في قسم مغاغة
قول في مغاغ
رحت القسم يا ناس لبلاغ
قالي المخبر شخشخ جيبك
رحت متنح
رد وقالي العيب عيبك
رفع الكف وهات يسلام
جيت مترنح
طلب القبض عليا بتهمة
إني عميل
مع كفين ف قلم شلوت
ضاف ودخيل
قلت شريف
قالي جميل
راح نتطور
طول ما تقولشي اللي انا ببغاه
راح تتعور
ضاف الأخ زميله وقالي
إنتا منور
حط لي شنطه فيها احراز
قال اختار
بين سكينة وفرد وسيف
ثم أضاف الاخ المخبر
يلا بسرعة اختار يا خفيف
قلت له لأ
هأهأ قالي إنتا لطيف
طيخ طوخ طاخ
قلت بسرعة أختار السيف
بدل الوش بتاعي ما يبقي
شكل رغيف
قلت خلاص
قالي دا لسه كتير
يا ظريف
هات الحرز التاني يا بويا
قلت له ليه
دا انت كبيري
و زي اخويا
رد وقالي كان مل الأول
لازم يعني تشوف الوش
أو تشريفك لنا يطول
قلت بسرعة يا سِـيدْ معلش
رد وقال هات خمسينه
قلت المَحْضر
قالي بأك عاز يتسكر
ادفع يلاااا
وروح دغري
قمت دافع له
وقلت في عقلي
بسرعه بسرعه
أيوا رح اجري
دمعتي فرت
بس كرمتي
مش راح أفرط
ثم جريت .
وجريت وجريت .
خوفا من ضرب النبابيت .
أيواااا جريت ؟
هناك 29 تعليقًا:
مهزلة بجد اللى بيحصل ده
المخبرين دول بجد سبة فى جبين الشرطة
ربنا يرحمنا منهم
حلو لوى الكلام بس بيوجع اوى
وجه عالجرح
ربنا كبير
تحياتى وتقديرى
بجد مش عارفه أقول إيه
غير إن دى الحقيقه للأسف حقيقة
شعب بقى محكوم مش بس حكومه وقوى عظمى وناس وسياسه لا كمان من أمين ومخبر بس فى إيده عصايه .. يضرب ويهين أكبر الرجاله بقلم قفى شلوت .. ساعتها ياعينى على الكرامه والهيبه إلى ضاعت من مخبر زباله
تسلم إيدك
جميل اوى ياريس
بجد موهوب
واسمحلي ارد علي حاجات جوايا
مش المخبرين هما اللي سبة جهاز الداخلية كله سبة
والنظام كله سبة وسبة ابيحة كمان
تحياتي سيادتك
جميله قوي ...
مريرة قوي ...
واقعيه قوي...
ادعي معايا...
ربنا يخلصنا منهم قريب قوي ...
تحياتي
تسلم الأنامل أخي في الله ..
وقد رحبت بطرحك لموضوع الوحدة الإسلامية واشتركت في غروب الفيس بوك باسم الشجرة الأم ولم أعرف أي غروب لكن اشتركت بها كلها.
وبالنسبة لما طرحته فلو عندك أفكار مهمة عن الوحدة الإسلامية لأمة محمد أرجوا طرحها في مدوونتك حتى تتم مناقشتها فنحن في حاجة ماسة لوحدة صف أمة محمد بأي وسيلة ممكنة.
جزاك الله خير الجزاء.. وهداك الله لسواء السبيل آمين.
بجد جميلة جداً
تسلم ايدك
و جزاك الله خيراً
تحياتى لك
هههههههههههههه
كده برضوا يا ريس جريت
عيب عيب انت الريس مالى الجيب
من اول سلام تترنح
طب نقول ايه للواد تنح
نقوله الريس انح انح
حتى دى تبقى سبة فى جبين عيلة انح
ارجع تانى يا ريسنا
انت الشراع وملبسنا
انت بكرة وامس والامل المتنح
انت الريس المستديم
وكل ايامك يا محلاه الرجيم
طأطأنى يا ريس خلينى مستقيم
وحياة قلبه وافراحه
هاعزم نانسى ونبيع الطين
اوعى تنسى ياريس
مغاغة مغاغة انح انح
رنح رنح كسح كسح
لووووووووووووووووولى
جميل الكلام ذو حسن وانسجام
ادام الله عليك البسمة وراحة البال
موش عيب انك تجري او تخاف من بشر مسخت كلابا مسعوره :(
تحياتي
ليش ما شتكيت عليهم .. الله يفكنه من أمثالهم !!
السلام عليكم
بجد رائئئئئئئئئعة
لاكن مينفعش نجرى لازم ناخد حقنا حتى لو جة على كرامتنا
بس بجد رائعة بتتكلم عن حالنا بطريقة جميلة جدا
اهو ده اللى ناقص فعلا انهم ياخدوا رشوة فى الاقسام
واحده صاحبتى من كينيا قالتلى ان الشرطة عندهم مش بتتحرك غير بالفلوس و اللى عايز حقه يدفعلهم الاول
أاااه من حال الدنيا
أو بالأصح أااه من إللي عايشين في هذي الدنيا ...
بجد إسلوبك كتير خفيف على القلب وبتفس الوقت معبر أووووي ماشاء الله عليك ...
بس إوعى تجري مره تانيه :)))
بس بجد هذا الحال مو بمصر بس ده في أغلب الدول للأسف
تحياتي الملونه لك أخي
... ;) ,,, ;) ...
اليومين دول
الجري نص المجدعه
ماهو في المواقف اللي زي دي ماينفعش غير انك تجري...
ولو مش هاتتنازل عن كرامتك هايخلوك تتنازل عنها بالعافية او تخسر حياتك بعدها ، مفيش عدل ولا حق خلاص...
لك أسفي و تحياتي...
قاسية ومؤلمة ومخيفة ايضا
اعجبني الاسلوب جدا واحسها لو سمعت مباشرة بالقاء جيد واحساس قوي ستكون اكثر روعة
تحياتي وودي
السلام عليكم
طب حرمت لما جربت ؟
هههههههههههه
جميلة جدا
ودا للأسف واقع
..............
دي زيارتي الاولى
ومش هتبقى الاخيرة ان شاء الله
لأن مدونتك تستحق المتابعة
تحياتي
ياجامد ايه الحلاوه دى
هههههههههه
شكلك بتشوف اكشن كتير وطاخ وحركات
عنجد للاسف مصر يعني بدل انتاج فيلم
هي صارت حكايه وقصة
كل بيت كل شارع كل شخص
بيروى اسفو مع الظلمه وحالات الطوارىء
تحياتي يا باشا
عزيزي مستر برسيدنت
شكرا جزيلا علي التعليق الذكي وانار اللله بصرك وبصيرتك واعتقد انك فطنت الي طبيعة هؤلاء القردة والخنازير والشر في نفوسهم
وارجو ان تجعلني من بين الاصدقاء ولاتحرمني من المؤازرة والنقد البناء
قرات في مدونت ايوااا جريت
صورة شعرية هزلية واقعية مضحكة مبكية من واقع اليم صورته بفطنة ورشاقة اسلوب..احسنت بل اجدت
سلام ولاسلام مع بني اسرائيل
كلامك رائع
ودة واقع وانيل من كدة بيحصل
ربنا يخد النوعيات المتخلفة دى
مع خالص تحياتى
سيادة الريس
رائع كعادتك ومع كل تدوينة يتأكد لى
صعوبة المنافسة لكل من تسول له نفسه اعتلاء السدة الرئاسية
كلام جميييل ما اقدرش اقول حاجه عنه
تحياتى وتقديرى
الحرب كر وفـر
انت جريت يا ريس
لكى تستعد للجولة القادمة
دا اللى انا شايفه
حفظك الله من كل مكروه
الجبن سيدالاخلاق
وده حال كتير مننا
الكل بيقول نمشى تحت الحيط احسن
كلامك حلووووو كتير وايقاعه اجمل
ربا يكرمك ويصلح حالنا اجمعين
استغربت منك لما قلت مش باعرف ارد على كلمات الحب لكن لما جيت هنا لاقيت انه مش استغراب لانى انا كمان مش باعرف ارد على كلمات كلها ظلم بالشكل ده
ربنا يرحمنا برحمته
هههههههههههههههههههههه
الجرى نص الجدعنه ياريس
ربنا يستر
والله جميله تسلم يدك
رحت القسم يا ناس لبلاغ قالي المخبر شخشخ جيبك رحت متنح رد وقالي العيب عيبك رفع الكف وهات يسلام
....
حـــلوة خالص الحته دى
كلامك فى منتهى الروعه وبيرصد حالة القهر عندنا فى اقسام الشرطه والصراحه ربنا يرحمنا وربنا يوفقك
ارجوا نكون اصدقاء وتيجى تزورنى وتشوف موضوعى الجديد ومتنساش التعليق
لاْن راْيك يهمنى
اخوك
محمود المصرى
هو الموقف اللي حصل معايا الأول مشابه بس صراحة بدون مد إيد لان قري كام صفحة من كتاب عشان ما تنضربش علي افاك .. فمزجت قصتي مع قصة شاب انضرب في الشارع ورفض الرد خوفا من إن يحصله زي خالد سعيد
حاجات جوايا الدولة كلها بقت سبة حكومة وشعب في جبين مصر .. الحقيقة بتوجع معلش .. تسلمي .
مرايتي فعلا دي الحقيقة نحن في دولة لا يحترم كل منا فيها الأخر .. يبقي دا اللي مصر هتوصله وكل حاجة ضاعت .. يارب مصر ما تضعش .
Haytham Alsayes دا من ذوقك يا سيد هيثم .. تحياتي لك .
البنفسج الحزين .. آآآآآآآآآآآآآمين
تحياتي
أم الخلود .. تكرمي .. وإن شاء الله لو جاتلي فرصه هكتب كل حاجة عن الوحدة إن شاء الله .
سلسبيل تكرمي علي ذوقك .. تحياتي أيضا .
SHAPE YOUR LIFE (ABOALI)
اعذر البطل فلكل مقام مقال .. والكلمات زجل علي ما قسم كدا .
فتاه من الصعيد العيب إن الواحد يفرط في كرامته .. بدون ادني احساس .
sen دا زجل .. ومش حقيقة .. وعموما لو حقيقة لا الشعب ولا المؤسسات هتتحرك .
زهرة(جنى)الاسلام تسلمي .. وان شاء الله قرب وقت الحقوق .
Tears اللي حصل فعلا معايا انهم كانوا بتحاولوا ياخدوا فلوس رشوة وان كانت 50 قرش علي مخضر وحسب محضرك لو انت عايزه في الأول وكدا .. الحمد لله عدت علي خير .
ghada mOhsen بجد شرفتني .. وان شاء الله هيجي الوقت اللي كلنا مش هنجري فيه .. وتحياتي المشبحة ليكي .
أم الخلود .. ممكن اشترك في الحملة بدون وضع بداج الحملة .
dr.lecter اليومين دول الجدعنة انك تقف .
ELMOSTAFZ أبويا قالي كلمة مرة " إلا الكرامة "
خواطر شابة ربنا يكرمك ولك مليون تحية
مدونه ما كفايه بقى حرمت ايه ؟
ضكـــــتور جدا تشرف في أي وقت
anas دا بعض مما عندكم يا أنوس
دودي فلسطين لا والله ولا اكشن ولا حاجة بس الشرطة عندنا بقت هيا الأكشن
Beram ElMasry لا شكر يا عم بيرم إن شاء الله اكون من الأصدقاء .. ولا سلام مع الصهاينة .
Tamer Nabil ربنا يهدي النوعيات دي لأن لابد من وجودها في المجتمع .. فالأولي الهداية .
sal دايما بتثبتني تحياتي ليك .. وحفظ مصرنا الحبيبة إن شاء الله .
mrmr اللهم امين .. ويصلح حال الناس اجمعين .. ويهدي الجميع لما يحبه ويرضاه .
اسماء واحلام فى وجدانى اللهم امين .
richardCatheart ههههه ماشي .
قلــ"بـــلال"ــــــب فارس تسلم يا قلب الفوارس .
محمود المصرى دا الشرف ليا يا أخ محمود وسعدت بمعرفتك .
إرسال تعليق