش بس كنتاكي
الناس قالت كده كده جايين
نتغدي علي حساب الحكومه يوم
واهو الموبايل يتباع وندفع بيه دروس العيال
:))
والكلمات عجبتني
بس اخر سطر مافهمتوش
اقول ايه بس علي الشعب دة
فاهم وبيستعبط هو اكيد كدة فعلا
شعبنا مش عبيط والله بس المؤكد انه بيستعبط وبيستهبل بمزاجه
حسبنا الله ونعم الوكيل
تحياتي ياريس
الوعي ثم الوعي ثم الوعي هذا هو ما يلزم وهذا هو الحل لكن المشكلة من اين نحصل عليه وكيف نكونه
السؤال هو كيف نقنع جائع ان لا يقبل ثمن وجبة ليبيع صوته لانه بهذا يبيع مستقبله كيف نرقى بمستوى وعيه ما السبيل الى ذلك هذا هو السؤال
الريس يقول
ماليش دعوة بيكم
امال مين اللى ليه دعوة بينا
تماسك كدا يا ريس والظابط دا واحد
من خدامين سيادتك
..............
ما تصبرنيش
ما خلاص
انا فاض بيا ومليت
انا افتكرت الست ثومة
..............
انا منتظر مكرمة من سيادتك وتشرفنى
فى الولاية
تحياتى وولائى
بعد اللى شفته عايزة اقولك الشعب يستاهل اكتر من كده و لو حرقوا يبقى يستاهل برضة و الله لا يغيؤ ما بقوم حتى يغيروا ما بأنفسهم
الفلوووووووس بتعمى النفوووووس
بس ده من الاخر بجد بجد استعباااااط
كلماتك حلوووه يا ريس
تسلم وتعيش لينا يا ريسنا
ربنا يتولانا برحمته بقى
نقول ايه غير كده
مبقاش فى ضمير
بقى عمله نادره
معادش فيه كلام يتقال خلاص
انا اتخنقـــــت
والله الناس اللي اخدت واجبة وفلوس جدعان ...كدة كدة الوطني كسبان وعلى راي المثل ان خرب بيت ابوك الحق لك منه قالب
لازم نعالج الجهل واللامبالاه أولا
بعدها ممكن نتكلم ونأمل في تحقيق شيء
اما قبل ذلك مستحيل
يا سعادة الريس المحترم،
كيف تكتب هذا الكلام وأنت تعرف أن هناك حزبا وحيدا في البلد، يدخل الانتخابات لوحده ليفوز بها، وكل من سولت له نفسه مجرد محاولة مضايقته في الاصوات يكون مصيره السجن أو الاعتداء الجسدي ..
كان الله في عونك، وفي عون شعبك على دكتاتورية هذا الحزب..
كنت هنا..
انا عايزة اقول كلمه
حسبى الله ونعم الوكيل
وتحيا السلبيه
ازيك يا سعاده الريس
حلوة كلماتك ومعبره كثيرا
دمت بكل ود
ههههههههههه
اية هى الكلمة يا حيوان ؟؟
فعلاً شعب مناضل و مجاهد
تحياتى لل يا ريس
حقاً كنت أفتقد مواضيعك
الشيقة
تحياتى لك
كلمات جميلة جداً ومفهوومة
بس أنا مفهمتش أخر سطر
جميلة الكلمة
والمعنى اللى كان
بس هل يا ترى يا انسان
ذهبت الى صندوق الانتخابات ورفعت عن راسك افكار هو انا اعمل ايه لوحدى ؟
ولا لم تذهب والكلمة كانت كلمة اتفتت حروف وفيه منها الوووووووووووف
تقديرى يا انسان
ولا فيه اى حاجه
الدوله المصريه بجلالة قدرها وبتاريخها العريق الضارب فى اعماق التاريخ وبأأجهزتها الداخليه والخارجيه .. حصلت على صفر فى الموندبال
الدوله القطريه .... بارك الله فيهم... حصلت على حق تنظيم بطولة كاس العالم 2022.... ولا تعليق الف مبروك لقطر
حلوة جداااا
بس بصراحه مفهمتش كلمه بوووووووووظ
سلامو
إرسال تعليق