حاجة تخنق يا راجل

أكثر ما يضايقني في ركوب الميكروباص حاجتين السواق الخنيق والشاب الرزل ، أه والصنفين دول بتلاقيهم يَاما – اشلبدي – يعني كتير بالهبل ، ويا ويلك بقي لو اجتمعوا الإثنين مع بعض – لازم تقرأ آيه الكرسي – واحد من الشعب يقولي : يا ريس إنت مالك ومال السواقين ؟ .

أأله : يابني علي الرغم من تعطشي للديموقراطية المقيدة وليست الحرة وإنبثاقا من معاييرها التي تتسم بالحيلولة دون إضطهاد الناس – لكن الأشكال دي لأبد من إستخدام الدكتاتورية الحرة معاهم – طبعا مش كل السواقين – فالغالب علي تلك العينة من البشر الفظاظة في الأسلوب والتعطش للخناق و الإنسياق وراء الشتائم كما تنساق الغنم وراء البرسيم الصابح .

فإذا جئت تحدثه بالحسني أن يطفيء السيجارة – صب عليك من ما تشتهي نفسه صراخ – كأن اللي تعمله فيه المدام في البيت – يطلعه المعلم علي رأس الركاب .

وربما وجدت في السيارة أحد اقرباءه من محبي البلضمة اللي هو بقي الشاب الرزل – فيُرَكِبُ مكان الثــٌلاثْ ( رباعي وخماسي وسداس ) – اتباعاً للمثل الشعبي " العدد في الليمون " – وتزهداً بقول الشاعر " رب واحد أثنين ثلاثة في العربية *** ويا سلام لو بقوا خمسة وسته وسبعة " ، الآن حصحص الحق وأدركتم لما اضطهد السائقين لسوء معاملة العميل ، فهو لا يتعامل مع الناس كأنهم بني أدمين ، بل يتعامل معهم كأنهم شكاير ليمون ، وإن أنصفت لقلت " زكايب بطاطس " .

لذا إنصافاً للبشرية من أمثال هؤلاء , الثورة عليهم والمطالبة بإن مفيش سجاير في العربية ، وإن الكاسيت يكون بسماعة هدفون " يعني لواحده بس " ونستعطف جنابه في الكرسي الواحد يقعد ( بتشديد القاف ) واحد بس مش لازم يعني " خمسة " وفي النهاية ما ضاع حق وراءه مطالب – وهييييييييييه - في النهاية اقول كلمة للسواقين وبرضة للناس أجعلين إلي كل من تسول له نفسه ويمليه عليه رغبته في التحكم والتملك في خلق الله - علي الله ألاقي عربية طلعة فيها أربعات أو واحد بيشرب سجاير - اما الأولي فعقوبتها سحب العربية والثانية فخليها مفجأة - وهييييييه مرة تانية .