أضغاث ثورة

قرر شعب الله الغلبان عدة مرات القيام بثورة علي حاكمه تموره لظلمه الشديد ، ولكن كان فيهم داءان التسويف والجبن ، ومرت الأيام والسنون ولما يثوروا ، وفجأة إشتعلت الثورة بسبب غلاء – السجاير - فما إن ظهر جندي بمدفع وبلطجي بسنجة ، حتى تعالي هتافهم باسقاط المعارضة المتمثلة في أم الشعب اللي مش بيقدر النعمة اللي هو عايش فيها ، وصرخوا مطالبين برؤس الخونة اللي عايزين يغيروا الريس ، وعندما سألهم الحكمدار عن سبب هتافهم الأول اللي بينادي باسقاط الريس تموره ، أجابوا في نفس واحد " أصل الواد اللي كان بيكتب البيان علي الكمبيوتر كتبه غلط يا باشا " أمر الحكمدار بالعثور علي ذلك الواد ليكون بيحب البلد من وراهم وأمر بشنبرته ونفخه بمنفاخ كمبروسر كهربا وبدون تركيب بلف بعد النفخ ، قَبَلَ الشعب الأرض من بين أرجل الحاكم ورحلوا.. وفشلت ثورة الغلابة ، وبقي الريس تموره حاكما لمائة عام ونيف ، وبرضوا السجاير فضلت تغلا .