أنا - الريس

مسافر

2012-01-31T20:54:00.000+02:00

الشعوربالغربة، اممممممم كنت بحسب دايما إن قلبي جامد، كنت بحسب إني مش هزعل على فيالفراق، قبل ما أسافر ب 10 تيام بالظبط، بدأت غصب عني أسرح كتير، رغم إني استنيتالسفر كتير وحلمت بيه أكتر بس اتمنيت إن يحصل حاجة توقف السفرية، لدرجة إن اتمنيتإن الجيش يقولي مش هتسافر لإحتمالية استدعائك وأنا رايح اجيب تصريح السفر، هسيبشغلي الحكومي لأن معنديش استعداد ان أضيع عمري في شيء مجهول ومفهوش ضمانه بسبب نوعالعقد بتاعي مع المشيخه، وفي نفس الوقت وأنا بعمل الورق بدور على طريقه عشان أفضلفي الوظيفة الحكومية رغم إني عارف مفيش أمل،شعور متناقض زاد قبح بشعور إني طماع بسيمكن دا الخوف من المجهول، البيت سعيد إن رايح على جوز أختي، قلت لنفسي مش متخيلإيه الحاجة اللي تخلي إنسان يسيب أهله عشان المادة، أقول لنفسي في حجات كتير هتقفلو مستفرتش الجواز/المستوي الإجتماعي المحترم/ والعيشة الكويسة/سعادة البيت أضحكوأقول وجوازي من أربعة، أنا طول بسمع إن السفر مر، وكنت بضحك على هبل اللي بيقولكدا، كنت مفكر إن اللي يرفض النعمة، عشان الأسرة والكلام ده مجرد شخص أهبل.

بدأتأكلم نفسي وأعرف إني أنا اللي كنت أهبل، الأسرة طلعت متتعوضش بمال قرون، هسيبالصاحب اللي بحس معاه إني أهبل أو بالأصح على طبيعتي مع إنه كان بيواجهني بهبلي بسدلقوتي تقبل الأمر الواقع، وجودك وسط ناس بيحبوك حتى لو كل يوم بتتخانق معاهم أمر ميحسشبيه إلا المفارق ومش قصدي الفراق برحله، الفراق انك رايح مكان متعرفش المدة الليهتقعد فيه متعرفش إنك هترجع لهم على نعش ولا هترجع تلاقي حد منهم على نعش، بدأتوأنا ماشي في الشارع أخد نفس عميق، من أي مكان بمشي فيه، رحت للأماكن اللي كنتباكل فيها ديمًا، لدرجة إحساسي إني مأفور وعايش في الدور، سألت الناس إيه طعمالسفر، حد يقولي انت عايز تكتئب وخلاث، مش عارف، بس صدقني هتعرف لما تكون ناوي علىسفر، تعرفوا انا حسيت بإيه حسيت إني زي الطور الهايج اللي اتكتف ورايح السلخانة،ومش عارف إيه المكان اللي رايحه، هو حاسس بانتهاء مصيره، لكن مفيش أي دلاله علىكدا غير ناس كتير حواليه، يبدأ يشك لم يكتفوه بالحبل عشان ويوقعوه على الأرض،ويتأكد لما السكينة تكون بتمر على رقبته، ساعتها بس يتأكد إنه رايح بدون رجعه.

سبونش بوب والشيطان وأنا وولاد إخواتي

2012-01-14T20:17:00.000+02:00

ولاد اخواتي كانوا بيلعبوا لعبة حلوه امبارح:الشيطان والصلاة، اتنين بيصلوا واحد يجي جنب ودن المصلي الأول ويفضل يقوله اسبونشبوب اسبونش بوب يقوم سايب الصلاة وجاري عشان يتفرج علي كرتون اسبونش بوب، يروحللتاني يقوله: سبونش بوب سبونش بوب، يقوم المصلي التاني يقول: [أعوذ بالله منالشيطان الرجيم] يقوم الشيطان المتمثل في بنت أخويا مصرخ ويفضل يتمرمغ علي الكنبة(بيتحرق يعني).

خفت أقولهم أني لسه مصلتش العشا لحد دلوقتيليقولوا لي ((طب تعالى مثل دور الشيطان)).

امتحان الدين

2012-01-06T17:40:00.000+02:00

فجأة إنقلب المعهد الديني رأسًا على العقب، المدرسينبيجروا، وشيخ المعهد متوتر، والعيال يبدو عليهم علامات الهلع والرعب لدرجة أن الرعبافترس كل ملامح وشوشهم البريئة فهذا أول امتحان لهم في حياتهم الدراسية، أخبر أحدالمدرسين الشيخ إنهم مش لاقين مدرس يوحد ربنا يغشش العيال بتوع أولى الدين، ازدادتوتر الشيخ وإزداد إفراز اللعاب من الغدد اللعابية، مع أن زيادة إفراز تلك المادةمرتبط بفتح الشهية أو طعام يطحن في ذلكم الخشم.

فإنجعص مدرس وقال بعلو صوته: أنا لها – أنا لها، واللهيا مولانا محدش مغشش العيال التربية الدينية غيري وكان يقول كلمتي التربية الدينيةبتقعر شديد وتفلحس لكي يدرك باقي المدرسون جهبزته في اللغة، فرد عليه مولانا: باركالله فيك يا أستاذ حنفي، العيال في الدور التاني أول لجنة من جهة حمامات الصبيانالله ياخدهم، ونظر لحاشيته من المدرسين المنبطحين له: وقال وهو فاشخ ضبه – حنكه –شلاضيمه – بقه، العيال مش بتعمل بي بي في بيوت أهاليهم وتجي تقرف أهلنا هنا الله يخربيوتأهليهم مع عيالهم في يوم واحد، ضحك المدرسين لكلمات العلامة شيخ المعهد.

صعد المدرس السلالم جري، دخل الفصل دس نظره في ورقةالأسئلة، ثم أرفقها بنظره للتلاميذ وقال السؤال الأول سهل يا ولاد ميييييييينالنبي بتاع المسلمين الرسول بتاعنا يعني إسمه إيه؟ نظر التلاميذ لبعضهم البعض فرفعأحدهم يده وقال بثقة: موسى صلى الله عليه وسلام، قال المدرس: اقعد يا بن الكلب،مين يله منك له النبي اللي نزل عليه القرآن، قال أحدهم وهو يتوجس خيفة: عيسى ياأستاذ، كاد الإستاذ أن يصدر صوتًا إعتراضيًا من منخاره وآخر حلقه للصبيه، فسبقهصوت من منتصف الفصل: محمد صلى الله عليه وسلم، صرخ المدرس وقاله أيوه يا بني كنتفين إنت من زمااااان، سقفوا له يا ولاد الكلب.

السؤال التاني يا ولاد: أركان الإسلام الخمسة ماشيالخامسة واخدين بالكم من الخامسة عددهم كااااااااام؟ لم يجيب أحد عن ذلك السؤال؟صعق المدرس لكن إضطر أن يجيب على كل الأسئلة وتعمد أن يخطأ في نقطتان حتى لا توصم المدرسةبالغش فالغش فنون ولكي تكون فنانًا لابد أن تتقن فنك، بعد فترة ظهرت النتيجة بنجاحجميع طلاب الصف الأول وانتقالهم للصف الثاني بجدارة، فرح شيخ المعهد وهنأ التلاميذوهنأ المدرسون شيخ المعهد، وقعد مولانا على كرسيه بعنطزه وهو يصرخ: أحمدك يا رب،ألف شكر وألف حمد لك، ثم صمت وأتبع صمته بابتسامه لم أستطع تفسيرها.

في عيد الأضحى اللي فات أه والله

2012-01-04T16:50:00.000+02:00

النهاردة كنا رايحين ندبح لواحد صاحبأبويا المهم رحنا المزرعة رفعنا العجل المذكور ربطه العمال العربية اتحركت وعلىباب المزرعة واحنا ركبين في الكبينة بتاع عربية أخويا الجديدة الشيفروليههوووووووب لقينا العجل طاير من فوقنا على سقف الكبينة فطبقها ثم على الإزاز فشرخهثم على مقدمة العربية فأصابها بكدمة.

صدمنا الحادث لأن العربية لم تكملالشهر وهذا ثالث حادث تبتلى به، المهم رجعنا ربطناه حلو وحطناه على العربية منتاني العربية وإحنا كلنا مقفولين إزاي هنقول لأخويا الخبر، رحنا المكان اللي هندبحفيه دبحنا، سلخنا، شفينا، وقبل نهاية تشفية العظم (عملية فصل العضم عن اللحم إسمهاتشفية) السطور وقع جنب رجل أبويا، وكان أن يفقده كااام صوباع من صوباعه، طلب منيأحد أصحاب الأضحية تكسير العضم.

بدأت بالتكسير ثم اذا بالساطور يرتدمن على الماسورة (اسم عضمة الفخد) على يديليحدث جرح بإصبعين، ثم يقطع ابن عمى جلد ظهر كفه، ثم تكسر كبرى سكاكين أبي التييسخدمها في التقطيع.

بدأت أقلق من اليوم الغريب ده، كلهحوادث وبُحت للموجودين بمكنوناتي الدخلية، فابتسم الوالد وقال: (لو كان العجل نطقدام العربية واحنا مشين على الطريق في أحسن الأحوال كنا اتقلبنا بالعربية إن لمنكن متنا، ولاحظ ان الإزاز ممكن يتغير والسقف هيترد على البارد بدون سمكرة وكمانالعجل لم طار ملطش الكبوت) أومأت رأسي إيمانًا بتلك النظرية التفائلية للأمور وجدتأن فعلا كنا سنموت لو نط العجل قدام العربية وبالمثل الساطور لم ينزل على رجل أبيبل نزل بجوراها وأنا الساطور الذي كنت أستخدم ارتد ولو كان نزل مباشرة على يدىلكنت أبحث الآن على كام صوباع استبن (بدل يعني) وبالمثل سكينة أبي لو كانت نزلتعلى اليد كانت ستقطعها لا محالة اثناء تقطيع اللحم بها، وأما إصابة ابن العمومةفإنها لست بالكبيرة وإن كانت غائرة.

استخلصت من اليوم أن نظرة الإنسانربما تجعل من المصيبة شكر للرحمة، ومن الكفر إيمان، تذكرت أنني صليت الفجر ولم أكنأصليه في وقته منذ فترة طويلة فذكرت حديث رسول الله ((مَن صَلَّى الصُّبحَ فَهُوَ فِي ذِمَّةِ اللَّهِ)) كما أننى آمنت أننا لو نظرنا لمصائبنا بطريقة مختلفة،سنجد أنها رحمة وليست نقمة.

اه نسيت أقولكم أخويا عرف إزاي: ابنعمتى راح قاله: محمود العجل نط عالعربية بتاعتك؟ فضحك أخي لأنه ظن أنها دعابةإباحية، وضحك ابن عمتي عندما أدرك أني أخي لم يستوعب بعد، فأقسم له أيمان تلاته إنالعجل نط على فوق على كابينة العربية :) عشان نية أخويا بس.

آسف

2012-01-01T00:49:00.001+02:00

أشياءك محفوظة بالحق

2011-09-12T23:59:00.000+02:00

أقسمبالله أقول الحق ولا شيء غير الحق ، أبويااااااا ، أبويااااا عودني من صغرني عليعدم الكذب ، لدرجة إن ده أصبح مشكلة فيحياتي مش إني أكذب لالالالا ، أني أقول الحق بدون تميز ، دا خلاني ربما احمق فينظر البعض ، بس فعلا سبب ليا مشكلة ، إنا مش بعرف أجامل ، ولو جاملت ببقي مفضوحفضيحة أم شعور لما البلد عرفت إنها قرعااااا ، وأصبحت كلمة لكن أو بس فيه حاجةتنصف كلامي دائما ، تتبع أي جملة مفيدة أو غير مفيدة ، أديلكوا مثال افتراضي لناسافتراضين بافتراض انكم مش عارفين تتخيلوا مع إن التخيل دا شيء افتراضي ممتع نابعمن إن فيه واحد بيقول حاجة وانت بتتخيلها يا مَعَلِمِي .

احناعندنا ماكينة طحين وماكينة رز واحدة تقولي الرز بيكسر ليه ؟ تلاقيني بقولها لتلتأسباب يا حجة : أولا رزك مش حلو ، تانيا المكنة مش مظبوطه تلاته انا شغلي مش كويسدا انا نازل النهاردة كدا الشغل تفاريحي . مع إني ممكن كنت أقولها هحاول اخليهسليم واشتغلها والرز يتبيض ( يتم فصل القشرة عن الحباية القشرة اللي بتغلف الحبايةيقال لها " سرس " والحباية بعد التقشير يقال علي " رز أبيض ".

المهمتعرفوا بقي لو اخترتوني أبقي رئيس أقسم بالله لأقول الحق ولا شيء غير الحق ، يعنيواحد يسألني ياريس ايه اخبار البلد ؟ أقوله البلد حلها فل وعال العال لكن احتماليحصل فيها انهيار اقتصادي الشهر الجااااي ، مش قلت لكم إن أحسن شيء في الدنيا الحق؟ السؤال اللولبي هو ليه فيه ناس بتزعل من الحق ?!

عزيزيالمواطن عزيزتي المواطن إختارني أكون ريسكم لكن في حاجة هتلاقوا رؤساااا احسن منيمليووون مرة لأني عارف إن مصر ولاده ، وولادها رجالة بعض النظر عن جنسهم أوديانتهم أو موقعهم علي الخريطة ومتزعلوش من الحق ، للحق يزعل منكم ، معلش هنظر عليك كمااان شوية يا اللي هتجي رئيس : شعبنا مش عايز حد يضلله شعبنا عايز حد يقولهالصدق والحق ويسيبه هوا يقرر وصدقني لأني رجل أقول الحق ولا شيء إلا الحق شعبنا "هيسامح " إلا إنه ينضحك عليه تاني ونُصحي ليك دي عشان لو عايز تِحَرْسْ عليقفاك وعلي أشيائك الأخري متفكرش تعمل بُرم ع الشعب .

خناقاتي منوره حياتي

2011-09-05T13:12:00.010+02:00

طبعا مشفتونيش وأنا في الخناقات ، تقولوا عليا وحش كاسر ، طور هايج طبعا كلمة طور هنا استعارة مكنية مش تشبيه ، المهم من صغري أصلا كنت بحب اعمل مشاكل مع الأطفال بس في أحلام اليقظة عشان عندي حلم إني أتخانق مع واحد وأضربه ضرب مبرح ، ورغم كدا كان كل مره أنا اللي بتفحت في الخناقة ، أضرب لكم أمثلة مرة وأنا في خمسه ابتدائي تقريبا اتخانقت مع عيل في تلاتة ابتدائي وفجأة لقيت الفصل كله هاجم عليا وقام واحد منهم راشش تراب في عيني وبعيد عنكم مبقتش شايف حد من اللي بيضربوني ، ومره اتخانقت مع توأم مبقتش عارف مين اللي بيضرب فيهم أصل هما شبه بعض ومش عارف أضرب مين مع إن اللتنين كانوا بيضربوا .

مرة رحت فرح في بلد بعيدة عن بلدنا وأنا عندي 8 سنين عملت مشكله مع أولاد البلد اللي في سني ، قام أيمن – اللي أنا ضيف عنده – قالهم يا جماعة دا ضيف عندي ومينفعش تضربوه لأنه في بلدنا ، العيال سكتت طبعا أنا قلت في بالي " نجدكم أيمن من تحت إيدي " ربنا يجبر بخاطرك يا أيمن – مش عايزني أأذي حد .

في الإعدادي كنت مش بحب أتخانق لأن العيال كانت بتتعلم أزاي يخبطوا الواحد بموس في وشه وأنا قلت علي جثتي ، إزاي أبقي ظابط طيار ( دا كان حلمي ساعتها ) وأنا واخدلي – بشله – بموس في وشي ، في الثانوي خفت أختبر قوتي الجباره عشان ممكن أكسر لعيل ضلع ولا حاجة قدام بنت هوا معجب بيها وأهز صورته ففضلت المشي جنب الحيط خصوصا الأمواس اطورت وبقت مطاوي قرن غزال .

النهارده راجع من الشغل مشي لأن السواقين قفلين الطريق ومانعين عربيات الركاب لأنهم عايزين يغلوا الأجرة ، طبعا كرامتي نأحت عليا وقلت " أمشيها أحسن وكلها 5 كم يا معلم " وبعد أنا قطعت تلت المسافة أجد عجوز ماسك في خناق اتنين وبيستنجد بالمارة من السيارات والموتسيكلات والتكاتك " وقفت لقيت شابين نزلوا قالهم " سرقوا مني 70 جنية " الشابين لقيتهم نزلوا ضرب في الراجلين وفجأة الطريق الفاضي بقي مليان ومتعرفوش السكاكين طلعت منين والمطاوي ، فأنا بقول يا جماعة متضربوهمش إحنا نسلمهم لقيت واحد من الشابين قالي " إنت شكلك معاهم " شاورت له " كمل ضرب يا معلم " اتصلت بالنجدة ردوا والخط قطع ، عملت فيها حكيم وقعدت أطالب بتسلمهم للشرطة أو الجيش .

بس الصراحة الرجالة كانوا خدوا كام خبطه بالمطاوة علي كام قلم علي كام شلوت علي كام بوكس ، صراحة محستش جهتهم بأي شفقة خصوصا لما لقيت صدر واحد منهم مليان وشوم لما واحد من الشباب شدهم من هدومهم وعرفت من الشباب بعد كدا إن ده مسجل خطر ، بس إستغربت إزاي بني أدم يعور بني آدم بسلاح بدون احساس بأي ندم وبالعكس باستمتاع وسادية وشعور بالبطولة ، ركبوهم في عربية نقل وعرفت إنهم هياخدهم في ورشة " هيوجبوا معاهم " ويسلموهم قلت في عقل بالي " أكتر من كدا " خصوصا إن أحد الشباب قعد يخبط إيد واحد منهم بمطواه بطريقة غبية .

حكيت لأبويا قالي " كويس ، المفروض يعدموهم العافية إن شاء الله لو اتقتلوا حتي " قلت له " أومال فين الإنسانية " قالي " والراجل الكبير اللي ثبتوه و خدوا منه الفلوس وفي ظل الظروف البلد بتمر بيها المفروض يعدموا أي حد يرتكب جريمة وهوا في غني عنها "

هنا أدركت أننا لن نصبح متحضرين إلا عندما نبدل الهمجية بالعقل اللي الحكمة تكون هيا الأستاذه بتاعته ، وأيضا عندما تكون الأخلاق الإنسانية " متمثلة في الدين " هي ضميرنا الحي وضمرنا النائم .

افتكرت آيه ربنا قال فيها {مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا وَلَقَدْ جَاء تْهُمْ رُسُلُنَا بِالبَيِّنَاتِ ثُمَّ إِنَّ كَثِيرًا مِّنْهُم بَعْدَ ذَلِكَ فِي الأَرْضِ لَمُسْرِفُونَ} (32) سورة المائدة . ياتري امتي هنكون كلنا أصحاب قلب وضمير وامتي هتكون فطرتنا السليمة هيا اللي بتحركنا ؟

وفي النهاية : متخلونيش أتنرفز علي واحد منكم واتعصب عليه انتوا عارفين إني طور قصدي مفتري يعني .

فقط لا غير

2011-08-11T15:49:00.005+02:00

من الله عليا بتجديد عقد عملي " كمدرس حاسب متعاقد " بعد أنا كدنا نأخذ " زومبا " ودنا نفصل عشان ينشروا في الجرايد " إن فيه فرص عمل جديدة ولكن ظل راتب الوظيفة لنا بالمرصاد 250 جندي فقط لا غير حتي لو طبق الحد الأدني ، ومع أننا لسنا علي درجة مالية يتم اختصام 27.5 فقط لا غير تأمين ومعاشات مع العلم أنه لا يوجد تأمين ولا – دياولوا – ولا تسألوني عن دياولوا لأنني بالتأكيد لا أعرفه شخصياً ، طب بيخصموا ليه ؟! الله أعلم ، وصدقوني إني شاكك أنه يأخذوا منا ضريبة مبيعات

متوسط المواصلات 42 جندي شهريا فقط لا غير ، والأكل مع المدرسين يكلف 30 جندي شهريا فقط لا غير ، وإذا لم يغرني شيطاني لكوباية الشاي سأوفر منها 4 جندي شهريا فقط لا غير .

سرح خيالي لبناء شقة عشان أتأهل ستكلف متوسط 140.000جندي فقط لا غير من بناء وتشطيب وخلافه ، وبقسمة الباقي من الخصم والمواصلات والأكل والشاي سأحتاج 924 شهراً فقط لا غير = 77 سنة فقط لا غير .

ندخل بقي في تفاصيل الشبكة :

15000جندي شبكة فقط لا غير و مهر 25 قرش فقط لا غير علي أساس إنه أقل عمله موجوده في السوق ومأذون هيلطع مني 250 جندي فقط لا غير وقول يا عم مش هنعمل فرح للتوفير مع إني والله كان نفسي أدبح كام عجل فقط لا غير عشان أولم يعني وأقضي شهر العسل بنعمل عمره بس كل دي رفاهيات سيبكوا منها ، إذ المجموع 15000 فقط لا غير + 25 . فقط لا غير + 250 فقط لا غير = 15250.25 جندي فقط لا غير بالقسمة علي 151 جندي فقط لا غير باقي الخصم والمواصلات و الأكل والشاي اللي مش بشربه للتوفير = 101 شهر فقط لا غير = 8.5 سنة فقط لا غير

بجمع 77 سنة فقط لا غير + 8.5 فقط لا غير = 85.5 سنة فقط لا غير ، شوفتوا كنت هنسي حاجة مهمة الحكومة بتدي بدل جواز 2.5 جندي فقط لا غير في الشهر ، نحسبها من الأول ، ولا بلاش عشان أنا زهقت منكم أصلا .

ملحوظة هامة جدا :

مطلوب عروسة مش بتاكل فقط لا غير ، ومفيش تصبحوا علي خير

ملعون أبوكي

2011-07-26T10:38:00.006+02:00

كتير م الناس بتعيش عشان كلمة

وبرضوا متسمعهاش

وبعض الناس بتسمعها لكن متفهماش

أنا اللي ماشي لوحدي في الزحمه

مسعره الرخيص غالي

وأنا الغالي تعاملني منابو بلاش

أنا اللي عامل فيها حكيم تطوحني

وكل يوم لجل اللقمة تسرحني

وكل ما اقول اهوا هانت

بتدبحني

وتيجي تقولي

معلشي

مقصديشي

وأنا عارفه بإنك من دراويشي

ملعون أبوكي يا دنيا

ومن وقتي

هتتعملي بتطنيشي

مش عارف أجمع 6 - تابع واحتمال يتبع -

2011-07-19T08:39:00.002+02:00

126 - أصبح الكل يغرف من هذا القِدر غرفة

127 - مفيش حد يعرف سعر البلطجي كام اليومين دول وبتجابوا منين ؟ وياريت هل نلاقي منهم لون بمبي ولون سماوي ؟ ولا كله فشيك

128 - تيرا را را را تي را را بوووووووووووووووووم تك تك بووووووووووووووم تك ( عرفتم إن أداء الحاكومة أصبح غير متناغم )

129 - أبويا جرب تجربة / علم بنت أختي ( 7 سنين ) تعمل شاي وقهوة وتدي حقن ، لقينا إن تصرفتها الطفولية زي الخناق مع اخواتها بدأت تقل ( قشطة عليك يا عم الحاج )

130 - تعرفت علي فئة جديدة مجنونة ، إذا استيقظوا تحدثوا عن الحمام ، وقبل أن يناموا يتحدثوا عن الحمام وما بين الاستيقاظ والنوم يتحدثون عن الحمام . ( الحمام اللي بيطير مش اللي بيتعمل فيه بي بي عشان نكون واضحين بس ) .

131 - بيقولك اللي بني مصر مطلعش حلواني ، دا طلع المجلس العسكري بس كان مخبي عشان الحسد

132 - تلاتة وتلاتين 33 كويتيه طالبة الطلاق عشان إجوازهم راحوا يعملوا عمره ، وبدل ما طيارات العمرة بتاعتهم تنزل في السعودية الطيارات غلطت و نزلت في لبنان

133 - عالم يا رب بحالنا

134 - خايف أقولك と呼ば

135 - كل يغني علي ليلاه ولكن ليلي تختلف من شخص لآخر

136 - فعلا مفيش حاجة بتيجي بلاش

137 - والله لو عملت فيها نينجا واتشقلبت قدامي

138 - والله التوانسة دول أساتذة والمجلس العسكري تلاميذ - تونس تعين ناشط حقوقي وزيرا للداخلية لإصلاح الأمن - قشطة عليكي يا تونس وعبالك يا مصر

139 - اهلاوي بيقول لصاحبه الزملكاوي " مش عارف هم صحاب إزي أصلا هل يختلط الزيت بالماء " مش عيب مراتك تحدفك بالشبشب وإحنا قاعدين رد عليه الزملكاوي بفرحه وقاله : بس بذمتك جه فيا )نكتة محرفة )

140 - أنا بهدي لأي زملكاوي الأغنية دي " لو بطلنا نحلم نموت "

141 - تصدقوا يا ولاد التعصب دا شكله طعمه حلو

142 - أنا زهقااااااااااااااان

143 - إبني اختي الغلس بيصبح عليا وبيقولي " بكبوظه يا حبيب أمه " طب مش لاعب معاه بس هيه وهروح أقول لأمي :(

144 - ربنا يستر

145 - المفروض يحذفوا المثل ده من القاموس المصري " شعب تجمعه ندهه و تفرقه عصاية "

146 - وأنا كماااااااان

147 - إمبارح كنا " إيد واحده " النهاردة إحنا بقينا يجي " خمرتاشر إيد "

148 - صباحك قشطة متاخده من بقره حلوب في الفجر والدين بيدن كوكو ، ويكون لبن البقره كامل الدسم ، سيبكو من المنزوع إحنا عايزنكوا تربربوا

149- آآآآآآآآآآآآآه يا بلد

150 - أمي جيبااا ليا كوبايشة شاي بقولها " أريجتوا جوزيمس " قالت لي يعني إيه قلت " شكرا جزيلا بالياباني " قالتي " إتنيل علي أمك " ، يعني إيه لا شكر نافع و لا شرب شاي نافع .

مش عارف أجمع 5 - تابع واحتمال يتبع -

2011-07-17T12:10:00.002+02:00

102 – قد يظن البعض أن قول ما يخطر ببالي " حمق " ولو علموا سعادتي ، لتحامق الجميع .

103 - دا امي لو عرفت إن أنا اللي بسرق السمنه البلدي والعسل اللبيض ، هتخلي وقعتي غبرا ومطينه بطين

104 - مبروك لطلبة الثانوية العامة ظهور النتيجة ، بتوع الحاجة الساقعه هيعملوهم النهاردة

105 - مش عارف ليه نفسيا بتعب لما بيقولوا أسماء أوائل الثانوية العامة - قلبي اسود - غصب عني

106 - سؤال غريب شوية : تعمل إيه لو عرفت إن قدامك 6 شهور علي الأكتر عشان تعيشها ؟

107 - الناس جري لها إيه في الزمن ده ؟ تجي اتقول لحد اتفضل عندنا غدا ؟ يقولك ماشي عندكو ايه بقي ؟

108- الناس أنواع : نوع لما يزعل ياكل ، ونوع لما يفرح ياكل ، لكن أنا حالتي مدهوره علي الآخر أزعل أكل - أفرح آكل

109 - أن تجد يد تمتد إليك بدون سؤال في وقت إمتناع الأيدي ، ستشعر دوما بالإمتنان تجاه تلك اليد ، لأنها أنقذتك من ظلمات الوحده

110 - أن يقضي المرض علي أحلامك ، ذلك الشيء لا يشعر به إلا المريض

111 - المعزة الحيلة اللي عندنا ولدت بقول لأبويا هو إنت هتسمي الجدي إيه ؟ قالي : سميه " حسني " قلت : بس مش كدا إنت هتظلم الجدي

112 - بما إني حكيم وإنتم عارفين إن عارف إن حكيم طقت حكمه في نافوخي ساعة تجلي " وأنا بعلق علي كوباية الشاي " لا يعرف قيمة الطيران إلا من سقط وهو يحاول أن يطير

113 - مصدقنا خلصنا من وجع دماغ الداخلية : قام فريقها متأهل للدوري ، هما مش هيحلو عن سمانا بقي

114 - جلاكسي كراميل أحمدك يااااااااااااااااااارب

115 - وماتت أزهار الحديقة

116 - وفاة المستشار بهاء الدكروري المحقق في قضايا سرور والشاذلى بأزمة قلبية ؟!!!!!!!

117 - يا مين يحس

118 - بث بث بث حد هنا

119 - يا ناس يا اللي هنا ، شوفتوش حد من هناك

120 - حد شايف نفسه ولا حاجة

121 - والله الدم فيكي رخيص يا بلد

122 - مصر تبكي علي نفسها

123 - احنا نعمل ملك وكتابة ونشوف المجلس العسكري هيمد المدة ولا المده هيمدها المجلس العسكري

124 - يا جدعااااااااان متظلموش المجلس العسكري ، دا حتي غرضه شريف

125 - الحكومة لازم تصرف للداخلية ركسونا رجالي ، عشان الريحة بقت وحشه أوي

محاضرة د. طارق السويدان في "وطن ينهض وجيل يقود" يقظة فكر

2011-07-11T06:54:00.002+02:00

أنا عارف إني مقصر مع ناس كتير وعارف كمان إن المدونة دي مش لنشر الفيديو ، عشان كدا بحاول أستحمل الصدمة العصبية اللي عندي بوادر منها لنشري فيديو ، وسبب النشر إن المحاضرة مهمة في الظروف اللي بتعيشها مصر والوطن العربي أعننا الله وإياكم وأعان الله مصر وكل بلد إسلامي وعربي .

المهم الطريقة

2011-06-11T20:54:00.002+02:00

بصوا أنا مليش في شغل السياسة المعروفه بين الساسة ، وعارف كويس إنه السياسة لعبة قذرة مش بسبب اللعبة ولكن بسبب اللاعبين ، أؤمن في نفسي بالسياسة النضيفة ، سياسية ركيزتها الصدق مع الجمهور وإحترام إنسانيته وآدميته ، سياسه فيها المصلحة العامة قبل المصلحة الشخصية .

في رأيي كل واحد حر فيما يعتقد بشرط لم يضر غيره من الناس وفق قواعد يتفق عليها المجتمع ، وبما إننا مجتمع إسلامي ، فاعتقادي الشخصي أن تكون وفق إطار إسلامي – يعني ليك مطلق الحرية ما لم ترتكب حراماً ، والحرام معروف عند الغالبية .

لما يكون النخبة من العلماء والمفكرين والساسه – رغم إن كل واحد فيهم بيملك من الإتنين التانين نسبه أقل - بيهاجموا بعض وبيشرشحوا لبعض ، سيبتوا إيه للعوام اللي كل واحد فيكم عايز يكون فكره السائد بينهم .

أرجوكم مصلحة مصر أولا ، أرجوكم خلوا خلافكوا علي جنب لفترة عشان ما تزودوش حمل مصر ، متخلوش دايما فكركم يبقي معركة وجودية دايما ، فيها إيه لو عملتم مجلس موحد تتناقشوا فيه كلكم وتخرجوا لنا برأي واحد ، جوا المجلس اتخانقوا شرحشوا لكن ما إن تتجمع الآراء علي الرأي خلاث بح مفيش كلام ولكن خلافتنا تبقي في ليها إطار وأنا أؤمن إن الإطار ده إسلامي ، أبوس ايدكم ورجليكم ارحموا مصر ، مصر مش ناقصه اللي فيها ، ناس هتقولي إنتي كدا بتهمش المسيحيين أقولهم ودا برضوا رأيي الشخصي لو اخوتنا المسيحيين عرفوا إن الإطار الإسلامي اللي كان في عهد الرسول هوا اللي هيحكم في اعتقادي مش هيمانعوا ، وأعتقد عندنا من علماء الأزهر والمعتدلين من هم أهل لحمل تلك الأمانة .

أنا مش متوقع إننا نفوق بسرعة - طارق سويدان قال قدام مصر 4 سنين عدم استقرار أولي - لأن فيه حقوق كتير كانت ضايعة ، بس أرجوكم متزودوش الحمل حملين – حمل الحق وحمل إهلاك مصر باختلاف المتعصب للرأي – عجبك الكلام كان بها ، معجبكش مش شرط نتفق بس المهم نحترم بعض في الاختلاف .

يا مسهل يا رب

2011-06-10T21:09:00.000+02:00

مش عارف أجمع 4 - تابع واحتمال يتبع -

2011-06-09T22:41:00.006+02:00

76 - مش عبال عندكم شفت النهاردة اللهم اجعله خير شرطة بتلف مترجلة في الشوارع في جماعات : وعرفت إنهم نازلين عشان تعليمات وزير الداخليه ، يا حلواااااااا يا ولااااااااد عيشنا وشوفنا العيش الفينو والشرطة بتنزل الشارع ، مين اللي قال زمن المعجزات انتهي

77 - أول ما تعينت في الأزهر ب 223.5 ج جالي عروستين واحده طب وواحد صيدلة ، أومال بقي لما الحكومة تزود الحد الأدني هيتعرض علينا إيه رئيسة جمهورية

78 - هوا ينفع الواحد يحط " دبلة الخطوبة " في مديله عشان مش بحب ألبس دبل في إيدي ، دا طبعا لو فيه أمل إن الواحد يخطب لما يكون عندي 55 سنة / ولا العروسة ممكن تضايق

79 - حاولوا تجربوا الشاي من غير سكر .

80 - عندما حدثتني ذات الرداء الأحمر ذهبت آلام قلبي

81 - كنت شايل كتاب لزوم الرسم بقي واعرف الناس إني أرير وان كان كدا وكدا ، كان كتاب من بتاع مكتبة الأسرة ـ قعدت جنب السواق ، المعلم شاف صورة الحاجة سوزي علي الدهر ، قعد يبصي لي بصات مريبة ، بيني وبينكم أنا كنت عايزه أقوله والله يا عم الحاج انا مش معاهم دا انا شاري الكتاب عشان رخيص

82 - أنا شكلي اتهبلت ولا ايه ، أنا قاعد أنزل مجلة فتافيت ، لا حول ولا قوة إلا بالله

83 - أن تدلني علي عيبي شيء سهل ، لكن أن تعلمني كيف أصلح عيبي الشيء الأصعب

84 - بشري لللتاتين : ابتكار يجعلك تشحن بطارية موبايلك من خلال الكلام - يعني مش هتحتاجوا شاحن

85 - يا جدعان أرحموا أهلي ، إنتوا ملكوش خال غيري ، يعني عشان مبارك مشي تيجوا إنتوا ( أنا محدثا ولاد أختي )

86 - المعلم الحق : هو من يفيني حياته من أجل طلابه

88 - تعالوا كلوا ملخية بالأرانب " بحنسكم " ها إيه ، أنا هاكل وانتوا لاأأأأأأ

89 - بعيدا عن الفتنة : أنا النهاردة اول مره أسوق موتسيكل وكنت إيه اوعي وشك ، كل اللي يشوفني من بعيد يضحك ويميل في جنب مش عارف ليه ، وأنا اييييييييه فوفوفوف وفوفوفوفو ، يمكن عشان مكنتش عارف الفرامل منين من اللبخة . اوعي القطر ففوفوفوفوفوفوف

90 - مش عارف إزاي الرجاله المتجوزين بيقبلوا علي نفسهم إن مراتتهم تقولهم : بيبي ، قال بيبي قال .

91 - قال عبدالله ذو 5 سنوات لأبيه : إنت عيل أهبل ، وعندما شعر أنه أخطأ ، صح وقال : قصدي إنت راجل أهبل .

92 - بينما الكثير يفكر في المستقبل لازلت أنا حبيس الماضي

93 - ابن عمي اول ما اتعلم يخش علي الفيس عمل صفحة وسماها " عشان نخلي القرد يتشقلب ـ أومال لو قعد سنة ولا حاجة علي الفيس هيعمل فيا إيه

94 - أول خطاب لمرتضي منصور بعد اعلان ترشحه لرئاسة الجمهورية بدايته : الشعب ما هو إلا أقليه وبحذرهم أنا معايا السي دي يعني أي هئ أو هئ هيروح ورا الهئ

95 - مرتضى منصور يعلن ترشحه لرئاسة الجمهورية رسميًا . ( والحلوا ماشيه بتدلع تملا القلل(

96 - بعض الأحمال لا تتحملها وحدك ، لذا عندما يساعدك أحدهم حملها له كلها واستندل واجري

97 - هوا الواحد مش عارف يستغل حد بعد الثورة ليه ، كل ما أجي استغل حد يقولي حقي يا أستاذ

98 - يا أبو خال ، أنا ما يكلشي معايا الكلام ده

99 - أم العبط .

100 - افضل المدرسين من لا يعطيك الإجابة : هم من يريك الطرق ويجعلك تقوم بخيارتك الخاصة ( بتصريف مني )

101 - يا أيها المار علي قبري خد هنا ياض عشان مزعلكش

*-*-*-*-*-*-*-*

اتفرجوا علي حلقة الدكتور طارق سويدان وعمرو أديب وهوا بيتكلم عن ما بعد الثورة ضروري

علي شفا ...

2011-06-08T22:49:00.005+02:00

بينما أنا آيب من عملي – أصل بنروح نمضي حضور وإنصراف ونمشي – سمعت صراخ طفل فترامي في ذهني لهوهم بعد حصولهم علي الأجازة ، ولكن رأيت شاب يجري وإذا به يقفر في ترعة القرية التي أعمل بها ويخرج بيديه طفل كاد أن يغرق .

رغم تصارع أنفاس الطفل بين دخول شهيق وخروج زفير إلا أن كان كل ما يهمه ويشغل باله – الشبشب – الذي يتحرك مع تيار المجري المائي - لأن أمه هتموته من الضرب لو رجع البيت بدونه - ضحكت وتذكرت نفسي .

كنت طفلا عندما صدمتني سياره بعد أن نهرني أبي عن تأخيري علي تدريب – الكارتيه – من أجل الفرجة علي التلفزيون ، حلف السواق ميت يمين إنني كنت ماشي وفجأة توقفت ، وفعلا دا اللي حصل لأني كنت بفكر في مشكلة دولية " يا تري هركليز بيضرب مين دلوقتي ؟ " أصله كان يوم جمعه ، طبعا الناس بتجري بيا علي المستشفي وأنا كل اللي بقوله " عايز اروح النادي الكابتن هيزعقلي – عايز أروح النادي الكابتن هيزعقلي ... " يقولوا " يا بني اهدي " أقولهم " لأ عايز أروح النادي عشان الكابتن هيزعقلي " ، واتقمصت بعد ما رجعت من المستشفي مش عشان الحادثة ؟ بس عشان عيل أصغر مني شرب العصير بتاعي هوا مش أنا اللي عامل حادثة ولا هوااا كمان العصير بتاعي ، أخذت ألعنه في سري .

مر في عقلي كل حادثة حصلت لي : افتكرت كيف داس الحصان بحافره في بطني بعد أن وقعت من قدام أبويا تحت رجله وظن الأب موتي لا محاله ، تذكرت كيف وقعت أمام عجلة عربية نقل وأنا أسابق أختي ولم يكن بيني وبينها العجلة مسافة 5 سم لولا أن ألهم الله السائق بالضغط علي المكابح لصراخ الناس ، تذكرت كيف حملني ابي أنا وابن عمتي عن فقد السيطره علي الحصان وقفز بنا وكنت طفلا .

تذكرت آخر رحلة لي في الكلية عندما طلبت من زملائي مغادرة المكان عشان أبلبط شوية في الميه ؟ مع إني علاقتي بالمية كعلاقه إبليس بآدم ، وأتخذت ساترًا حتي لا يراني أحد وفعلا وجدته ووقفت علي صخرة وحاولت استكشاف المياه بمد ساقي ولكني انزلقت وبدأت في الغرق وكل ما يشغلني ضياع جثتي وحسرة أهلي ومقابلتي لربي ولم أكن صليت فرضي وحسرتني الأخيره إلي أن أرسل الله منقذاً من حيث لا أدري ولا أحتسب ، خرجت أنهج – زي عجل وقع وعارف إنه هيدبح – وصدقوني أنها كانت أسعد لحظة في حياتي ، وأدركت أن أسعد لحظات الإنسان عندما تدرك نهايتك ثم تنجو ، إن المرور بتلك التجربة تجمع تعبيرات إنسانية لن يشعر بها إلا من جربها ، وأسأل الله ألا تجربوها ، اللي مزعلني " إني مشوفتش النفق الأبيض اللي بيقولوا عليه ساعة الموت " ، بالمناسبة حدش يعرف إيه اللي عمله هركليز في اليوم ده ؟!!!

حمامة طايره

2011-06-07T19:35:00.004+02:00

دلفت مع صديق لي ، لابن عمي لكي نري – كم فرد حمام – رأيت أنواع مختلفة من الحمام لم يشد إنتباهي بقدر ما شدني حديث ابن العم والصديق وشاب غواه الحمام ، لم أفقه من حديثهم شيئاً علي الإطلاق ، كانوا يتحدثون العربية بنقوش مسمارية .

فبدأ الصديق الحديث : يا استاذ هيا دي طيره

رد ابن العم : مش عارف لأنها لسه واحد جايبها حالا بس هيا شكلها كدا مديه علي دكر

قال الصديق : عليها كام ريشيه

ابن العم : بقولك لسه جايه حالا والله ما اعرف .

طلب الشاب الحمامه من الصديق وقلبها وأفرد جناحها : دي عليها رشتين يا أستاذ

الصديق : ياريت تكون طيره لأن عضمتها حلوه

ابن العم : أأأأأأأه فعلا .

نظرت إلا أعشش الحمام فجذبني بحمامتين طولتين في عش ، وحمامتين قبحين الوجه في عش ، وحماتين حسناوتين في عش .

ابن العم : الحمام مش بالشكل

الشاب : عارف

ابن العم قاله : شوف اللي شكلهم معفن دول يعملوا 400 ل 500 جنية ، واللي شكلهم حلو يعلوا ميت جنيه

الشاب : عشان عضمت الأولين حلوااا

ابن العم : الناس دلوقتي بدور علي العضمة الحلوه مش علي الريشه

طبعا أنا قاعد أبص للإثنين مش فاهم ولا كلمه

الشاب : الناس معدتش زي زماااااان ، كان في الأول بيدوروا علي الريشة ومش بيهتموا بالعضمة قد كدا لكن دلوقتي .

رأيت ذكراً يغازل الحمام التي أمسكها صاحبي بضربها بمناقره في الرأس ، قلت وكلي ثقة : دي طلعت طيره نظر لي اثنان من الثلاثة وكأنهم ينظروا لأحمق .

ابن العم : مش شرط

الشاب : أنا كان عندي فرد " كزغاندي " ، أيام زمان كان الواحد يروح السوق يلاقي " كزغانديات " كتير ، دلوقتي ممكن تنزل 3 مرات عبال ما تلاقي فرد واحد ، بس بيكون مقلوب لفوق .

ابن العم : لا يا عم .

الشاب : يا عم الكزغاندي

ابن العم مستوقفا : أنا كنت بحسبك بتقول علي المعصفر

ابن العم : يا عم إنت شفت " العبسي "

الشاب : أأأه شفت إنت " المزرق "

ان العم : أأأه طب شفت إنت " اللبلج "

الشاب : أأأه طب شفت إنت " المرقع " و " العنبري "

ابن العم : أأأه ولا " الحلس " يا سلام

حد فاهم حاجة أدركت أنا العالم مليء بالمجانين اللي الحمام غواهم ، امتد حديثهم في الأنواع والصفات لمدة ساعة ونصف ، إلي أن فرجنا الشاب علي مقطع لحمام " شقلابظ " شعرت من بعدها لحنين لتربية الحمام ، تعرفت علي مرادفات جديدة في قاموسي : عضمتها يعني منقارها ، رشيها تقريبا يعني لونها أو سنها ، طيره : يعني جيرل – بنت – طبعا معظم الحوار أصل تأليف لأن والله ما فهمت 99 % من اللي بيتقال بس اتعرفت علي فئة جديدة مجنونة ، إذا استيقظوا تحدثوا عن الحمام ، وقبل أن يناموا يتحدثوا عن الحمام وما بين الاستيقاظ والنوم يتحدثون عن الحمام .

بالنسبة للعبدلله مش بيعجبني الحمام إلا في حاجتين بس : لما يكون حمام محشي رز، ومتحمر إمواااااا حاجة كدا بالصلاة علي النبي ، ولما أمسك حمام وأطيرها في السما ، ودا حلمي لمصر حتي لو مش بفهم في غية الحمام .

فيديو جامد شفته علي موبايل الشاب اللي كان معانا وانتوا متعرفهوش

مش عارف أجمع 3 - تابع واحتمال يتبع -

2011-06-06T18:34:00.004+02:00

لعنة الله علي الموقع الإجتماعي المدعو الفيس فقد حجبني عنكم بعد أن كدر الذهن بما حوي ، وشُغل القلب بالنوي ، وهرب وحي القلم من حافظتي ، وسقطت اسهم كنانة اللغة من بين طيات عقلي ، لذا جمعت ما كتبت لكم عليه مع أن هذا لن يكون عوضا عن عدم متابعتكم في الفترة المنصرمة ، و مش هقولكم الصراحة إني بضحك عليكم بالكلمتين دول لحد ما ربك يبعت الوحي وهيله هوب :

51- أبعد عز وكابتشينو ، تداولنا الأيام ونشرب شاي

52- أنا فرحت إن المنتخب طلع ، عشان الناس تفوق بقي للأهم

53- هيا الثورة لسه موصلتش للمنتخب ولا إيه

54 - كوكتيل من التفاؤل والقلب المقبوض

55- كتير منا بيقعوا بس قانون الوقوع الوقوف يعني متستانش حد يقومك قوم لوحدك ومسيرك في يوم هتلاقي اللي بيقومك من غير متقوله

56 - أقول وقد ناحت بقربي ذبابةٌ ، يا بنت الزنانة خنقتي أهلي

57- طبع الرجل مختلف تماما غير طبع الست زي المركبين الكميائين يا إما يتحدوا ويدوا لون حلو يا إما يطلعوا رحيه وحشه

58 - هل فعلا ممكن أكون بحلم بحلم ويكون واحد في مكان تاني بيحلم بنفس الحلم ، وحلمي بيكمل حلمه وحمله بيكمل حلمي ولو فكر واحد فينا يخرج من حلم التاني الحلمين يتفركشوا

59 - مشفوناش واحنا بنعمل ثورة شفونا وإحنا بنتخانق

60 - بنزل كورس " كيف تصبح عجلاتي " حدش عايز لفه

61 - الطامحون في السلطة

62 - أتدرون من هو المتفائل ، اقولكم / هوااااااااااا واحد زيي بالظبط ، طب والمتشائم أكيد مش واحد زيي

63 - مش عارف مبحبش ليه الناس اللي بتحاول تتعرف علي المشاهير ، رغم إن ده حقهم ، بس قلبي بيبغضهم لمحاولتهم ركوب قطار الشهره علي قفا غيرهم .

64 - مفيش حد صح دايما ولا حط غلط دايما

65 - أنا عايز أسأل أي حد بيقول مش عايز مصر دولة دينية إسلامية - هل إنت غير واثق في تشريعات ربنا ورسالة نبيه - ولا إيه اللي في دماغك -رسيني

66 - أعتقد إن عيب بعض الناس إنها بتختزل الاسلام في صورة شيخ معين أو جماعة معينة ، والاسلام أوسع من تلك النظرة الشديدة الضيق

67 - كتير مننا لم يجي يكتب كلمة " غفورا " بيحط التنوين علي " الألف " لتكون - غفوراً - ودا غلط إملائي ، التنوين يتحط علي الراء هو دا الصح - غفورًا - شكورًا - كفورًا ، ملحوظة : حروف ا - و - ي ، لو جم سكنين في نهاية الكلام لا يشكلوا أبدا

68 - مساء المنابير / ممبار ممبار

69 - أنا أملك جوايا عدد لا نهائي من الشخصيات الإنسانية

70 - أنا عايز أحس بالتغيير أنا هروح ألحق ظلبطه

71 - أحدثكم وأنا حليق الرأس - زلبطه - وأول مرة أشعر بقيمة المروحة

72 - بحاول أربي دقاني عشان لو الإخوان والسلفيين مسكوا الحكم أقولهم أنا تبعكوا يا رجاله ، آآآآآآآآآآآه وصولي حد عنده مانع

73 – مفيش أحسن من إنك تعمل نفسك عبيط ، وكله هيكشف ورقه ليك

74 – حاسس إن فيه حاجة نقصاني كدا آآآآآآه بالحق عايز آكل

75 – وآآآآآآآآآآآآه يا بلد

مفيش عنوان لأني عايز أنام والله

2011-06-05T22:43:00.010+02:00

يا جدعان معدل الطلاق زاد الايام دي أنا سمعت إحصائية مخيفة بيقولك 7 من كل 10 بيطلقوا في أول 3 سنين جواز وكل ما المتجوزين قعدوا مع بعضهم أكثر نسبة الطلاق بتقل .

أولا : مفيش أولا

ثانيا : الخلافات الزوجية تنم أحيانا عن غباء فكري مطلق ، مفيش نقاش إلا وتلاقي الزوجين بيعيروا بعض ، المشكلة مش في المعايرة ، المشكلة إن الخناقة غالبا بيكون فيها تطاول واللي يقهر إنها تكون قدام العيال .

ثالثا : استكبار كل طرف إنه يقول أنا آسف للتاني ، في إيه لو واحدة زعلت جوزها تقوله أنا آسف ، في إيه لو الواحد لما يزعل مراته يجيب ليها ورده ، كنت بقول الفكرة دي لمدرس محترم معايا في المعهد ، قالي إنت عايش في عالم لوحدك ، أنا اشتري لها وردة لما يكون مرتبي محترم ، ولو جبت الورده حتي هتقولي مش أولي كنت جبت بضتين ، بس الاستاذ حازم رد عليه ، هتقولي حازم مين هقولكم إنتوا عرفتوا احمد عشان تعرفوا حازم ، بس يا جدعان هو برضوا مدرس قال : مش شرط وردة ممكن كرملايه حتي أو شيكولاتيه عادية الست بتنبسط من كدا .

ورغم كدا أنا من ضمن رافضي إن واحدة تقعد مع جوزها بسبب العيال مع إن جوزها جزمة قديمة ومتخلعش من الرجل وميستهلش ضفرها ، وضد إن واحد يستحمل واحدة متسلطة أو لتاته أو شكاية عشان العيال وجهة نظر إن لو مفيش أمل في إصلاح عيوب ضخمه في الطرف الآخر يبقي الإنفصال هو الحل مع إنه أبغض الحلال ، لأنه أفضل من تدمير الأطفال بوجودهم في أجواء هتخليهم أشخاص مش أسوياء .

يا جدعان حولوا تختاروا ذات الدين اللي بيفهموا من البنات والشباب ، حاولوا تقروا وتطلعوا علي كيفية ترتيب حياتكم ، حطوا تصورات ، و عارف إن الجواز مش بالقراية ، بس في مشاكل ممكن تتحل نتيجة فكرة سمعتها أو قرتيها ، الجواز تفاهم ومشاركة تنازلات بتتقدم بس التنازلات طبعاً متكونش ضد الدين ، أنا مش عارف أنا بكتب إيه دلوقتي لأني مضيع بس أهم حاجة أعمل الواجب حتي لو مطلعش حلوا .

* * * * * * * *

علي الهامش

- الدورة التأهلية في الحياة الزوجية

- برنامج النفس والحياة جامد جدا ( علي قناة الرسالة بس بيحتاج تسجيل بالموقع أولا )

- دورة تأهلية للقيادة – أيوا القيادة لأن إدراة الزواج عايزة قائد -

أتدرون ما المطر ؟!!!

2011-06-04T22:00:00.004+02:00

صعد الخطيب المنبر وكل خطوة يخطوها تدل علي ثقة لا مثيل لها ، آخذاً شكل علماء الأزهر بجبته وقفطانه ، إرتقت الرقاب نظارة إليه في إقرار له بالوقار لهيئته ومشيته ، بدأ الخطبه بالحمد والشكر والثناء ، ثم سأل سؤال لولبياً فقال : أتدون ما المطر ؟ نظر إليه كل من بالمسجد حتي عجوز المسجد الهرم نظر إليه ، فرفع صوته وهو يرجع بظهره إلي الخلف وقال : أتدروووووووون ما المطررر ؟!! خلع العجوز عباءته لأنه سيستمع إلي معلومة جديدة ، فإنجعص الشيخ وصرخ عاليا أتدروووووون ما المطررررررر ؟!!! رمي العجوز سبحته أرضاً تشوقاً لمعرفة الإجابة .

فقال الشيخ بصوت رخيم : المطرررررر يا أحبابي هو الماء الذي ينزل من السماء ، فلم يتمالك العجوز نفسه وقال بصوت سمعه كل من بالمسجد : لا ياااااااراااااااااجل ، فضج المسجد بالضحك .

وقد قص علي زميل قصه لصاحبه : قام الإثنان بتحضير خطبة بذلوا فيها طاقة جبارة ولم يألوا وأوردوا قصه من الأثر أن هناك إمرأة فقيرة كان كوخها ملاصق لملك متجبر فأمر الملك بهدمه وهدم وعندما جاءت المرأة ورأت كوخها ، قالت " ربي إني كنت غائب ، فأين كنت يا رب العالمين " فدك الله القصر واصبح عاليه سافله ، وأثناء الخطبة أراد الخطيب أن يقص عليهم القصة ، فأغمي علي أحد المصليين ، فحدثت حالة من الهرج والمرج وما لبث أن عاد الهدوء ولكن مولانا نسي القصة بعد أن كان وقف عند قول المرأة وأخذ يقول : وقالت ، ثم يسكت ، ثم يقول وقالت ثم يسكت ، فقال صارخاً وقالت .

فلما أحس الحضور بوجود خطب ما ، فصرخ الشيخ : " وقالت إني كنت كنت ، فأين يا رب كنت كنت " فضج رواد المسجد " اللــــــــــــــــــــــــــــــــــــــــــــه " وهرب الشيخ بالفهلوه وأثبت إن الرجالة اللي قاعدين ولا مؤاخذه مضيعين وفي الطراوة وقال لي الزميل " قلل قاعده قدامه "

كل ما أتمناه خطاب ديني يربط الدين بالحياة لأن الدين لا يمنع أسباب الحياة ، بل الدين جاء تشريعا - عبادات ومعاملات – حتى يسمو ببني آدم دنيا وآخرة ، فالدين متغلغل في كل مجالات الحياة ، فالدين ليس جنة فقط ولا نار فقط ولا موت فقط ، وإن كان لابد من ذكرهم للتذكره ، وأرجو منكم ألا تيأسوا الناس بسلبياتهم ، فإن ذكرتم عيباً فيهم ، أطلعوهم علي طرق تقويمه ، وإن استطعتم إذكروا محاسنهم لتشجعيهم ، املهم في الله حتي يحسنوا الظن به ، كل ما أرجوه خطاب ديني متميز ينير دروب البشر إلي الله .

المخوفاتي

2011-06-03T22:32:00.007+02:00

أن تكون بعبع العيال ذلك شيء مؤلم للغاية لكن علي أحدهم أن يضحي مادام الكل - بيطبطب ويدلع – كنت ولازلت قائد المهمات المستحيلة ، عايزين عيل من العيال ياخدوا حقنة ومحتاجين حد يعبطه للصيدلي معنديش مانع ، عايز حد يحفظ قرآنه أو يحل واجبه يدخلوه ليا في الأوضة أو يخرجوني له ، تمرست ترويض الأطفال بنظرة حتي في المدرسة أصبحت " بعبعاً " ، يكفي أن يشاغب أحد الأطفال حتي تصرخ أمه هنده لك" بسام " ، الواد أو البت ساعة ما يسمعوا الاسم حالة من التعرق تصيبهم ، كانت البداية عندما خنت ثورة الأطفال و إتفق مع أختهم الكبري إني هضربها كده وكده ، وما إن حدث هذا حتي رأيت الشماته في أعينهم تجاه المضروب والخوف والهلع من الضارب ، لا أحب عمل المخوفاتي لكن ما باليد حيلة ، فقد أفسدتهم أمهاتهم بكثرة تدليلهم- فكل طلابتهم مجابة بدون تفكير - حتي ترهلت أخلاقهم ، فكان لابد من تقويم حازم .

لكن بكون مشفق علي الطفل أثناء تقويمه ، ورغم أدرك أن ما أفعله شيء شنيع لأني أكسر جزء لا ينجبر و لا يندمل بمرور الزمان – القلب – تمنيت أن تقرأ أختي وزوجة أخي كتاب اشترتيه لهم في تربية الأبناء ، لكن الكتاب كالعادة أصبح كالديكور في المكتبة ، غريب أمر الإنسان إذا اشتري غساله أتوماتيك أخذ يحفظ كتاب التعليمات عن ظهر قلب خوفاً من إتلافها ، وعندما ينجب طفل يكتفي بالتجريب ثم يشتكي أنه أصبح علي غير ما يهوي من الخلق القويم .

أرجوكم أولادكم مثل الملك علي لوحة الشطرنج علي الجميع أن يدافع عن الملك حتي الموت ، أرجوكم لا داعي لاستعمال – المخوفاتية – اللي زي حلاتي مع ولادكم ولا داعي للتجريب فيهم ، فقط تعلموا أيها الأباء وأيتها الأمهات فن تربية الأولاد نعم إ وأي فن ، واعلموا أن أطفالكم يرون العالم من خلالكم فلا تكونوا كالقذي في أعينهم ولكن كونوا كالكحل ، و أبوس إيدكم رقبوا مدرسي المدارس لأن أغلب التدمير بيكون من المدرسة ، وإذا لم تنجحوا أنااااااااااا موجود وأمري لله .

جوازه

2011-06-02T17:41:00.004+02:00

عروسة متغندره

خفه وكمان سكره

والعاشقين طوابير

تتطل مل المندره

منها البنات بتغير

بإشارة من رمشها

تتغير الدستير

خطب الوداد خطاب

كل القلوب دايبه

والقلب رغم الوسع

شاورت علي الأمحي

" فين مخك يا دي النايبه

أبو إيدين خشنين

دا دِسمه طول اليوم

متعاص يا بتي طين "

أمها ظاطت

والعقل فيها شط

خافت تخش غميق

رضيت وقوف ع الشط

بسمت علي استحياء

قالت " جوليبي إختار

فلاح أصيل مجدع

مل الفجر في أرضه

ولِيلُهْ ف المهجع

يرويني حنيه

يفديني بضي عنيه

لو حد زعلني

يحميني كف إيده

يَمْا الحياة قسمه

وفقي انتي يلا بس

ومسيرها مبتسمه

يما الحياة فرصة

دي فرصه متتعوضش

وافقي أبوس أيدك

لأحسن متتكررش "

إجوزوا اللتنين

عاشوا في تبات ونبات

جابوا بنين وبنات

والحياة ماشية

خلفوا عزوه

عيال كما الامحي

وبنات كتير قمرات

عيال بنو لنا المجد

مش محتاجين إثبات

و كفاية ثورتهم

ثورة العزه

ازرع حلم يطرح حقيقة

2011-06-01T11:59:00.004+02:00

أين أنتي ؟

2011-05-18T07:13:00.004+02:00

كما في مخيلة كل فتاة صورة لفتي الأحلام ، في مخيلة الفتي صورة لفتاة الأحلام ، هناك صورة ضبابية لإختياري لفتاة أحلامي متمثلة في طفلة رفضت أن أسلم عليها وأنا طفل خجلاً ،سلمت علي الجميع إلاها ، ورغم كوني طفل إلا أن خبثي جعلني أتقرب من أخيها لعلني أتقرب منها ، لم أراها إلا مرة واحده ولا أتذكر أيضا صورتها إلا أنها أعجبتني و – نخششت في نافوخي - .

فتاة أحلامي أريدها ذو دين وذو جمال في عيني لا في أعين الناس ، كما أريد أن أكون جميلاً في عينها لا في أعين الخلق ، تزيل عني عناء يومي بكلمة ونظرة وابتسامة ، وإزيل عنها عناء يومها بورده ، إذا حدثتني أشعرتني أنني – سي السيد – وإذا حدثتها أشعرتها أنها – الأميرة ديانا – طائعة لأمري ونحن بين الناس ، وتشاكسني في قراري وأنا ملكها .

أقبلها من بين عينها أثناء غدوي لعملي ، وأعود لأجدها متكأة علي يدها ساندة علي المنضدة تنتظر سماع خطوات أقدامي فتجري علي باب البيت لتفحته قبل أن أضع مفتاحي في الباب تبتسم لي وتسألني كيف كان يومك ؟ أجيبها وأسئلها عن مدي سعادتها معي ثم أحاول أن أتراجع عن السؤال خشية أن تجيب بما لا أحب فأنا أخاف من إجابتها لعلها لا توافق هواي ، فأضع يدي بلطف علي ثغرها خشية سماع الإجابة ، تنزل يدي برفق المحب ، وتهمس في إذني وتقول " ما زلت عندي سي السيد " ، أخرج وردة قطفتها من جنينه قاطنة أمام مكان عملي وأقول لها " وإنتي أحب من نفسي "

نحلم سويا أن ننجب 40 عيل بإذن الله ، ونبدأ في تسميتهم ، نتخانق مين اللي هيقوم يطبط عليهم ساعة ما الواحد فيهم يعيط ، أقول لها " أنا عندي شغل الصبح يا هانم " ، تصرخ وتقول " مادمت مش قد الخلفة بتخلف 40 عيل ليه " نتفق أن نقوم معاً لكي نخفف عن باكيهم وطأة الليل ، ثم أحاول أن أغافلها لأنام – فتزغر لي – فأنتهي فيضحك الباكي علي أبيه المسكين .

ربما تتهموني بالعته لأننا في خضم ثورة ، وربما أنا أدعي الشاعريه حتي أكسب قلوبكم ، ربما تسخرون من فكري وأنه أشبه بفكر فتاة ، ولكن أحلم باليوم الذي أتزوج فيه من فتاة أحلامي بعد أن أجدها فهي – كإبره في بحر خضم - .

رسالة

2011-04-25T18:00:00.007+02:00

بداية أردت أن أكنس الفصل أمام الطلبة عشان أوصل لهم فكرتين التواضع والنضافة مع إني أوضتي أزبل أوضه شفتها في حياتي لأني رافض تنضيفها لايماني بنظرية الفوضه الخلاقة ، فجأه حصلت كبسة و دخل شيخ المعهد وكام مدرس وعندما رأوني أصنع ما اصنع نهروني فقال أحدهم " المدرس مدرس والعامل عامل ودي شغلة العمال " وأتبعه الشيخ " خد يا بني المقشة من الأستاذ وعايز الفصل دا علي سنجة عشرة " حاولت إفهامهم بالمغزي لكن كان الطفل أسرع فأخذ المقشة منى حتى لا تناله من عصي الشيخ جانب ، وعندما خرج الشيخ طلبت منه المقشة فأعطانيها ، المهم وصلت الفكرة لبعض الطلبة وإن كان مولانا الشيخ أصابها بشروخ وكسور لكن المهم وصلت .

قسمت السبورة نصفان : نصف للشرح والآخر لجملتين اما الأولي فمن كتاب الله " إقرأ وربك الأكرم " وأما الثانية للحاج نابليون " ما هي الظروف هذه التي يمكن أن تعترض طريق إنسان له إرادة ؟!!! إننى أنا الذي أصنع الظروف التى تمهد لما تريد ، وليست هي التى تصنعني " وشرحتها للطلاب وابقيت علي الجملتين مدة 5 شهور وربما كانت إحداهما ملهمة لطالب فيتذكر مدرس له حاول فيترحم عليا بدل من أن يلعن سلسبيل اللي خلفوني " .

في يوم ما رأيت طفل يحاول إثارة غضب – وزة – فجريت وراه الوزة ، فناديت عليه قلت فرصه أعلمه درس في الإقدام وأنه يجب أن لا يخاف " إمشي جنها بهدوء وهيا مش هتعمل حاجة " وحاولت إثبات نظرتي ببرهان ، فقربت من الوزة ومشيت بهدوء فجاءت نحوى فقلت في نفسي أثبت حتى يتعلم الدرس فطارت الوزة نحوي وهي تبح بحيح المهاجم فاتحه جناحيها وفمها وحاولت أن تعضني ، لم أدري بنفسي إلا وأنا أجري أمامها وهيا تجري خلفي ، والطالب " ميت علي نفسه من الضحك " مش مهم الرسالة موصلتش المرة دي بس علي الأقل حاولت , آه صدقوني إن شيء مش لطيف لما طالب يشوف وزة بتجري وراك واسئل مجرب .

كون الواحد مدرس فدا بيخليه يعمل حاجة من اتنين : تنفض وتقول لنفسك إنتا هتتعب قلبك ليه على عيال اهاليها حتى مش بتسألوا عليهم ، أو تقول تعامل نفسك علي انك صاحب رسالة وبتعلم قيم والناس هتقول عليك إنتا هتعملنا فيها خضرا الشريفة .

إخترت الطريق التاني أن أكون خضرا قصدي أن اكون صاحب رسالة ، ومذ التحقت بالمعهد حاولت إيصال شيء للأطفال

في الفترة التي قضيتها في المعهد حاولت إذابة حاجز الخوف عند الاطفال وإن كان بصورة بسيطة لأني أؤمن أن بداية الإبداع / التغلب علي المخاوف بشجاعة يصحبها تواضع / كما أطلب منكم متابعة أولادكم ، حتى تقوموا المعوج وتفتخروا بالسوي / حد فاهم حاجة .

هدية مش علي قد المقام

2011-04-22T11:35:00.002+02:00

يوم مولدك

يوم مقتلي

مات الطاغوت

وأدي الحقيقة بتنجَلِي

كان نفسي أعيش لرؤيتك

حرة طليقة في العَلِيِّ

وكفاية إنك بالأمل تتجملي

نجمك عِلِي

أوعي تسيبه وتنزلي

أما طريق مجدك

أوعديني تكمليه

متفكريش موتي هدر

موتي قدر

موتي كااااان شمعه لطريقك

ساعة ادان بعد السحر

احلفك

فيا كتير متفكريش

ومتحزنيش

لأن لو عاد الزمان

راح هموت لجل ضيك

لجل نورك

مش هعيش

حتي روحي لجل نجمك

ما تسويش

دا اختياري

ودا قراري

متزعليش

ما لم تقترفه يدي

2011-04-13T01:55:00.002+02:00

كنت اسمع أن العمل يجعلك من المدردحين – البرم – لكن أصعب ما في أن كونك مدرساً يا قلب أمك ، سنة أولي إبتدائي ، هم أسهل من تتحكم فيهم بالظن وأصعب من تتحكم فيهم بالفعل ، أول ما تدخل الفصل ، تلاقي الفصل كله بيجري عليك ، أستاذ ده بص لي ، التاني يقولك وعينه مغرورقه بالدموع والله يا أستاذ مبصتلوش ، فتترك الإتنين معا الباصص والمبصوص له لعدم وجود شهود علي الحادث ، لتجد فتاة تبكي في آخر الفصل ؟ مالك يا بنتي ؟ نسيت الكراسة يا أستاذ .. فتطلب منها أن تجفف دموعها مع تطمينها بأنك لن تضربها لأنها نسيت الكراسة ، فيخرج صوت من بعيد وأنا كمان يا أستاذ ، فتسأل حد تاني ؟ فيظهر لك أنك الوحيد اللي جبت كراسة التحضير قصدي كشكول التحضير والباقي يا مولانا كما خلقتني . تكتشف أن نص الفصل بالميت ناسي الكراسة .

فإذا فرغت من موال الكراسة ، وجففت الدموع ، وجف حلقك من هس يا واد بس يا بت ، وجدت بنتاً خائفة وجلة تبكي بحرقه .. فتسألها بلهفة مالك ؟ ترد ببراءة وهي تجفف دموعها بكمها و ثغرها مقوساً لأسفل : قلمي مأصوف ، فتبدأ رحلة الشقاء في البحث عن براية وعندما تجدها وتبدأ في بري القلم لها وقبل أن تعود للشرح يخرج لك حوالي 10 تألام رصاص مش مقصوفين لكن صحابهم عايزينهم يحسنوا أو كما يدعون تلك العملية " عايزين القلم يبقي حسونة " ، تكظم غيظك تبدأ في بري الأقلام قلماً تلو الآخر ، فيخرج إليك طالب ويقولك أنا عايز أروح الحمام ، وبمجرد الموافقة علي ذهابه حتي يخرج لك واحد وعشرين واحد عايزين يروحوا الحمام ، وكأنهم عملين شير في البي بي ، فترفض طلبهم جميعاً مزنوقيهم مع مدعي الزنقة ، ثم تري أحدهم يتلصص لكي يأخذ قضمة من شاندوتش جبنه ، أو واحدة قلبظ أو بيأذأذ لب بالشطة فتوقفه ثم تأخذك الرحمة به فتجلسه بعد أن تبرأ له تبرية شيطانية تدل علي أنك فاتك به لا محالة .

تبدأ في الشرح ، يا ولاد الإنترنت له فوايد كتير ، فيرفع أحدهم يده ، تقوله إتفضل يقولك أنا بابا بيكلم ماما علي النت ، يبادر لذهنك الخبيث سؤال : وبيقولها إيه يا حبيبي ؟ ثم تفيق من أحلام اليقظة بابتسامة مصطنعة وتقوله ماشي ، شوفتوا يا ولاد يعني ممكن نكلم بعض عن طريق الإنترنت ، فترفع فتاة ايدها تقولها اتفضلي : تقولك إحنا عندنا كمبيوتر في البيت أخويا بيلعب عليه ومش بيرضي يلعبني تقولها ماشي ، فتجد ثالث يرفع إيده تقوله وانت مخنوق : اتفضل يقولك أنا عايز أقولك يا أستاذ إننا معندناش كمبيوتر في البيت ، تصرخ بداخلك وتتألم وتتسائل لوهلة ما الذي صنعته في الحياة حتي تكون تلك عقوبتك ، تجز علي سنانك وتقوله وأنت تتعذب بكلامه وتسترحمه أن يسكت ، اتفضل يا حبيبي اقعد ، لتكتشف أن جرس الحصة ضرب ، وابراج مخك طلع ميتن أبوها وضربت هيا كمان . ولكن في النهاية تبقي براءة الأطفال أملك لبلوغ مصر مبلغها .

مش عارف أجمع 2

2011-04-06T21:41:00.001+02:00

26 - مش عارف أضحك من قلبي .

27 – قمة الآلام تكمن هنا ، نعم هنا تحت دثار القفص الصدري .

28 - كي أكون نبيلاً عليَّ أن أتركك لصاحب النصيب .

29 - أصعب ما في أولي ابتدائي لما عيل قلمه الرصاص يتاصف يفضل يعيط وانت يا قلب أمك قاعد جنبه محتاس ، يا حبيبي أسكت خدي قلمي طيب ، حد معاه برايه يا جدعان ، وتفضل تدادي لحد جرس الحصه ما يرن .. تصرخ بأعلي صوتك ـ، أحمدك يارب .

30 - دماغي من كتر التفكير بتون .

31 - عايز أنام ومش عايز أنام .

32 - اللهم إني خرجت بصوتي من أجل إحقاق الحق فأن اصبته فالحمد لك ، وإن أخطأت فعشمي في عفوك .

33 - أحمر من صباعك مشوفتش .

34 - أحلي خبر سمعتة من قيمة يجي بالهبل : المصريون يدلون بأصواتهم . تريرا را

35- شاي نبتون وميه مفنتنه وبدون نغاوي ، مش ناقص غين النوجه الحسن .

36- أه أه واتخانقنا إن احنا هنقول بكره نعم ولا لا .

37- وعدنا من المدرسة بعد شوية شغل حلوين فيه وطبعا كالعادة هبرنا الهبرة وحبسنا بالشاي وخمسنا بالقصب .

38- صبحكوا قشطة ، أنا رايح هناك حدش عايز حاجة من اللي هنا

39 - الواحد حاسس إنه بقي هايف من ساعة ما يروح البيت يقعد علي " الفيس " لأ بقي أنا هقوم من علي الفيس وأقعد شوية علي " التوتير " .

40 - نفسي بقي أخطب واتجوز وأخلف وولادي يخلفوا عشان اقعد احفادي ولاد الكلاب حوليا وأقولهم حكاية - الفلاح المصري الفصيح - وأختم القصة وأقول كان فيه حاجة أيام زمان اسمها حزب وطني أستغفر الله العظيم .

41 - مش عارف جسمي بيقشعر كل ما أسمع كلمة ارفع راسك فوق إنت مصري .

42 - الحزب اللي هتشترك فيه كالخياره يا يطلع ببذر إسود يا يطلع بدون بذر إسود .

43 - أجمل ما في البطيخ إن طعم المانجه زي العسل ..

44 - أن تفقد عزيز شيء مؤلم ، أن تفقد حبيب شيء قاتل ، أما أن تفقد حلم حياتك فلا أقول إلا كان الله في عونك .

45 - في قمة يأسي يصيبي السرحان لدرجة الجنون .

46- مش عارف الناس قعدوا يتكلموا علي بلوفر شفيق ونسيوا يتكلموا علي بلوفر شفيق .

47- لكي تكون خبيثاً عليك أن تيأس اللي حوليك وإن مفيش أمل ، وأمل أصلا معاك .

48- حالي بعد اكل العدس : عامل دماغ ودايخ ومدروخ وعايز اناااااام خخخخخخخخخخ .

49 - لو لم تكن دماغي جزمة ، لوددت أن تكون دماغي جزمة ، عشان اللي يضايقني أقوم ضاربني بدماغي علي دماغه .

50 - من ضمن أحلامي إني اكون بجنحات وأطير فوق في السماوات ، ومحدش يجري ورايا ويقول ، العبيط أهووااااااا العبيط أهواااااا .

مش عارف أجمع1

2011-04-04T10:56:00.005+02:00

0-قمة الديموقراطية ، إنك تقول لأبوك انا جبت ورق بفره ، يرد عليك ويقولك : طب هات لما ألف لك .

1- هناك نوعان من الناس في هذه الدنيا أنا بقي من النوع التاني .

2- فيه ناس كتير بتتظارف ، ينعل أبو الرخامة يا جدعان .

3-هوا لو ابني المستقبلي سألني بابا هوا إنت رحت التحرير ، أقوله أيه : مرحتش عشان كنت خايف أموت ولا أعمله فيها سوبر ولف مان .

4- كما كنا نلوم السابقين علي عدم قبول النقض ،علينا نحن الحاليين أن نقبله ، وإلا سيأتي مستقبلين يثورا علينا كما ثورنا علي من سبقونا .

5- بعد أن خلعنا مبارك ، أحب أقول لأي رئيس جاي : كل يوم من ده .

6- سؤال يطرح نفسه ، هل أنت فل من فلول النظام اللي ميتسماش ؟ وما الدليل علي ذلك ، ثم أعرب ما تحته خط ؟

7- لما الواحد يرجع من المدرسة وكله هدومه دهان بوبات .. صدقني خبيها قبل ما الست الوالدة تشوفك وتلعن سلسفيلك .

8- علي فكرا الكذب في شهر إبريل حرام برضوااااااا .

9- الفلوس وسيلة وليست غاية .

10 - كااااااااااااس ودااااااااااير

11 - ربنا يبعدنا ويبعدكم عن الهوس الإكتئابي.

12 - نفسي بقي أبقي رئيس جمهورية أد الدنيا .

13- نداء عاجل للنظام السوري : اقطع المياه ـ رش ميه - اجر بلطجية - أو مرتزقة ، حط سم للناس في الأكل .. كدا ساقط وكدا ساقط .

14 - أبويا المتعصب كرويا راجع امبارح من السفر بقوله ، شوفت المنتخب : قام ضاحك وقالي " فيه حجات دلوقتي أهم " .

15 - شغلتني ذات الرداء الأحمر .

16- بيقولوا سوريا مش زي البحرين ومش زي اليمن ومش زي ليبيا ومش زي مصر ومش زي تونس .

17- عايز أنام وعايز أتعشي وعايز أخس .

18 – سحقاً .

19 - أقول لحسن شحاته إرحل ارحل إرحل

20 - هذا ما جناه حسن شحاته ..

21 - الشاي مزز أوي ، شكله عايز حته جبنة كمَزه .

22- نفسي أطير في السما .

23 - ولاد اخواتي دول هيجبوا لي شلل.

24 - بعد أن حرقت الخلاط وبوظت المطبخ عملت بوووووووووووووووووووووظااااااااااا ها ها ها ها ها ها هي هي هي هي هي هو هو هو هو أنا جاااامد .

25 - أبويا وأمي كل ما يحبوا يصحوني يقولوا بسام الأكل جهز يا بني .,,, أقووووووووووووم جري.

وسقط الطاغية

2011-03-04T21:21:00.004+02:00

علي ما يبدو إن عمكو عسليه لم يشاهد ما يحدث الآن في العالم الآن فسعي في الأرض فساداً هو وولدانه ال 13 ظن أن عزوته تنجيه ، تزوج هذا الكائن الغريب - الذي يهتم بشنبه المدبب أكثر من إهتمامه بالتنفس - من احدي فتيات قريتنا ، ورزق منها بماسورة ولاد 13 عيل بالتمام والكمال وسكن في بيت أبو مراته وعندما مات الأب استفرد بالبيت وهمش – إخوات مراته – من الآخر بلطجي هوا وعياله .

ومن حسن التدبير والتخطيط والتفكير في المستقبل استغل الفراغ الأمني الذي خلقه الأمن ، وأفرغ المجلس المحلي للمدينة المجاورة ثم زود الغنائم بمكاتب ودواليب مجلسنا المحلي ، وقد ساعده علي ذلك عمله بالملح حيث يملك ما يقرب من 5 حصان بالميت ، طبعا أضف علي الأحصنة عرباته الكارو ، لم يأبه أحد لما حدث في المجالس من سرقات عياناً بياناً إما شماتة أو استهتار أو في الغالب أن الناس لا تهتم بالحوادث مادام المصاب عند غيرهم .

وصل الأمر به وبعياله أنهم سرقوا رجل ينافسهم في بيع الملح ثم أضافوا لسجلهم الهباب أنهم علقوا أحد الرجال علي شجره وربطوه بالجنازير وضربوه بالسيوف والمطاوي ، فتدخل رجل ذو كلمه لإحقاق الحق ، فإذا به يسكع بالقلم علي وشه .

هوبااااااااااااااااااا يا معلمين ، والحكاية إتقلبت أردغانه – معجنه – مطحنه - معركة من طرف واحد ، تحركت حشود الأهالي بعد أن ذاقت شهد التحرير صوب بيت الطاغية بعد صلاة الجمعة فنادي بعضهم بقتلهم وبعضهم بالقصاص بحد الله والبعض طالبهم بمغادرة البلدة مغادرة لا عوده فيها ، وعلي ما يبدو هنا أن عمكو عسليه كان أكثر حكمه من بن علي ومبارك ، فطلب الآمان في الخروج من القرية شرط التنفيذ ، ابتسمت بخبث وشعرت بسعادة غامرة لأني كنت أبغض هذا الرجل وولدانه بمجرد رؤيتهم ، أدركت أنه لم يعد مكانا بيننا لأشباه الرجال من الذكور والإناث ، تمنيت ألا نبني مزيداً من الأصنام بالسكوت ، فقد احترف الكثير صناعة الصمت ، وقلت في بالي تلاقي عمو عسليه بيلعن أم اليوم اللي الشعب فاق فيه ، وهكذا سقط الطاغية عمكو عسلية .

آن الأوان :)

2011-02-19T17:35:00.003+02:00

يا مصر ياااااا طاله

من الزمن طله

حوط عليكي الزمن

وإنتي مش مله

تفلفصي فِ يمين

تفلفصي فِ شمال

رافضة العبودية

والقهر والذِله

حكموكي حكامك

في كل حتة قاموا

بذلك و إرغامك

خنأوكي من طوئك

ساؤكي لاعدامك

وقبل إعدامك

لف عليهم حبل إعدامك

وباقي عُدامك

ركعوا علي توبك

يطلبوا الغفران

ويحلفوا أيمان

إن ماكان قصدهم

وهيبقوا خُدامك

وبطيبه من قلبك

صدر قانون العفو

بس القانون مشروط

بالطرد مِلْ الجنة

والجنة دي أرضك

واللي يبيع أرضك

شرطك ما يستني

واللي يصون أرضك

يتوضي من نيلك

ويعطره عليلك

وبطميك ليتحني

أصله واد مجدع

والجدعنة دي جت

سِنِهْ ورا سِنِهْ

آن الأوان نزرع

آن الأوان نبني

عُشرمييييييت مصنع

آن الأوان تِعلي

آن الآوان يا مصر

لولاكم

2011-02-11T22:45:00.002+02:00

لست منافق ، ولست ممن يركبوا الموجه ، كل أمنيتي بعد تنحي مبارك ، مصر تنضف ، وكنت أتمني إن كل الشهدا كانوا يكونوا معانا ، أنا معملتش أي حاجة ، بس لولاكم ، لولا دمكم ، مكنتش مصر شافت نور ، فاللهم تقبل قربانهم بأرواحهم بكرم من عندك ، والذي خلق الخلق لا أري سواكم الآن ، والذي خلق الخلق أبكيكم اللآن بدمعي في وقت وجب علي الجميع الفرح لكن لا اعلم ما الذي حل بي سوي أن داهمتني دموع العاجز ، والذي خلق الخلق أنتم من تستحقون تلك الأرض ، لاأنا ، فأنا مجرد متفرج علي عملك الذي ستطرته دمائكم .

جواب من بلطجي للريث

2011-02-06T17:02:00.010+02:00

بث يا ريث أنا عايذ أقولك حاجة من ذمان ، ماشي ، أنا بحبك ياريث ومش عايذك تذعل من اللي بيحثل ، دي ذوبعة في كوباية وبكره هتعدي يا كبيرنا يا مدلعنا ، دول شوية عيال نيتيته يا ريث اللي عملوا المشكل ده ، بث تحرم عليا البت بثكوته مراتي لحد ما جيب لك حقك وإلا أيام العذ هتروح علينا ، آه بالحق الواد ثليمان إبني بيثلم عليك وكان بعتلك بوثه بث أنا شلتها عشان متتأرفش .

مش هتول عليك ، بالحق ياريث عشان تعرف إني بحبك وبدوب في دباديبك ، إمبارح لقيت عيل بيقول لما مبارك عرف إنها جمعة الرحيل قال : أخيرا ولاد الكلب هيمشوا ويثيبوا البلد ، بث واحد صاحبي وحبيبي الروح بالروح قالي إن ابن القديمة بيتريق أنا قمت متلع المتاوه وشقه علي تول ، حتي لقيت واحد معدي في الشارع بيبث عليا قمت معلم عليه وعمله دبور علي وشه بث مش دبور من اللي بيتير يا ريث ، عشان تعرف إن بحبك ، ومش عايذ أقولك عشان متقلش عليا هجاص إن كل يوم الثبح بوقف العيال وأمهم قدام صورتك ونغني ونقول : عليا النعمة بحبك عليا النعمه بدوب .

تعرف يا ريث في التلعة الأخيرة اللي احنا عملناها علي ثجن أبو ذعبل أنا اثتغربت هوا احنا بنفتح الثجون ليه بث لما قعدت شربت شاي من بتاع التموين – ملحوظه : أصل أنا راجل وتني – وشفت الرغاوي اللي عامله ذي التفافه علي وش الكباية وضربت حجر عشان أثتمخ وأعمل إثتباحه عرفت إن الإثتاذ جمال ربنا يتولنا في عمره ذيك يا ريث ، حنن قلبك علي الغلابة اللي ذينا وقلت إن مثتر جمي هيفتح لهم تاءة رذق معانا ، مش عايذ أتول عليك عشان تلاقيك يا قلب أمي مشغول دلوقت ، آه بالمناسبة يا ريث هو في الختاب الأخير وشك معاليك كان مثفر ليه ، ومتقلقش يا ريث غمه وهتنذاح وعلي إيدينا ، ممكن أهديك أغنية " ذهب الليل طلع الفجر " .

--------

بعيدا عن الموضوع / أنا حذفت آخر موضوعين بسبب إن فيه حد قال إن هأثر علي معنويات الناس اللي بتتظاهر بالسلب ، والبوست اللي قبله نتيجة أممممم يمكن خفت شوية لما لقيت الأمور هديت يومين ليتعمل فيا زي بتاع جوجل ويمكن إن لوهلة بدأت أتراجع بس الحمد لله عرفت الحق وربنا إن شاء الله مع أبطال التحرير والمنصورة واسكندرية ودنهور والاسماعلية والسويس واسيوط وكل الناس اللي خرجوا لإسقاط مبارك والنظام .

مظاهرة عيال

2011-01-27T01:45:00.002+02:00

قررنا ونحن عيال أن نقوم بأول مظاهرة ، مظاهرة عشان محمد الدرة وفلسطين ، كنت في الإعدادي وبما إني رجل ثوري منذ نعومة أظافري اللي مش بقصها إشتركت ولا أتذكر هل كنت أحد القيادات الحنجورية التي تصرخ بعلو صوتها من أجل إعلاء هدفها أم لا ، لذا إعتبروني كدر ، آآآآآآآآه كدر في المظاهرة ، في اليوم السابق للمظاهرة ضيعت نهاري وسهرت ليلي في صنع علم – إسرائيل – عشان أحرق أمه ، فلم أجد قماش ، فجبت فنلة من فنلاتي من ورا أمي وقصيتها بالمقص ، طب هرسم الشعار بتاع العلم ابن الكلب ده بإيه .

بس يا معلم لقيتها مفيش غير البوويه – دهان الحيطة – بس البووية الموجودة لونها مش أزرق دا لونها أخضر مدي علي زراق ، قلت سيبك هما العيال اللي هيكوني معايا هتفرق معاهم – دول بهايم – هما عايزين جنازة ويشبعوا فيها لطم ، أي علم يتولع وهتلاقي كله بيصرخ بعلو صوته – تسقط تسقط اسرائيل - ، رسمت العلم المخضر ومدي علي زراق ، وجبت حته خشبه من الشارع ولزقت العلم و الخشبة بمسمارين وقلت في نفسي وأنا أتراقص طرباً ، بكره يومك يا معلم .

المهم ، تاني يوم خرجنا من المدرسة مع فرحة المدرسين العارمة لأنهم مش هيشرحوا النهاردة ، وبعد بعض الهتافات من – تسقط تسقط اسرائيل – قولها اويه قلها يا دره فلسطين هتفضل حره ، فؤجئنا بخروج مظاهرة من مدرسة الثانوي العام ، وبمجرد ظهورهم تحولت من قائد يقود لتابع يقاد ، فقد سرق الكبار جهودي المضنية ، حتي لحظة إشعال العلم إختفي الكبريت من جيوبي ووجدته بعد أن أصبحت في ذيل المظاهرة وعند إشعاله لم يأبه من حولي يسرعوا حتي يلحقوا بطلاب الثانوي ، اللعنة عليهم لقد سروقوا احلامي الوردية ، وخصوصا أن التي تهتف طالبة بالثانوي يحملها طالبتين من طلاب الثانوي ، مع أمنيات كل طلاب الثانوي الصبيان أن يكونوا محل هاتين البنتين .

بعد أن سرنا ما يقرب من كيلو ، شعرت بالحاجة الماسة والملحة والضرورية لدخول الحمام ، وحمدت الله أنني كنت بالقرب من المنزل ، آه يا بطني طب هتسأذن بقي يا رجاله وهبقي أحصلكم أصل آآآه في حاجة ضرورية لازم أعملها آآآه وللأسف مينفعش تتأجل وودعتهم علي أمل لقاءهم بعد ولوجي لبيت الراحة ، نزلت مسرعاً وأخذت أسأل الناس – عمو مشفتش مظاهرة مرت من هنا – وتنوعت الرود بين يلا ياض اجري بعيد ولأ ومنهم من لم يرد وإكتفي بنظرة – إنتا عبيط يله – وعدت لبيتنا وأنا أجر أذناب ضياع مظاهرة ، ولكن تخلقت عندي فكرة ، بأنني أملك القدرة .

قولوا ورايا ( إعادة نشر )

2011-01-24T12:26:00.001+02:00

يا ظالم وقاسم ضهور العباد

وظانن بإنك رب البلاد

شكيتك لربي ليوم التناد

مبارك لملكك يا حتة جماد

***

يا قهري وقهر الشعب الشديد

ملكتوا الرقاب بقينا العبيد

كويتوا الضهور بحتة حديد

بعينكم هيفضل حر وعنيد

***

هتفضل لإمتي تكوي الضهور

وفاكر بإنك راجل جسور

لعلمك يا ظالم في يوم راح نثور

ثورة هتخرج موتي القبور

***

بتضحك طب اضحك يوم الممات

في عرضك هنشهد بكل اللي فات

وعزة جلاله هتخرج آهات

فضحتك جلاجل وحلمك سكات

***

سكات المظالم في لليل السجون

وكل اللي داقوا لجعهم منون

(تهون الحياة وكلٍ يهون)

وتبقي الكرامة يا حيزبون

***

هنِكِسَر حديدك

وهنفك قيدك

لا مُلكك يفيدك

و لازماً نعيدك

لأصلك يا ظالم .

أنا حرامي ،، الخاتمة ،،

2011-01-20T19:20:00.004+02:00

ثالث مرة برضوا كنت في تانية إبتدائي تقريبا برضوا ، إتصابحت علي عيل أكبر من بسنة بس صايع وقولت أهوا ينوبه في ثواب ويعلمني الصياعة ، وبعد فترة من أني أرشيه بلب إتكرم وإداني أول درس – سرقة بطيخ – مع إني مش محروم ولا نيلة بس رحت أسرق و هبقي صايع أخيراً، سرقنا بطختين ، بطيخة صغيرة و بطيخة الست صاحبت الفرشة كانت رشآها في الميزان بدل ما تحط – الكافة – وبعد تنفذنا للعملية قعدنا نجري ولا كأن كلاب الدنيا بتجري وارنا مع إن مفيش حد شافنا ، واللي زاد الموضوع قرف إن إزاي هنقسم الغنيمة وإحنا معناش سكينة ، فإقترح الخبرة اللي معايا إننا نفقشها ، ورفعها فوق وهوووب في الأسفلت قامت متفشفتشة وللأسف طلعت شبه قرعا والتانية طلعت معفنة ، بس كلناهم هوااا إحنا نتعب في سرقتهم ومنكلهمش ما هوا دي اللي ناقص .

رابع مرة وآخرهم علي كبر كانت العيد اللي فات ، أنا مش مدخن والحمد لله بس الحاج أبويا بيدخن ربنا يهدينا ويهديه، وبما إنه بيشتري تموينه من السجاير مرة واحدة كل أسبوع ، وبيعينها فوق الدولاب ، وزني شيطان هوايا إن أخد علبة عشان أوصل لأبويا رسالة ما بدون مواجهة لأني من النوع اللي مش بعرف أواجهه ، وبعد ما شربت 4 سجاير مليت قلت أرميها قلت خسارة دي ب عشرة جنيه ونص بحالهم ، قلت خلاص أنا أخلاصها وأجيب للأبويا واحدة تانية مكانها ، رد ضميري بس أنت مش عايز تشرب القرف ده ، قلت ممنهاش لازم اقوله وأمري لله ، قمت قايل له ، قالي لو عايز تشرب إشرب إنت دلوقتي مش صغير ومسئول عن أفعالك ، قلت : أصل أنا بعد ما خدتها قلت أجيلك وحدها بدلها عشان متعرفش ، لقيت عمك الحاج برأ لي وقالي : حرامي وكمان مدلس ، بصيت له باستغراب !!! قالي : آآآه حرامي عشان مديت إيدك علي حاجة مش بتاعتك ، ومدلس عشان بتحاول تخبي علي جريمتك بجريمة تانية ، هنا عرفت معني كلمتين كنت نسيت مدلولاتهم ، تشكر يا عم الحاج يا بويا ، برضوا الواحد بيحتاج تذكره من فترة للتانية بس خلاص .

معلش هسأل سؤال بمناسبة الظابط اللي رفض رشوة 15 مليون $ عشان يهرب آثار ، أي حوالي 86 مليون جنيه مصر ، إنتوااا لو كنتم مكانه وإتعرض عليك 86 مليون جنيه كنت هتعمل إيه ، وعايز إجابات واقعيه مش مثاليه الله يخليكوا ، صدقوني أنا لما فكرت في السؤال إترددت وخوفت علي نفسي مني وطبعا علي مصر .

أنا حرامي ،، الجزء الأول ،،

2011-01-19T21:51:00.007+02:00

وأنا قاعد أضرب بنافوخي عشان أكتب موضوع جديد ، قمت جاي ضارب بلنس في ذكرياتي المهببة ، وسألت نفسي سؤال هوا أنا سرقت كام مرة في حياتي ؟ وخدتي الذكريات ...

أول مرة كنت في أولي إبتدائي كان مصروفي ربع جنية بحاله ، كان بيجيب إزازة حاجة سقعة وفي قول آخر كازوزاااا ، متعرفوش إيه اللي خلاني أفكر أألب 2 جنيه من محفظة أبويا ، بس أختي قفشتني وفتشتني لقت معايا جنيه ، والجنية التاني مخدتش بلها منه صحيح كان ضميري بيأنبني لكن لما شبرأت نفسي ضميري خد إستراحة ، آه بمناسبة الربع جنية ستي عملت مشكلة مع أمي وقالتها لها بزعيق : إنتوا كدا هتفسدوا الواد .

ثاني مرة كانت في تانية إبتدائي " براية إقلام " بتاع زميلي في التختة ، كانت براية عادية كل اللي كان بيميزها ، إن فيها صورة بتتغير لشكل تاني لما تفضل تحركها ، محستش بنفسي وأنا بخدها وبحطها في جيبي ، وأنا ماشي في الشارع أول ما حسيب بأمان إن زمايلي مش شيفني طلعتها قعدت أحرك فيها بس خفت إن أمي بتقفشني بيها فدفنتها ومن غبائي معلمتش الحفرة – بعيد عنكوا حرامي خيبان – روحت حليت الواجب ولما خرجت ألعب بيها ملقتهاش ، ودي حاجة من اتنين يا واحد شافني بخبيها يا واحد شافني بخبيها ، وصدقوني لما بشوف صاحبها غالبا بفتكرها وبحس بالذنب وناوي أستسمحه فيها ويارب يسامحني .

أكملكوااااااااااااااااااااااااااا بكر ااااااااااااااااااااااااااا الباقي ، تصبحو ااااااااااااااااااااااااااا علي خير ،،،

لشعوبنا المبجلة

2011-01-14T22:08:00.004+02:00

تبارك مبارك نبارك يا بابا

دا قلبك حجارة عديم الطيابة

وكلك تجبر يا مأوي الديابا

دا أصل الحكاية غباوتك يا أونكل

تفرق كلابك في قلب الوزارة

وترسم علينا بعليهم نظارة

أبوس الأيادي كفاية تنظر

دا كله هرشها

يا راجل يا منصر

فلوسنا في كباري عليها تبعتر

وفاكر بإنك

خفه وسكر

وبعتم عيالنا

وهما باعونا

في سوق النخاسة

عبيدنا اشترونا

وفاكر بإنا

هنسكت وننسي

وتعصر علينا

حتة لمونة

وظانن بإنك

هتنفد بجلدك

يا دمك يا أهلك !

وفعلك دا كله

في أصله رعونة

وأصلك جبلة

وقيمتك دي أصلا

كتيرها بقله

وقله كتيره

يا راجل يا إِلْهْ

وقلبك ما ينضف

بعد طهوره

بمليون صبونة

خلاصة الحكاية

حكاية الخلاص

بثورة ولابد

ما فيها مناص

وشعبي المبجل

حتما في يوم

صوته يجلجل

ولازم وقوفه

قبال الرصاص

نبارك نبارك نبارك لتونس

* --- * --- * --- * --- * --- * --- *

* --- * --- * --- *

* --- *

ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

أيها المواطنون ( بيان رئاسي )

2011-01-09T22:00:00.011+02:00

بعد السلام والتحية أما بعد ؛

من رئيس الجمهورية ، غدا في الساعة تسعمية ، أي التاسعة صباحا ، سأكون ممدد زي الفسيخة في العلميات ، هعمل عملية علي الماشي كدا وعلي رأي واحد مستفز معرفة أبويا قال " دي عملية ظريفة جدا " أنا مش عارف من إمتي العمليات بقت ظريفة بس أهوااا كله علي الله ، المهم ، طبعا أنا مش هقولكوا أنا قلقان ، لأني أصلا مرعوب لأن دي أو مرة المشرط هيعلم عليا ويبشلكني والبشكلة جاية من الشبرأة ومش هعملكوا فيها صايع وأقولكم أنا خبرة وبعمل عملية كل يوم الصبحية وعملية تانية آخرة النهار ، كل اللي مخوفني إن الدكتور يطلع من المعارضة المندسة اللي بتسود الدنيا مع إنا الجو زي الفل هما بس اللي بيعملوا تلبدات في الهوا ويقولوا للشعب قال إيه هيا دي السحابة السودا ، وبدل ما يعمل العملية يركب دماغة ويفكرني أضحية ويقول " بسم الله – الله أكبر " ، وخوفي يا بدران إنه يكون مؤمن إن دمائي الرئاسية لابد من تسيحها حبا وسلامة ومصطفي وابراهيم ، مش هطول عليكوا ، مش عايز خنقات بين المدونين في غيابي ، وعلي الله علي الله أسمع إني حد زعل حد ، عشان متغباش ع الظالم ، ماشي بقي ، ومفيش سلاموااااااااا عليكم ، يلا تعودوا بالعافية .

أم العبط

2011-01-08T11:01:00.008+02:00

كالعادة تبدأ الحكاية أثناء جلوسي مع رجلين أحدهما يكبرني ضعفاً في العمر والآخر يكبرني ضعفين في العمر فبدأ كل منا يحكي موقف أحرجت نفسه في حينه ثم أدرك أن شر البلية ما يضحك فضحك بعد أن أصبح في طيات الذكريات والتاريخ .

( بديت أنا الحكاية ، بإني كنت كل ما أقول لحد – السلامووو عليكو – ميردش السلام ودا كان بيغيظني لأني بعتبر المنادي عليه مش مديني إهتمام ، فواحد صاحبي نبهني إن صوتي بيبقي واطي ( ضعيف ) فشكرته لحل المشكلة ، فشفت ناس من بعيد فقلت في بالي بس يا معلم دلوقتي وقت التجربة تشوف الناس مش بتبقي سمعاك ولا بتنفضك ومش معبرينك من أساسه ، وصادف إن الجلالة كانت وخداني وقاعد أقول ( سبحان الله ، والحمد لله ، والله أكبر ) في سري ، وأول ما مريت من جنبهم ، جيت أقول بصوت عالي ( السلاموو عليكووو ) صرخت وقلت ( الله أكبر ) الناس قعدت تبرأ لي ويبصولي بصات رؤيتهم للعبط ، أنا خدت نفسي وطيران علي البيت . )

( فرد أوسطنا سناً ، أنا بقي خارج من الشغل وقاعد أضرب أخماس في أسداس ، وأحسب مين اللي عليه فلوس ليا ومين اللي معلهوش ، وهشتري إمتي البضاعة ، مر عليا واحد معرفة وقال السلامووو عليكوووو ، فرددت عليه وقلت له ( صلي الله عليه وسلم ) الراجل برأ لي وخد ديله في سنانه وجري ، خاف مني وظن فيا جنون . )

( فتباسط أكبرنا سناً ، وقال أنا حكايتي حكاية ، كنت في الحرم أنا ومراتي بنعمل عمره وأثناء قيامنا بالنسك مراتي إختفت ، لقيتها سبقاني بشوية ، قعدت أنادي وأقول " يا نبيلة " متردش " يا نبيلة " متدرش ، متعرفوش إيه اللي أخلاني أفكر إني أهزر معاه بالإيد ، قمت مسرع وضاربها علي قفاها وقلت " مبترديش عليا ليه يا نبيلة ، أتاري نبيلة مطلعتش نبيلة ، طلعت واحدة تانية غير نبيلة ، قدها في الجسم ولابسه زيها بالظبط ، قعدت أتأسف وإتمنيت إن الأرض تتشق وتبلعني ولكن بعد إيه ما خلاص اللي حصل حصل والست خدت علي قفاها . )

* * * * * * * * * * * * * * *

في إحلك الأوقات ، كل منا يشق طريقه للخروج من أزمته بطريقته ، حاولت أن أقلد الآخرين في طرقهم لكنني فشلت بكل المقاييس ، بدأً من جلوس أعلي كوبري أراقب النيل متأملاً ، فإكتشفت في عيون الآخرين نظرات شك في كوني ( واحد صايع من اللي بيقفوا علي الكباري عشان يعاكس البنات ) ، ثم جلوسي أمام الترعة – أحدف – الماء بالطوب أو بالزلط أو أي شيء تقع يداه عليه لكي أحدث موجات متداخلة فشعرت بكوني ( عبيط ) ، حاولت ملاطفة أطفال لا أعرفهم ( لأن العيال اللي في عليتنا غلسة وتبته بعيد عنكوووووو ) فشكيت في نفسي أنني أصنع ذلك ليس من أجل الطفل وإنما من أجل حاملة الطفل فخفت علي نفسي الفتنة وربما خفت من كلام الناس .

هنا أيقنت أنه حان الوقت لكي أشق طريقي في إكتشاف طريقه لي في الخروج من الأزمات ، إكتشفتها بالإبتسامة لا يهمني أن يكون المبتسم طفل أو شيخ أو تكون صبية أو صبي ، المهم أن أغدق الإبتسامة علي ثغورهم ، أحيانا أسبي الهدف وتكون الوجوه ضاحكة مستبشره ، وأحيانا لا أكون إلا ( ثقيل الظل – غلس – يا دم – يا عم كفاية دا إنتا خنقت أمي ) وتكون وجوههم عبوساً قمطريرا ، و يلا بقي إفرنقعوا عني .

حسبي الله ونعم الوكيل

2011-01-01T15:56:00.007+02:00

. . . . . . . . . . .

تعازيَّ لأسر الضحايا مسيحين و مسلمين ، وعايز أقول الإرهاب ملوش دين .

وبعتذر عن الكتابة والتعليق لمدة أسبوع من دلوقتي .

. . . . .

إنها الحرب ( تكملة الخناقة )

2010-12-31T11:50:00.004+02:00

لا أعلم لِمَ خرجت أبحث عن – الصف السادس – في ذلك اليوم ، كل مرة أكون في انتظارهم ويأتوا وحدهم بعد أن يفرغوا من حصتهم السابقة ، أثناء بحثي عنهم اكتشفت وجودهم عند المدرس إياه ، وعندما قلت له الفصل قالي " ربع ساعة بس عشان عندي موجهة " ، انتظرت 15 دقيقة بالضبط ، عدت له مرة أخري .

قلت له ( الحصة ) ، قال بصوت حاد ( بقولك عندي موجهة ) ، فرديت عليه بنفس الحدة ( طب و أنا مالي بالموجهة اللي عندك ) ، قال ( بص إنت شكلك مبتتفهمشي ، روح لشيخ المعهد قوله ) ، عليت صوتي أكتر وقلت له ( ليه شيفني عيل قدامك ولا ايه !!! ) ، وتركت ( الحصة ) ، جاء لي الطلاب في آخر خمس دقائق من الحصة ، أمرتهم أن يعودوا من حيث أتوا .

جاءني مدرس وقال (فيه إيه يا أستاذ أحمد براحة بس ، الأستاذ كان عنده موجهة ولما يكون في حد موجود بنسيب الحصص للمدرس لأن الموجهين بيبقوا عايزين يمشوا ، قلت له ( يا أستاذ قوله في مدرس كلب قاعد في الفصل يجي يستأذن منه قبل الحصة وأنا مش عامل المشكلة عشان الموجهة أنا عاملها لأني حصتي بالنسبه له ملهاش لازمة ) ، رد المصلح ( طب بص الحصة اللي ورا الفسحة فاضية بقي خد الفصل وتبقي حصة بحصة ) قلت له ( لأ ، الأسبوع الجاي هاخد الحصتين ) وهكذا ذهبي بي شيطان الغضب – أن آخذ حصته في الأسبوع القادم – بدون استئذانه حتى أذيقه من نفس الكأس .

أخبرت عمي موجه الخدمة الاجتماعية بالواقعة قالي ( أهم حاجة إنك تقول للمدير انك هتاخد الحصة بدل اللي اتخدت عشان تأمن نفسك ، لأنه هو الشخص المسئول عن إدارة المعهد ) ، لم أسمع كلام العم خشية أن يقال ( أهواا جري يعيط للمدير ) ، أخبرت الطلاب أنني سآخذهم حصتين .

في بداية الحصة الثانية ، دق الباب وانفتح وكان المدير ، سألني بلهجة العارف ( الحصة دي بتعتك ) قلت له ( دي حصة خدتها بدل الحصة اللي موجهة الحساب خدتها الأسبوع اللي فات ) ، قالي ( بس دي مش حصتك ) ، قلت له ( هيا الحصة حليت للأستاذ لما لقاني شغال – طب ما هوا كل أسبوع بيمشي قبل ما يخلص جدوله ، هوا واخدها عند يعني ) قال ( طب دلوقتي دي حصته ولما جالي عبد الحميد وقالي إنك خدت حصته بدون ما تسأذن ، سألته إذا كان دا عِندْ رد وقالي لا والله دا العيال متأخرين في منهجهم ، قولي أعمل إيه يا أستاذ أحمد ) سكت ، فأمر الطلبة بالخروج والذهاب لحصة المدرس إياه .

شعرت بأني كرامتي سحقت وروحي انتزعت ، وأخذ قلبي يضطرب ويفيض غلاً وحقداً علي المدير والأستاذ ، لأني لم استطيع أن أنفذ ما قطعته أمام الطلبة وأشد الأمور إحراج ( أن تعد ولا تستطيع أن تفي بوعدك خصوصا أمام أطفال لن تستوعب أنك مسير لا مخير ، وكل ما سيعلق بأذهانهم أن مدرسهم لا يستطيع الحفاظ علي كلمته )

أخبرت عمي بما حدث ، سألني ( إنتا رحت للمدير زي ما قلت لك ) قلت ( لأ ) ، قال لي ( دي غلطتك ، ومتتوقعشي إن هوا هينصرك علي أستاذ قعد معاه سنين وهيقعد معاه بقيت عمره ، علي واحد بالنسبة لهم ضيف ، ممكن يتقال له مع السلامة السنة اللي جاية ) وهكذا هزمت في أول معركة ، لكنني لم أخسره الحرب بعد ، وقد أعلنوا حربا سيعلمون فيها أي منقلب ينقلبون ( مع اني مش عارف هعمل إيه لحد دلوقت ) .

أدرك أن كثيرون سيساءلون " أومال فين الخناقة والدم " ، جوابي " تلك حدودي في الخناق، ولا استطيع أن أعبر لما بعدها ، مع أن الوالد أكرمه الله نصحني زمان وقال " كله كوم وكرامتك كوم ، دونها والموت "

فَسَكَتُّ ( أول خناقة )

2010-12-30T07:53:00.006+02:00

أخيرا – أول خناقة – ليا في المعهد ، لست من أولئك المتعطشين للخناق ، ولكن " للصبر حدود " ، أحد المدرسين في المعهد الثاني – أيوا المعهد اللي مش بحبه – كان يعدل علي كل فعل من أفعالي بفعل آخر من صنيعه ( المهم إن فيه حاجة غلط عندي ) ، إن ولج إلي حجرة الحاسب ولم يجدني أقوم بأي فعل يبدي فيه نصحه ورشده فيخترع لي أفكار معدلة جاهزة من أم رأسه ، يطلب مني أن أفتح النوافذ لأني - هتخنق وممكن الطلبة يتخنقوا – ( مع إن مفيش إلا العبدلله هو اللي في الفصل لوحده ) ، فأسكت.

وفي اليوم التالي أخذ يطلعني أن أفضل تقسيم للسبورة هو أن تقسمها لثلاثة أقسام وأخذ يرفع حاجب وينزل الآخر حتى يشعرني أن ما يقوله ناجم عن خبرات سنين وتجارب معلميه نفسية فسيولوجية سيكولوجية سابقة ، فأسكت .

ثم أخذ يصحح لي أن منضدة الحاسوب ليست في الوضع الصحيح والمفروض أن أضعها بالشكل المناسب الذي يراه ، فأسكت ، بدأ يستظرف نفسه عليا أمام المدرسين معتقداً إن ( دمه شربات ) ومتخذا من فارق السن حائط صد مؤمناً أنه مهما صنع سأسكت .

مرت الأيام وهو يدخل الحاسب دون أن يطرق باب الغرفة ، ثم وصل الأمر إلي أن طالبني بألا أغلق باب – معملي – علي نفسي ، وعلي ما يبدو أنه يؤمن الخلوة مع النفس من المفاسد والكبائر والذنوب التي تهم بالنفس للمخاطر والمهالك ، وتوقع بها في أشر المسالك . فأسكت .

وفي مجمل حديثي معه ، قلت " أنا تعبت مع الطلبة ، ولو عيل محلش هسقطه أنا إتفقت معاهم علي كدا " ، قال " يبقي إحنا نتعب في موادنا ، وإنت عايز تسقط وتتعبنا معاك وتقعده لنا سنة " فلم أرد عليه ، وعندما جئت أحكي لمدرس آخر أنني لن أتنازل في حقي مادمت شرحت بضمير فمن حقي أن أصحح الامتحان بنفس الضمير و كل طالب ياخد حقه ولن أساوي بين الذين يعملون والذين لا يعملون " متعرفوش المدرس إياه خرج منين وقالي بصوت بين المتوسط والعالي ( مع إحترامي لك ، مادتك ملهاش لازمة ) .

أردت أن أصرخ في وجهه وأقول " مع إحترامي ليك إنتا إن كنت فاكر إن مادتك – الجسم – فأنا يا أستاذنا الروح ، وأنا مش بدي الطلبة كمبيوتر بس ، أنا بعرفهم ازاي يحلموا " ولكني كالعادة سَكَتْ وعزمت علي عدم السكوت له مرة أخري – وميهمنيش إنه راجل أكبر مني بعشرين سنة .

فأخذت أتربص لكي أفتعل معه أي مشكلة حتى تنقطع الأواصر معه ، وضربت بكلام أبي عرض الحائط بعد أن طلب مني ألا أهدر طاقتي علي أمثال هؤلاء ، و عليَّ الانتباه لمهمتي الإصلاحية تلك المهمة التي تحتاج لجهد مضني ، وجاءت الريح بما إشتهت نفسي .. وللخناقة بقية .

تناقض في المبادئ

2010-12-26T00:04:00.003+02:00

كل المدرسين كانوا يعتقدوا بأني " عبقرنو الكمبيوتر " ولو علموا الحق لأدركوا أنني " الأهتم في عنابه " ولا تسألني عن معناها لأنني كتبتها بدون إدراك معناها وإن كنت أدركت مرادها ، أحد المعهدين كان أكثر راحة من الآخر ، لأن كل ما يطلبه مولانا – شيخ المعهد الأول - هو " الاهتمام بالعمل " ، لا يهم الحضور في الطابور ، المهم أن تنجز عملك علي أتم وجهه ، كنت في البداية خجل من ذهابي متأخراً ولكن مع مرور الوقت ، أصبحت ( جبله وتبت و رزل و غلس و خنيق ) و أذهب قبل حصتي مباشرة .

المعهد الثاني أصر مولانا ، علي حضوري في الثامنة ، حاولت إخباره أن حصصي ستبدأ في الثانية عشر أو الواحدة وأنني المدرس الوحيد الذي أظل قابع في المعهد لآخر حصة وأن باقي المدرسين يغادروا المدرسة قبل انتهاء اليوم الدراسي ، فزاد إصراره إصراراً لأنه ظن والله أعلم أنني " أعرفه أنه يغادر المعهد هو الآخر في الحادية عشر أو الثانية عشر " ، ولم أجد مفراً إلا أن أنصاع للأمر و إن كان " العرف " أن تحضر علي موعد حصصك في أغلب المعاهد الأزهرية ، كان الحضور مبكراً لانتظار حصتي يقتلني ببطيء ، أن تنتظر الطلاب 4 ساعات لهو أمراً مملاً للغاية ، في أول شهرين صنعت ما أراد مديري .

ثم جاءت انتخابات المجلس " الوطني " وترشح ابن عم أبي لحزب معارض ، رفض أبي فكرة ترشح إبن عمه ، لكنه أصر أن تقف كل العائلة بجواره ، هكذا تفعل العائلة أن تهتم ببعضها البعض ، أخبرت أبي في أحد أوقات تبسمه أن ما يصنعه ما هو إلا عصبية قبلية ، ولولا أنني قلت ما قلت وأنا متأكد أنه سيتقبلها من باب " هزار " الشبل مع أبوه لكان تحول الموقف إلي مشكلة دولية ، و اعتبر الوالد ما أقوله هو إرهاب ، وربما تحاشني بضعة أيام ثم تصالحنا .. بعتاب .

تمنيت أن يخسر قريبي الانتخابات لأنه لن يكون إلا ديكوراً للمعارضة ومعطر جو للمجلس ، وجاءت الريح بما لا تشتهي المراكب ، ووقعت أمنياتي السمكية في شباك النظام العتية ، فانسحب الإخوان والوفد بعد أن صكهم النظام – علي قفاهم – وزدت أنا عن النظام أن شيعتهم بلعناتي لأن دخلوهم أفسد فكرة فضح نظام غير شرعي ، أنا لا أكره الإخوان بل أقدرهم ولكن اشتراكهم في المسلسل اعتبرته خيانة للعزيزة ، وفاز " القريب " بعد أن تأكد انسحاب المعارضة ، و انسحاب مرشح الوطني أيضا !!! لأن النظام أراد ديكوراً جديداً للمجلس .

بعد فوز القريب ، وجدت المدرسين في المعهد الأول يهنئوني ، فسألتهم لما ؟!! ، رد بعضهم " عشان كسبتم الانتخابات " ، رديت " إن أحسن فلنفسه وللبلد ، وإن أساء فعليها ، ويبقي راجل ملوش لازمة " ، وعندما ذهبت للمعهد الثاني " تأخرت عمداً " وجدت " مولانا " يرحب بي ويبارك لي ، هنا أدركت أنه حان الوقت لكي " أركب وأدلدل رجليا كمان " ، قلت له ( بعنطظة ومناخيري في السما ) " الله يبارك فيك " وتخيلت نفسي وأنا أضع يدي علي كتفه وأقول لمولانا " لو إنت عايز حاجة يا بني قول ما تتكسف ، أنا زي عمك برضوا " ، ومن هنا أيقنت أن تأخري لن يقابل " بالتشطيب عليا حضوراً وإنصرافا " ( استغلالي بقي آآآآآآآآه ، حد عنده مانع ) .

سيبه أحسنلك

2010-12-21T18:20:00.000+02:00

بما إني موظف حكومي ، فقد أصبح النفاق الاجتماعي أحد المواهب التي أتملكها أيوااااااا أومال ، بص يا سيدي أنا مليش في مجاملة حد ونفسي شايله منه ، ربما ابتسم آه لكن أجامله دا علي جثة أي حد مش بيحبني ، وبما إنكم عارفين إني موهوب بالفطرة لما كنت تلميذ ، فزي ما تقولوا كان عندي موهبة أشبه بـ - ميسي – أكيد أومال ، بس لحد دلوقتي نفسي أكتشف بقي ليه مكنش حد بيرضي ياخدني معاه في فرقته ، خلاص خلاص هقول الصراحة مش هفشر ، الصراحة مكنتش بعرف ألعب كورة ، كنت في الضياع ، ميح ، أبيض يا ورد ، حاجة كدا تقولوا عقدة كروية ، المشكلة إن كل الفرق مكنتش بتختارني لأن اللي بيختارني معرفش ليه – الله أعلم – الله أعلم – بيعتقد وبيظن ويخمن أنني ألعب مع خصمه .

وقد كان مما سبب حال نفسية سيئة أيضا بجانب ( لعب الكرة ) أننا كنا نلعب ألعاب تعتمد فيها علي الجري ومحاولة مسك الخصوم ، ومن يمسك أولاً كان مثالاً للبلادة في الجري ومصدراً لسخرية باقي اللاعبين، كان أي حد يجي يجري يلعب يدور علي – أتخن واحد – ويجري وراه لحد ما يمسكه ، وبعد ما يمسكه ، يبصوا عليا ويصرخوا ( إمسك بسام – إمسك بسام ، مبيعرفشي يجري ) ، مع إني كنت رفيع أياميها والله - عيال معندهاش دم - .

وهذا ما أهلني وجعل فوق كاهلي حمل جسيم ، وهو أن أكون القائد الملهم لفريق " المنبوذين " ، وكان ما يميز هذا الفريق ( أننا نزل الملعب عشان نخسر ونخرج تاني نستني دورنا من جديد عشان نخسر من جديد ونخرج تاني ، أوماااال مش الغالب مستمر ) وكانت تلك هي المهمة الوحيدة المخول والمسموح لنا بتنفيذها ( الخسارة ) ، نادرا ما كنا نفوز وكان ذلك دلاله " بحمورية اللي بيلعبونا " لأننا كنا الأجدر في المركز الأسوء .

ولكي أداري علي فضيحة ( الجري ) فضلت أن أكون في مركز حارس المرمي ، وقد نجحت في صد كرات جمة ، وأرجعها أحد الأصدقاء إلي ( هرولتي علي الكرة ، أشبه بطور يجري علي الكرة ، مما يخيف المقترب للمرمي ويربكة لأن حياته علي المحك ، فتضيع الفرص أمام الطور – أقصد المرمي ) .

المهم تمر الأيام والسنون ، ويبدأ بعض المدرسين في التهرب من أن ألعب معهم بعد أن أصبحت مدرساً، لأن مهارتي علي ما يبدو صدأه قليلاً ، فطلبت من مدرس ماهر في الكرة أن يدربني علي حراسة المرمي ، بعد قليل نزل آخر وبدأ الاثنان بركل الكرة بعضها معتدل والآخر قذائف صاروخية محرمة علي اللي زي حلاتي ، جئت أن أحمدُ الله وأشكره أن الناظر لا يلعب منا ، حتي وجدته أمامي ببدلته الزيتي ذات الطراز القديم ، وعلي ما يبدو أنه سبقني بحمد الله وشكره .

فضلت واقف متحير أكلم نفسي ، " الراجل ده أصد له ولا أسيبه يدخل إجوان ، ما أهو أنا لو سبته يدخل مش هتعلم ، ولو صديت ممكن يستقصدني ويغلس عليا في الحضور والإنصراف ، أخذ ضمير وهواي في الخناق بين تركه يسجل ، والإستماتة علي الصد ، فقررت الإستماتة ، وبعد بضع كرات مصدودة ، وجدت أن حاجب " مولانا " تجعد ، فقرر ضميري التنازل ، وأحرز هدفا ، فإبتسم " الشيخ " للهدف ، وابتسم المدرسون له ، وابتسمت وتنفست الصعداء .

3 × 1

2010-12-17T18:44:00.005+02:00

3 × 1 وبدون رغوة ، من الله علي ب 3 واجبات ولابد من حلهم مكرمة لأصحابهم .

أول وثالث واجب من مدونة " الفكر الحر " لـ خالد أبجيك

ثاني واجب من مدونة " اللي فرط يكرط !! " لـ لاتي LATI

نحل من القديم للجديد ونبتدي بالصلاة علي النبي الزين ، عربي أصيل ما في منه إثنين ، جلنا بأمر الإله ، فمن إتبع خطاه فلح ومن زاغ عنها تاه والسؤال الأول إتحل وجاوبناه ، وكان عن اللي أرسل الواجب إياه .

الواجب الأول من الأخ " خالد أبجيك "

----------------------------------------

- ما هي المواقع المفضلة لديك وتزورها بإستمرار ؟

- موقع جوجل للبحث " كتر خيره لولا وجوده كان الواحد يا قلب أمه اتبهدل "

- الفيس " ومنصحش بيه " لأنه في إحدي الدراسات بمصر أثبت أن الفيس ( أحد أسباب إنخفاض نتيجة الطلاب في مصر ) وإنت حر بقي – اللهم بلغت - .

- مواقع كتب من منتديات ومواقع مختصة بالكتب " طبعا أنا مش بنزلها لنفسي دا أنا بنزلها للمعارف من محبي الإطلاع ، أهو أكسب ثواب بسرقة المعرفة وإعطائها للغير " .

- مواقع إخبارية زي " بي بي سي ، اليوم السابع ، دوتشيه فيله "

- المدونات " اللي عملها الغلابة اللي زي أهوا أقرا حكمة أو أسمع نكته أو أشوف بلاوي الناس عشان تهون عليا بلوتي أو أعرف كيف أتصرف مع الدهر في زمن الضرب علي البطن للي ملوش ضهر "

الأول خلص ونخش علي التاني :

الواجب التاني من الأخت " لاتي "

---------------------------------------

- هل أنت فضولي ؟

بسم الله الرحمن الرحيم ، أنا من النوع اللي هبقي هموت وعايز أعرف إيه اللي حصل . بس بحاول أجمح مكابح نفسي الأمارة بالسوء ، الموضوع مش سهل ، وغالب بيكون تعادل بين الضمير والنفس الأمارة .

- ما هي الأسئلة التي تستفزك ؟

حد يقولي الساعة كام ، لأني لسه هضطر أطلع المحمول بقي وأدقق بنظري وأقوله كمان ، كان زمان الواحد عملوا يجي مليون جنيه ، ولما هوا أصلا عايز يعرف الوقت ما يشتري ساعة ومتقلش غالية في ساعات ب 2 جنية موجودة ، بس مع كدا بحب أسأل الناس الساعة كام، هو أنا لسه هلطع الموبيل أشوف ما أخلي واحد تاني هو اللي يشوفها لي .

برضوا فيه سؤال بينرفزني ، لما أبويا يقولي " أكلت المعيز " ببقي متنرفز لأني غالبا بكون قاعد علي الكمبيوتر ، ومش بحب حد يقومني من عليه .

سؤال كمان بيعكنن علي مزاجي لما حد يسأل علي شغلتي وأقوله " مدرس حاسب " يسأل ويقول " وده بينضاف للمجموع " عشان يحدد " مادة الحاسب ليها لازمة ولا ملهاش " وبالتالي يبص ليك بشماتة " لما يعرف إن مادتك مش بتنضاف للمجموع " ويبتسم إبتسامة خبيثة لإشعارك إنك إنت كمان ملكش لازمة "

الثاني خلص ونخش علي التالت ودا الأخير والله أستحملوني ، ودا آخرة اللي يأخر واجب ، ومن هنا أنصح وأطالب وأرجو وأبوس إيد الطلبة والطالبات وأقولهم " لا تؤجل عمل اليوم للغد ، لأنك لو أجلته هيطلع عينك في اليوم اللي بعده ، و اللي علي راسه بطحة بقي يحسس عليها " .

الواجب التالت من الأخ " خالد أبجيك" برضوا

-----------------------------------------------------

1- لخص حياتك الدراسية في جملة :

خلصت دراسة وهيصه هيصه ، هنا العريس هيصه ، بس عايز أقول حاجة " من جد وجد " وعشان كدا أنا ملقتش أي حاجة بعد إنتهاء الدراسة .

2- لخص حياتك اليومية في جملة :

أصحو – أروح الشغل – أنام – لكي أصحو مرة تانية فأرحو الشغل تاني فأنام " دنياااااااا ، وما دايم غير وجه الله " .

3- لخص حياتك العاطفية في جملة :

كل ما واحدة تعجبني و أحطها في خانة زوجة المستقبل تتجوز لدرجة إني معنتش بفكر في حد خوفا إنه يتجوز ، دا أنا نبني ثواب في نص بنات البلد .

4- لخص مجمل ما عشت في جملة :

أحاول أن أجعل من حياة الآخرين أفضل ، وأنا جوايا أوضة مكركبة .

5- أرسل الواجب لأربعة من أصدقائك المدونين :

لا يعم لحد كدا إحنا إخوات ، وبحل ، أما السؤال الأخير هسيبه فاضي ومش مهم درجته تروح عليا ، ومش هقول اللي عايز يحله يحله ، لأن مفيش حد هيحله إلا لما ابعته بنفسي .. يلا مع السلامو عليكوا .

المدرس النازي

2010-12-11T19:07:00.000+02:00

علمني أبي أن الحيوان هو من يضرب إذا سبب فوضي لأصحابه ، لكنني بشر علي أن أحترم الآخر أيا كان طفلاً أو رجلا ، لم أكن أعتقد أنني سأكون ذلك المدرس الغليظ القلب الذي يضرب تلميذا ، كم كنت أكره المدرس الذي يضربني ، كان الخوف يتملكني أثناء الضرب ثم يتلوه كرها تجاه ذلك المدرس .

حاولت إفهام التلاميذ بأني أكره الضرب ، أما المخطئين حاولت عقابهم بطرق تضحكهم ، أطلب من الطالب أن يفتح كفه ، وأضع فيها " ماسحة السبورة " ، ظنوا مني أني ألهو معهم فكان علي أن أغير طريقتي ، أخبرني مدرس أن طريقتي لن تنفع وأني سأبدأ ضرب " العيال " عاجلا أو أجلاً ، قلت له إني أؤمن أن في تلك " العيال " خير لكننا تقاعسنا عن اكتشافه ، ولا أعتقد أني سأصبح مثلما تقول ، فقال " بينا الأيام " .

بدأت مع الطلاب بتعليمهم الديمقراطية في الحوار وذلك بالتنظيم وألا يجب أن نتحدث في وقت واحد ، فمن يريد أن يسأل فليرفع كفه إلي أعلي ، ومن يريد أن يضيف معلومة لزملائه فليرفع سبابته إلي أعلي ، ومن كان يريد أن يعترض علي كلامي أو يصحح خطأ وقعت به فليرفع يده إلي أعلي وهي مقبوضة .

بعد ما يقرب من شهر اكتشفت أني كنت مخطأ ، بعض الأولاد حاولوا اختباري فأصدر أحدهم مواء قطة أثناء انشغالي بالكتابة علي " السبورة " مما اضطرني إلي أخذ موقف صارم مع ذلك الطفل ، فبحثت عن عصي ولم أجد إلي " خرطوم أحمر " فضربته خمس عصيان حتى يكون عبرة للمعتبرين ، ويا ليتهم اعتبروا فلم تنتهي الحصة إلا بعد إصدار صوت آخر ، فعلمت أنه لم يعد هناك حلا إلا أن يبكي أحدهم ، فطلبت من طالب إحضار عصي " الأستاذ نبوي " وهي عصي بلاستيك مصمتة وهي عصي " العربجية " التي يكيلوا الحمير ضربا بها ، فضربته ثلاث وفي الرابعة بكي فتركته ، أما البنات فكان علي أن آخذهم بمثل مأخذ الأولاد بعد أن ظنوا سكوتي عنهم ضعفا ، ورغم ذلك كنت أكره أن أضرب لأني أغضب ولا أستطيع إكمال الحصة كما أحب .

أخذت أخبرهم ما علمنيه أبي ، واكتشفت بمرور الوقت أنني أصبحت غليظ القلب مع الطلبة ، وتحولت إلي المدرس التي كنت أبغضه في الابتدائي ، فغيرت من عقابي " الضرب علي الكف " إلي عقاب نفسي ( فهددت البنات الآكلات للبانات والمتكلمات في الحصة أنهم سيضعوا أرجلهم في سلة المهملات ، أما الأولاد "فشخبطت" علي خدودهم بطباشيرية حمرا مما أثار ضحك باقي الطلاب ، وكان العقاب المشترك بين البنين والبنات رش ماء علي يخل بقوانين الفصل التي وضعتها بعد الإتفاق معهم وأخذ موافقتهم .

أدركت أنني تحولت إلي نازي " صغنطوط " وكان علي الرجوع لرؤية الغد في هؤلاء الأطفال ، وإن كانت تواجهني صعوبات من – سيطرة أخلاق الشارع – علي الطفل ، وعدد اهتمام الأهل، وأخلاقيات بعض المدرسين ، بعد أن ولجت في مرحلة ثبات وخمول ، أظهر الله لي مدرس يريد أن يفيد الطلاب مثلي فجدد همتي .. وبدأنا معاً نغير .

شيخنا الموقر

2010-12-07T01:12:00.007+02:00

ذهبت للمعهد الثاني وكلي توجس وريبة ، كيف سأتعامل مع ذلك " شيخ المعهد الثاني " ، هل سأتصنع شخصية آخري غير ما أنا عليه ، وحتى وإن كافحت في تمثيل ذلك الدور ، فلست من أولئك الأشخاص الذي يبطنوا غير ما يظهروا ، وهذا ما يجعلني فظاً غليظ القلب في أوقات ، لا أستطيع أن أدعي حب ما أكره أو كره ما أحب ، وإن ادعيت ذلك تظهر عليا تعبيرات خارجية بما أكنه في دواخلي ومكنونات صدري في صورة لفظ أو إشارة من إشارات الجسد .

أعطيت " شيخ المعهد الثاني " نسخة من العقد وجواب مرفق وأخبرته أنني مدرس الحاسب الآلي ، عاملني الرجل باحترام ، ونادي علي عمال المعهد لكي يخلو غرفة للحاسب الآلي وأمرهم أن يقوموا بمسحها وتنظيفها ، أحضر لي – طرابيزة – المدرسات وأجلسهم علي – طرابيزة البينج بونج – تمتمت في نفسي " "هيا نقصه ، دلوقتي بقيت عدو المدرسات اللي أخدت منهم الطرابيزة النضيفة اللي بتوحد ربنا في المعهد " ثم أرفدت تمتمتي بأخري " وحتى الراجل أهوا ميت فل و 14 ، ومهتم براحتي بذاته أومال ايه بقي ايه فكرة اتكبر تتعبر ، ولو بقيت محترم تآكل علي آفاك " ، بعد ما يقرب من أسبوعين كنت تعرفت علي أستاذ تحفيظ قرآن من بلدتي وبالصدفة كان والده قد مرض فأخذت حصته الأخيرة حتى يدرك أباه ، مما فتح بيننا حوار في اليوم التالي لأخذي للحصة قال لي " إحذر من شيخ المعهد ، الراجل دا بيشوف آخرتك إيه معاه بس ، إسأل مجرب " .

ثم أخذ يفسر سبب كرهه لأي شخص من بلدي " كان في أبله هنا السنة اللي فاتت بلديتنا ، كان قرفها آخر قرف وكانت مخلفة جديد ، فكان بيغلس عليها في الحضور وكانت لها ساعة رضاعة وطبعا مش هتلحق في ساعة ترجع البلد خصوصا الموصلات رزلة وتأكل إبنها وترجع للمعهد تاني ، وفي يوم إتأخرت علي حصتها إتصل بيها وسألها : إنتي مجتيش ليه ردت : معلش أصل أنا راحت عليا نومة ثم صعقت بسؤاله : طب إنتي لبسه ايه دلوقتي ، ظن " شيخ المعهد " أن الحوار بينهم إنتهي بذلك .

الأستاذة جت المعهد ونزلت بالجزمة علي دماغة و شتمته شتايم يابن ويابن ويابن ... ( سباب يجرح الحياء العام ) ، دخل المدرسين وقالوا " مينفعش الكلام دا يا أبله ، قالت يرضيكم إبن .... يقولي وقصت ماحدث ، فنظر له أستاذ وقاله " إخص عليك إخص ثم وجهة كلامه للأستاذة : " شوفي اللي انتي عايزاه يا أبله وإحنا هنفذه ، قالت " اتنقل من المعهد ده " رد " شيخ المعهد " : مفيش نقل في نص السنة ، قالت " يبقي مش جايه ويتمضي لي وراتبي يوصل لي ال 3 شهور اللي جاية لحد البيت " وافق الجمع " إنتهي كلام المدرس بالتحذير منه .

ومن هنا فقد احترامي بعد أن تأكدت من الحادث من أكثر من مدرس ، وضعت حاجز بيني وبينه ، بل عدلت في الحاجز إلا أن أصبح سورا لن أسمح له أبدا بالنظر من خلاله بعد إكتشافي أنه " قليل الرباية و حزب وطني كمان " ثم رسمت حدا بيني وبين زملائي في ذلك المعهد أسمح لهم بتجاوزه من حين لآخر في حدود ما لا يعطل عملي .

ابتسامة رضي .

2010-12-03T00:34:00.001+02:00

ذهبت إلي العمل في يومي الأول وكلي نشاط ، ربما لكوني أؤمن برسالة المعلم ، سيظن بعضكم أني إما كذاب أو قد مسني الجنون ، سلمت علي المدرسين ، لاحظت حفاوة لما أكن بالغها في السابق ، سلمت " شيخ المعهد " نسخة من العقد ، أخذت أصنف المدرسين لصنفين في عقلي ( مرتاح له) ( مش مرتاح له) وذلك لأني أؤمن أنني أملك القدرة علي تمييز الأشخاص من قسمات الوجه ، أدرك الآن أنكم تعتقدون أني أحمق ، ولكني لست كذلك ، لن أقول لكم أني حدسي يصيب في كل المرات ، ورغم ذلك أعامل الأشخاص بمعاملتهم لي وليس بحدسي ، رغم أن القلب يكون فيه بعض الغل تجاه من إتخذت تجاههم موقف سلبي بمجرد رؤيتهم ربما لشعوري بالخطر عندما أكون في نفس حيزهم .

لاحظت أن أحدهم سلم علي بحفاوة غريبة عن الباقين ، استشعرت أنه سيطلب شيئاً فيما بعد ، " بص بقي يا أستاذ بسام أنا مبعرفش حاجة في الكمبيوتر وعايزك تعلمني " قالها ولما يمضي اليوم الأول بعد ، ضحكت في نفسي وقلت " يا لك من متسرع ، طب اصبر واعرفني قبل ما تطلب مش من أول يوم " ، ثم اتبعت ضحكي الداخلي برسم ابتسامة علي وجهي لأنني أصبت في توقع ذلك الشخص ، تذكرت نصيحة عمي " لا تعد أي شخص بأي شيء ، ولكن افعل " لأن في الوعد شرط التنفيذ و حتى لا تحنث بوعدك ، ورغم ذلك أشرت للمدرس بسبابتي علي عيني اليمني ثم أتبعتها بالإشارة علي اليسري أي " من عيني دي ، قبل عيني دي " وفي هذا وعد ، وقلت في نفسي " يا لني من أحمق أتكلم قبل أن أفكر وإن فكرت إتخذت قراراً قبل التروي " .

أخبرت الحضور أن عقدي في معهدين لذا سأعمل هنا ثلاث أيام ، وفي المعهد الثاني ثلاث ، سألني أستاذ لم أكن تعرفت عليه بعد " إنت عايز حصصك في الأول ، ولا في الآخر " أجبته " إلي يريح المدرسين اعملي عكسه " ، قال " لو رحت المعهد التاني وسألوك ، متقولش كدا لأن شيخ المعهد التاني هيعرف إنك طيب وهيبهدلك " رد آخر " تعامل معه بتكبر وهوااا هيحترمك احنا عارفين الراجل ده " استغربت للمبدأ الغريب ( كن محترم تهان – وكن فظاً وبارداً تصان ) حاولت إقناع نفسي إني لست بطيب أخذت أردد في نفسي " أنا شرير – أنا إييييه – شرير – وشرير قوي كمان " ، كان يوم الأول في التدريس مُرْهِق جداً لكنني عدت البيت وعلي ثغري ابتسامة رضي عن نفسي .

مجرد كلمة

2010-11-29T08:42:00.008+02:00

أنا :

أنا عايز أقول كلمة

في شعبنا المعارض

في شعبنا المناهض

في شعبنا المجاهد

علي اللقمة والرغيف

فز قوم ياض

- - - - - - -

أنا عايز أقول كلمة

في الناس الخم نوم

بلازمه ودون لازوم

في كل مكان تحوم

علي اللقمة والرغيف

ما تفز يلا ياض

- - - - - - -

أنا عايز أقول كلمة

في شعبنا الوطني

اللي انتخب وطني

بوجبة كنتاكي

واتبطر علي وطني

واللقمة والرغيف

- - - - - - -

خلاص خليك مكانك

وشيل سكوت لسانك

وإن جار عليك زمانك

مليش دعواااا بيك

- - - - - - -

الظابط :

إيه هيا الكلمة بقي يا حيوان ؟

- - - - - - -

أنا :

بوووووووووووووووووظ ، بالسم الهاري

القانون لا يحمي المغفلين

2010-11-26T00:09:00.005+02:00

عنكبوت عشش علي القلب ، وخيوطه امتدت للعقل ، وذلك بسبب الإرهاق العقلي والبدني الذي حل بي منذ أصبحت معلماً ، وقد كنت أخبرتكم أنني أصبحت مدرساً للابتدائي في أحد المعاهد الأزهرية ، ولكن قبل أن أخبركم علي الواقع .

دعوني أقص كيف حصلت علي الوظيفة ، طلب مني أحد المعارف تجهيز ورقي لأنه ربما يطلبوا مدرسي حاسب آلي ، لم أهتم بطلبه لأنني كنت في طريق لتحقيق حلمي وهو السفر لأمريكا ، تلك السفرة أخذت من عمري سنتين من الأحلام وما يقرب 4 شهور تجهيز أوراق وإعداد لمقابلة القنصل ، ومع ذلك طلب أبي مني أن أجهز أوراقي ، حتى يكون عندنا خطة بديلة في حالة حالت الظروف بيني وبين حلمي الأول .

اتصل بي صديق الأب ، طالباً أوراقي ، أخبرته أنني في " حنة " أحد أبناء أصدقاء أبي القدامي ، و سآتي له بعد أن أؤدي واجب الدعوة من " نقوط " وآكل – لأن الأكل المجاني له طعم مختلف تماماً علي باقي أنواع الطعام – سلمنا علي أبو العريس وأعمامه والعريس وأخوه ، ثم تركنا – الحنة – لكي أعود أدراجي وأعد الأوراق سلفاً ، قابلت صديق الأب مخبري عن الوظيفة ، طلب مني أن أذهب إليه في مكتبه بالغد لكي يرسل معي أحدهم لكي يدلني علي الطريق ، وأيضا يجعلني مدرس في نفس مدرسة الصديق ، وجدت أنني لست الوحيد وأخذت أمضي علي الأوراق ، لم آبه بقرأتها وكل ما كنت أراه أني سأصبح مدرس حاسب أخير وأعمل في مجال دراستي .

اتصلت بزملاء الدراسة ممن أملك أرقام هواتفهم ، أخبرتهم بوجود حاجة لمدرسي الحاسب في الأزهر ، جاء البعض وتهرب البعض ، ومن جاء دعي عليَّ لأنهم اكتشفوا ما اكتشفته بعد ذلك أن الراتب 250 جنية شهريا بدون علاوات ، قابل للنقصان في حالة غياب يوم ، لا توجد لي أجازات ، لا يوجد لي كادر معلمين ، لا يوجد لي مكافأة امتحانات ، وتاريخ تعيني بداية من شهر 10 نهاية حتى نهاية شهر 4 ويتم فصلي حتى لا أحصل علي راتب في الشهور 5 ، 6 ، 7 ، 8 ، 9 ، لدرجة أني أطلقت علي العقد اسم " عقد لا يوجد " .

رآني أحد الأقارب هناك ولم أكن أعلم أنه يعمل في ذلك المكان ، سـألني عن سبب الحضور ، أخبرته ، صعد معي للتوجيه لكي يختار " معهد بلدتي " ، فأخبروه أنه مليء بالفعل ، فطلب أن أعين في أماكن قريبة من بلدي ، فشكرته علي اهتمامه ، واكتشفت فيما بعد أنه هو من أخذ معهد البلدة لزوجته وخشي مني أن أطالب به ، فصعد معي لكي يتأكد أنني سأكون بعيد عن معهد زوجته المختار ( أو هكذا هيأت لي نفسي الأمارة ) ، علمت من حينها أنني خرجت للعالم صعب ، يكون تعامل الناس معك علي أساس أجندة لهم معدة سلفا ، أما أنا فقد مضيت علي العقد ولم يكن هناك سبيل للرجعة لأن ( القانون لا يحمي المغفلين )

مجرد عاشق

2010-11-14T00:08:00.007+02:00

يا قلبي لا تحزن

الفرصه جيا لك

لا الحزن طريق ممدود

والفرح ما سابك

الجرح ويا اللقا

مال الهوي ومالك

ما كنت راضي لوحدك

عجبي علي حالك

حاصده قلوب غيري

ذلتني ليه لعشقها

وحجتك في القول

قال ايه دا دا مهرها

وشوفت سيف الهوي

مدبوح علي رمشها

ورمشها دا نيل

ممدود وعوده طويل

وكل ما أجي اهج

تبص لي بتمثيل

تبص لي وتقول

دايبة في هوا محبوب

هيا اللي دايبة برضوا

ولا أنا الـلي دايب دوب

الحيرة تربكني

ورجلي تتسمر

والفكر يتوقف

والقلب يتحير

وقلبي يصبح ريشة

تطيح يمين وشمال

ما عونت عارف أأقعد

أو أنادي للجمال

وبعد طول تفكير

علي الجمل نطيت

بدأ الغنا الحادي

بدأ الغنا يا ناس

بدأها بالأطلال

ولسه أنا محتاس

وقبل الخروج منها

رميت لها حجتين

بسمة تعيد الأمل

مهما طال الجرح

لازم في يوم يندمل

و ضروري يجي الفرح

وقلب عاشق لها

ينبض مع قلبها

يحزن علي جرحها

ودمه يبقي رصاص

للي يفكر يوم

يدوس علي أرضها

لأني عاشق

لها

مجرد عاشق

آآآآآآآه يا نفوخي ؟؟؟

2010-11-08T21:23:00.006+02:00

أدرك جيداً أن الفطرة والموهبة يتم إنمائهما مثل نبتة المنزل ، لكني أصبحت أشعر في الفترة الأخيرة بفقدانهما ، فلم أضع للنبتة ماء منذة فترة ، لم أعد اقرأ كما كنت وإن كنت في السابق أيضا لا أقرأ ، تبدو الحياة مملة ، هربت الكلمات من خاطري ، في اعتقادي أن للكاتب هدف وهو تغير فكر مجتمعه قولا و عملا ليكون المجتمع أكثر رقياً ، ولكن كيف يحقق الكاتب هدفه وهو بلا هدف ، بلا أسلحة ، بل ساتر ترابي يضع خلفه عدته وعتاده من الكلمات والتعبيرات ، من القراءات و الإطلاع و من عقل خالي من أي شيء ، إلا الله وقضيته ، ربما أكون بائساً الآن بعد أن وقعت علي عقد عمل حكومي حتى " أتمرمرغ في تراب الميري " وأصبحت معلماً للأطفال اكتشفت أنني أقضي علي نفسي بسبب لقمة العيش ، فبعد أن كنت مراقب للمجتمع شاركت به و لم استطيع أن أطبق ما كنت أكتب ، شعرت لأول مرة بأن المجتمع لا أمل فيه .

نصحني أبي أن لا أدخل في معركة غير غائية وقال لي " لكي تغير وتصبح مصلح ، عليك بالتضحية " ، أخذت كلامه بإيمان ، وكفرت به بمجرد أني جلست أول أسبوع من هيئة التدريس ومع الإداريين ، الكل يستغلك لسذاجتك ، لاعتقادهم أنك طيب ، حاولت إفهام بعضهم أني لست طيب ، لأن معني طيب في ذاك الزمن " إنك أهبل " ، بل أني أريد أن أكون " محترم " ، كم من السهل أن أكون ملوثاً بالغش والتدليس والخداع والكذب والنفاق و النميمة ، قلت كتاباتي لعدم وجود روح وكذلك قل متابعتي لكم ، فيومي أصبحت أقضيه إما متربص لأحدهم يحاول خداعي لأني لسه " طازة " في مهنة المعلم ، أو في اختلاق عدو جديد لتمسكي بمبدأ ، أصبحت أفسر أي فعل لمن هم حولي بسوء نية ، لا أقول عن نفسي ملاك ، ولكنني بدأت أشعر بأن كثير ممن هم حولي شياطين .

أدرك أني صاحب رسالة ، لكن كيف أعلم طفل و قلبي مبلبل وجسمي منهك ، و كيف أكتب وعقلي في شغل دائم ،أريد أن أعلم الأطفال ما تمنيت أن أتعلمه وأنا مثلهم ، لكني كالسهم لا أستطيع أن أصيب عدة أهداف في رمية واحدة وكذلك جعبتي لا تتحمل الكثير من الأسهم ، أنا في حرب ضروس ليس لي منها غاية تدرك ولا أدرك فيها عدوي أصلا ، كيف أزيد اطلاعي ، كيف أنمي نفسي ، كيف أغير من حولي للأفضل ، أتساءل في حالتي هل الكثرة ستغلب الشجاعة ، أم أن الشجاعة تستطيع أن تقلب الموازين ؟ حتى أني أعتقد أن أسئلتي ليست مترابطة ولا كلماتي مترابطة ولا حتى حروفي مترابطة ، ما الذي يحدث لي ؟؟؟ أكره أن أشغل عقولكم بمشاكلي ، ولكن روحي ارادت أن تتنفس .

شعبنا النعامة

2010-11-02T03:16:00.002+02:00

مهرة لا تنركب ولا خطوها يتقاس

ومهرها يتاقل بجبال من الألماس

ومسير طغيها يقع ووقتها يداس

و قيامته تبقي إثنين

قيامه بين الناس

وقيامة لرب الناس .

والله لا ينفع حاكم

ولا حتاها كناس

حكم الخسيس الحرة

والزمان دوار

فضل الخسيس راكب

وعدي ليل و نهار

وبدل الليالي ألوف

والحق قول مليار

فضل الخسيس لازق

في شعبها المحتار

بين خوف نقول مزروع

وشجاعة بطل مغوار

جاب الخسيس نجله

ورشحه بالجبر

والشعب ليه ساكت

قال إيه دي شيمة الصبر

يا شعب اخرس قوم

وفوق بقي م النوم

لَ حسن تعيش مذموم

من الحين لآخر الدهر

يا شعبنا المقهور

يا بو جناح مكسور

حلين وهما اتنين

يا إما عليه هتثور

يا إما راح بتغور

وتنهي ذاك الدور

ويدوس عليك القطر

***

بعد القراية يا معلمين طبعا أنا قصدي علي ساركوزي بتاع فرنسا وإبنه و اوعي حد يفهمني غلط .

أمير والحذاء ( إعادة نشر )

2010-10-29T09:20:00.002+02:00

يبدو أن التعليم في تطور ، وقد اكتشفت ذلك بالصدفة البحته ، كنت أدقق في واجبات بنت أختي ، وبعد التدقيق في كتابتها التي لم أفهم منها إلا بعض الكلمات ، طلبت منها القراءة ولما لم أفهم شيئاً أيضاً طلبت منها استخراج الدرس من الكتاب وتركه لي حتي أملي عيني منه ، وبدأ الدرس بعنوان أمير والحذاء ثم بدأ السرد : الساعة تدق السابعة ، لبس أمير ملابس المدرسة ، أمير يبحث عن الحذاء ، يقول أمير : أين الحذاء ؟ كان الحذاء هنا ، كان الحذاء هناك . الساعة تدق الثامنة ، وجد أمير الحذاء . وصل أمير إلي المدرسة متأخراً . انتهت حصة النشاط بكي أمير وقال : سأضع الحذاء في مكانه .

أما الأسئلة فكانت كالتالي :

1- ماذا لبس أمير ؟

2- عن أي شيء يبحث أمير ؟

3- متي وصل أمير إلي المدرسة ؟

***

السؤال الذي اريد طرحه علي وزير التربية والتعليم أو واضعي المنهج : ما الذي سيستفيده الطالب من قصه أمير والحذاء إذا كانت اللغة العربية فبئس التعليم ذلك . وإذا كان التعلم من أخطاء أمير فالطالب أقرب لتعلم كيفية التأخير علي المدرسة ، ولو كان الوزير أو مصممي المنهج يعلموا أن هناك أستاذ واقف علي المدرسة " هيطلع عين أهل أمير لو إتأخر " لكانوا علموا الحقيقة أن أمير لن يتأخر بسبب الشومة ( عصا غليظة ضربها مؤلم وتسبب كدمات ) التي يملكها الأستاذ ، سيدي الوزير ماذا تعلم الطالب من معرفة لباس أمير أو ماهية الشيء الذي يبحث عنه أمير أو وصول أمير من المدرسة متأخراً أم متقدماً أو مدي هرجلة أمير إعذرني يا سيدي ( هل الحذاء الذي ضيعه أمير هو الذي سيجعل من الطالب شخص منضبط ) . سيدي الوزير أبووووووووس الأيادي شوفوا منهج يعلم العيال حاجة وسيبكوا بقي من " أمير والجزمة " ، تلك نصيحتي لسيادتكم ، ما تتعدل بقي ياض ( طبعاً قصدي أمير ) مش إنت يا معالي الوزير .